ദിലീപിനെ സംഘടനയില്‍ തിരിച്ചെടുത്തിട്ടില്ലെന്ന് ഫെഫ്ക. കേസിലെ വിധി വരാതെ തീരൂമാനം പുനഃപരിശോധിക്കില്ല. സസ്‌പെന്‍ഷന്‍ തുടരുകയാണെന്നും ബി. ഉണ്ണികൃഷ്ണന്‍ അറിയിച്ചു. നടിയെ ആക്രമിച്ച കേസിനു പിന്നാലെയാണ് ദിലീപിനെ സംഘടനയില്‍നിന്നു പുറത്താക്കിയത്.

താര സംഘടനയായ അമ്മയില്‍ ദിലീപിനെ തിരിച്ചെടുത്തതില്‍ പ്രതിഷേധം ശക്തമാകുന്നതിനിടെയാണ് ഫെഫ്ക നിലപാട് വ്യക്തമാക്കിയത്. ദിലീപിനെ അമ്മയില്‍ തിരിച്ചെടുത്തതോടെ നാല് നടിമാര്‍ അമ്മയില്‍നിന്നു രാജിവച്ചിരുന്നു.