കൊച്ചിയില് നിന്നും അമേരിക്കയിലേക്കുള്ള യാത്രക്കിടെ വിമാനത്തില് വച്ച് ആരോഗ്യനില വഷളായി; ഒമാനിലെ ആശുപത്രിയില് ചികിത്സയില് കഴിയുന്ന ക്യാപ്ടന് രാജുവിന്റെ ആരോഗ്യനില തൃപ്തികരം; തത്കാലം താരത്തിന് നാട്ടിലേക്ക് മടങ്ങാനാവില്ല
മസ്തിഷ്കാഘാതത്തെ തുടര്ന്ന് ഒമാനിലെ ആശുപത്രിയില് ചികിത്സയില് കഴിയുന്ന മലയാള സിനിമാ താരം ക്യാപ്ടന് രാജുവിന്റെ ആരോഗ്യനില തൃപ്തികരമാണെന്ന് അധികൃതര്. എന്നാല് തീവ്രപരിചരണ വിഭാഗത്തില് നിരീക്ഷണത്തില് കഴിയുന്നതിനാല് അദ്ദേഹത്തിന് തത്കാലം നാട്ടിലേക്ക് മടങ്ങാനാവില്ല. അദ്ദേഹത്തിന് വിശ്രമം ആവശ്യമാണെന്നും കൂടുതല് പരിശോധനകള്ക്ക് ശേഷമേ നാട്ടിലേക്ക് മടങ്ങാനാകൂ എന്നും ഡോക്ടര്മാര് വ്യക്തമാക്കി. മസ്ക്കത്തിലെ കിംസ് ആശുപത്രിയിലാണ് അദ്ദേഹം ചികിത്സയില് കഴിയുന്നത്.
കൊച്ചിയില് നിന്നും അമേരിക്കയിലേക്കുള്ള യാത്രക്കിടെ വിമാനത്തില് വച്ച് ആരോഗ്യനില വഷളായ ക്യാപ്ടന് രാജുവിനെ തിങ്കളാഴ്ചയാണ് ഒമാനിലെ ആശുപത്രിയില് പ്രവേശിപ്പിക്കുന്നത്. താരത്തിനെ ആശുപത്രിയിലെത്തിക്കാന് മസ്ക്കത്ത് അന്താരാഷ്ട്ര വിമാനത്തില് ഇത്തിഹാദ് വിമാനം അടിയന്തര ലാന്ഡിംഗ് നടത്തുകയായിരുന്നു. വിമാനത്താവളത്തിലെ കിംസ് ഒമാന് ഹോസ്പിറ്റല് കൗണ്ടറില് നിന്നും പ്രാഥമിക ചികിത്സ ലഭ്യമാക്കിയ ശേഷമാണ് വിദഗ്ദ്ധ ചികിത്സയ്ക്കായി റൂവിയിലെ ആശുപത്രിയിലേക്ക് മാറ്റിയത്.
https://www.facebook.com/Malayalivartha
