പ്രേക്ഷകര്‍ തങ്ങളുടെ ഹൃദയത്തിലേറ്റിയ താര ജോഡികളാണ് പ്രഭാസ് അനുഷ്‌ക ഷെട്ടി ജോഡി. ഇരുവരും പ്രണയത്തിലാണെന്നും വിവാഹം ഉടന്‍ ഉണ്ടാകുമെന്നും വരെ വാര്‍ത്തകള്‍ പ്രചരിച്ചു. എന്നാല്‍ രണ്ട് പേരും ഇക്കാര്യങ്ങളെല്ലാം നിഷേധിച്ചിരുന്നു.

എന്നാല്‍ ഇപ്പോള്‍ താരങ്ങളെ ചുറ്റിപ്പറ്റി വീണ്ടും പുതിയ കഥകള്‍ പുറത്തു വരുകയാണ്. ഈ വര്‍ഷം അവസാനത്തോടെ വിവാഹം നടത്താനുളള തയ്യാറെടുപ്പിലാണ് അനുഷ്‌കയുടെ മാതാപിതാക്കള്‍. മകളുടെ വിവാഹം ഈ വര്‍ഷം നടക്കുന്നതിനായും അനുയോജ്യനായ വരനെ ലഭിക്കുന്നതിനു വേണ്ടിയും അനുഷ്‌കയുടെ മാതാപിതാക്കള്‍ ക്ഷേത്രങ്ങളില്‍ പൂജ നടത്തുകയാണെന്ന് വാര്‍ത്ത വന്നിരുന്നു. പ്രഭാസിന്റെ വീട്ടിലും വിവാഹലോചനകള്‍ നടക്കുകയാണ്. ഈ വര്‍ഷം വിവാഹമുണ്ടാകുമെന്ന് താരത്തിന്റെ അമ്മാവന്‍ പറഞ്ഞിരുന്നു. ഇതോടെ വീണ്ടും പ്രഭാസ്അനുഷ്‌ക വിവാഹ കഥവീണ്ടും രംഗത്ത് വന്നു.

എന്നാൽ പല കഥകളും പ്രചരിക്കുന്ന അനുഷ്‌ക പ്രഭാസ് ബന്ധത്തെ കുറിച്ച് പരസ്യമായി പ്രതികരിച്ചിരിക്കുകയാണ് പ്രഭാസ്. സ്വകാര്യ ജീവിതത്തെ കുറിച്ച് പരസ്യമായി വെളിപ്പെടുത്തലുകള്‍ നടത്താന്‍ തനിക്ക് താല്‍പര്യമില്ലെന്നും വിവാഹം കഴിക്കാന്‍ തീരുമാനിച്ചാല്‍ താന്‍ തന്നെ അക്കാര്യം അറിയിക്കുമെന്നും താരം പ്രതികരിച്ചു. തങ്ങള്‍ തമ്മില്‍ വര്‍ഷങ്ങളായി നല്ല സുഹൃത്തുക്കളാണ്. ആ സൗഹൃദം ഇപ്പോഴും തുടര്‍ന്ന് പോകുന്നുണ്ട്. കൂടാതെ ഞങ്ങളെ പോലെതന്നെ വീട്ടുകാരും നല്ല അടുപ്പത്തിലാണെന്ന് പ്രഭാസ് വ്യക്തമാക്കിയിരുന്നു.