ആലിയ ഭട്ടും രണ്‍വീര്‍ കപൂറും തമ്മിലുള്ള പ്രണയവാര്‍ത്തയാണ് ബോളിവുഡിലെ ഇപ്പോഴത്തെ ചര്‍ച്ചാ വിഷയം. എല്ലാവരേയും ഞെട്ടിപ്പിച്ചു കൊണ്ട് താരങ്ങള്‍ തന്നെ തങ്ങളുടെ പ്രണയത്തെ കുറിച്ച് തുറന്ന് പറഞ്ഞത്. തന്റെ ജീവിതത്തിലുണ്ടായ മാറ്റത്തെ കുറിച്ച് രണ്‍ബീര്‍ തുറന്നു പറയുകയാണ്. ആലിയ വന്നതോടെ പോസിറ്റീവ് മാറ്റങ്ങളാണ് ജീവിതത്തില്‍ ഉണ്ടാക്കിയിരിക്കുന്നതെന്ന് രണ്‍ബീര്‍ പറഞ്ഞു. ഇപ്പോള്‍ ഞങ്ങള്‍ രണ്ടാളും ചേര്‍ന്ന് ഒരു സിനിമ ചെയ്യുകയാണ്. അഭിനേത്രിയെന്ന നിലയിലും ആലിയയെ താന്‍ ഏറെ ബഹുമാനിക്കുന്നുണ്ട്. കൂടാതെ അവളുടെ ഉള്ളിലുള്ള നിറങ്ങളും ആത്മ ശക്തിയും കാണാന്‍ സാധിക്കുന്നുണ്ട്. കൂടാതെ ആലിയയ്ക്ക് തന്റേതായ ചിട്ടയും ദിശാബോധവുമുണ്ടെന്നും രണ്‍ബീര്‍ പറഞ്ഞു.

ഒരുപാട് ആകാംക്ഷയോടെയാണ് പുതിയ ബന്ധം തുടങ്ങിയിരിക്കുന്നത്. പുതിയ ആള്‍, പുതിയ താളങ്ങള്‍, പുതിയ ജീവിത രീതികള്‍ എല്ലാം കഴിഞ്ഞതില്‍ നിന്ന് വ്യത്യസ്തമാണ് കൂടാതെ ജീവിതത്തില്‍ ഒരു പക്വത വന്നതു പോലെ തോന്നുന്നെന്നും രണ്‍ബീര്‍ പറഞ്ഞു. ബന്ധങ്ങളില്‍ കൂടുതല്‍ വിശ്വാസ്യത കല്‍പ്പിക്കുന്നതായും താരം കൂട്ടിച്ചേര്‍ത്തു.

പ്രണയത്തിലാകുമ്‌ബോഴാണ് നാം ജീവിതത്തില്‍ അസാധാരണമായ പല കാര്യങ്ങളും നമ്മള്‍ ചെയ്യുന്നത്. പ്രണയത്തില്‍ അകപ്പെടുന്നത് വളരെ മനോഹരമായ കാര്യമായിട്ടാണ് തനിയ്ക്ക് തോന്നുന്നത്. അത് പെണ്‍കുട്ടിയോടുള്ള പ്രണയം മാത്ര മല്ല. അമ്മയോട് തോന്നുന്ന പ്രണയമാകാം, അച്ഛനാകാം, സുഹൃത്താകാം, ഈ ബന്ധങ്ങളില്‍ സത്യസന്ധമായ പ്രണയമുണ്ടെങ്കില്‍ ജീവിതം തന്നെ മനോഹരമാകുമെന്ന് രണ്‍ബീര്‍ പറഞ്ഞു.

വിവാഹം നീട്ടി കൊണ്ടു പോകില്ലെന്നാണ് താരങ്ങളുടെ തീരുമാനം. 2020 ഓടെ വിവാഹം ഉണ്ടാകുമെന്നാണ് സൂചന. വിവാഹത്തിനെ കുറിച്ച് ഇതേ അഭിപ്രായം ആലിയയും മുന്‍പ് പറഞ്ഞിരുന്നു.ഒരു ദേശീയ മാധ്യമത്തിനു നല്‍കിയ അഭിമുഖത്തിലാണ് ആലിയ ഇക്കാര്യത്തെ കുറിച്ച് പറഞ്ഞത്. താന്‍ മുപ്പത് വയസിലെ വിവാഹം കഴിക്കുകയുള്ളുവെന്നാണ് പലരും വിചാരിക്കുന്നത്. എന്നാല്‍ അത് സത്യമല്ല. തന്റെ വിവാഹം അതിനു മുമ്‌ബേ ഉണ്ടാകുമെന്ന് ആലിയ പറഞ്ഞിരുന്നു.