ദിലീപിനെ അമ്മയില് തിരിച്ചെടുത്തതിനെതിരെ കന്നഡ സിനിമാ സംഘടനകള് രംഗത്ത്; കന്നഡയിലെ അന്പത് സിനിമാപ്രവര്ത്തകരുടെ ഒപ്പോടുകൂടിയതാണ് കത്ത്
ദിലീപിനെ അമ്മയില് തിരിച്ചെടുത്തതിനെതിരേ കന്നഡ സിനിമാ സംഘടനകളുടെ തുറന്ന കത്ത്. നടി ആക്രമിക്കപ്പെട്ട കേസില് ആരോപണ വിധേയനായ ദിലീപിനെ അമ്മയില് തിരിച്ചെടുത്തതില് പ്രതിഷേധിച്ച്, സംഘടനയില്നിന്നു രാജിവച്ച നടിമാര്ക്കും വനിതാ അഭിനേതാക്കളുടെ സംഘടനയായ വിമന് ഇന് സിനിമ കളക്ടീവിനും പിന്തുണയുമായി നിരവധി പേര് രംഗത്തെത്തിയിരുന്നു. നടന് പൃഥ്വിരാജ്, പി.ബാലചന്ദ്രന് എന്നിവര് നടിമാര്ക്കു തുറന്ന പിന്തുണ അറിയിച്ചിരുന്നു പിന്നാലെയാണ് കന്നഡ ഫിലിം ഇന്ഡസ്ട്രി, ഫിലിം ഇന്ഡസ്ട്രി ഫോര് റൈറ്റ്സ് ആന്ഡ് ഇക്വാളിറ്റി എന്നീ സംഘടനകളുടെ തുറന്ന കത്ത്.
കന്നഡ ഫിലിം ഇന്ഡസ്ട്രി, ഫിലിം ഇന്ഡസ്ട്രി ഫോര് റൈറ്റ്സ് ആന്ഡ് ഇക്വാളിറ്റി എന്നീ സംഘടനകള് സംയുക്തമായി അയച്ചിരിക്കുന്ന കത്തില് 50 സിനിമാപ്രവര്ത്തകരും ഇതില് ഒപ്പുവച്ചിട്ടുണ്ട്. നടന് പ്രകാശ് രാജ്, കൊല്ലപ്പെട്ട മാധ്യമപ്രവര്ത്തക ഗൗരി ലങ്കേഷിന്റെ സഹോദരി കവിത ലങ്കേഷ്, മേഘ്ന രാജ്, ശ്രുതി ഹരിഹരന്, രൂപ അയ്യര്, രക്ഷിത് ഷെട്ടി, ശ്രദ്ധ ശ്രീനാഥ് എന്നിവര് കത്തില് ഒപ്പിട്ടിട്ടുണ്ട്.
https://www.facebook.com/Malayalivartha
