മറ്റു സിനിമാമേഖലകളെ അപേക്ഷിച്ച്‌ മലയാള സിനിമാരംഗം സ്ത്രീകൾക്ക് സുരക്ഷിതമാണെന്ന് നടി ആശാ ശരത്. മറ്റ് ഇന്‍ഡസ്ട്രികളെ അപേക്ഷിച്ച്‌ സ്ത്രീകള്‍ ഏറ്റവും സുരക്ഷിതരായി ഇരിക്കുന്നത് മലയാളത്തിലാണെന്ന് ടൈംസ് ഓഫ് ഇന്ത്യക്കു നൽകിയ അഭിമുഖത്തിലാണ് താരം ഇക്കാര്യം പറഞ്ഞത്.

എവിടെയാണെങ്കിലും സ്വയം സരംക്ഷിക്കാനാണ് ആദ്യം പഠിക്കേണ്ടത്. ഒരു പ്രാവശ്യം നമ്മള്‍ പ്രതികരിച്ചാല്‍ അടുത്തതവണ അത്തരത്തില്‍ ഇടപെടാന്‍ അവര്‍ ഭയപ്പെടുമെന്ന് താരം പറഞ്ഞു.

ഞാന്‍ തമിഴിലും തെലുങ്കിലും കന്നഡയിലുമൊക്കെ വര്‍ക്ക് ചെയ്തിട്ടുണ്ട്. മറ്റുള്ളവയേക്കാള്‍ സ്ത്രീകള്‍ ഏറ്റവും സുരക്ഷിതരായിരിക്കുന്നത് ഇവിടെ തന്നെയാണ്. മലയാള സിനിമാവ്യവസായത്തെക്കുറിച്ച്‌ മൊത്തത്തില്‍ പറഞ്ഞാല്‍ അവിടെ സ്ത്രീകള്‍ ബഹുമാന്യര്‍ തന്നെയാണെന്നും താരം പറഞ്ഞു.