ആക്രമിക്കപ്പെട്ട നടിയുടെ അവസരങ്ങൾ താൻ ഇല്ലാതാക്കിയിട്ടില്ലെന്ന് നടൻ ദിലീപ് പറഞ്ഞു. താൻ അവസരങ്ങൾ നഷ്ടപ്പെടുത്തിയെന്ന് താരസംഘടനയായ അമ്മയ്ക്ക് പരാതി ലഭിച്ചിട്ടുണ്ടെങ്കിൽ അതിന്മേൽ എന്ത് നടപടിയാണെടുത്തതെന്ന് അവരോടാണ് ചോദിക്കേണ്ടിയിരുന്നതെന്നും ദിലീപ് സുഹൃത്തുക്കളോട് പറഞ്ഞു. കേസ് കോടതിയുടെ പരിഗണനയിൽ ആയതിനാൽ ദിലീപ് ഇക്കാര്യത്തിൽ പരസ്യപ്രതികരണത്തിന് മുതിർന്നിട്ടില്ല.

തന്നെ അമ്മയിൽ നിന്ന് പുറത്താക്കിയതും ഇപ്പോൾ തിരിച്ചെടുത്തതും രേഖാമൂലം സംഘടന തന്നെ അറിയിച്ചിട്ടില്ല. നടിയുടെ അവസരങ്ങൾ ഇല്ലാതാക്കാൻ ശ്രമിച്ചുവെന്ന ആരോപണം അസംബന്ധമാണ്. നടിയെ ആക്രമിച്ച കേസ് കോടതിയിൽ ആയതിനാൽ ഇക്കാര്യത്തിൽ പരസ്യ പ്രതികരണം നടത്താനില്ലെന്നും ദിലീപ് അടുത്ത സുഹൃത്തുക്കളോട് പങ്കുവച്ചു.