ദിലീപിനെ താരസംഘടനയായ അമ്മയിൽ തിരിച്ചെടുത്തതുമായി ബന്ധപ്പെട്ട വിവാദങ്ങൾ കത്തിനിൽക്കുമ്പോൾ സംഭവത്തിൽ പ്രതികരണയുമായി തമിഴ്നടനും മക്കൾ നീതിമയ്യം പ്രസിഡന്റുമായ കമൽഹാസൻ രംഗത്ത് . കൊച്ചിയിൽ സ്വകാര്യ വാർത്താ ചാനൽ സംഘടിപ്പിച്ച പരിപാടിയിലാണ് കമൽ തന്റെ അഭിപ്രായം തുറന്നുപറഞ്ഞത് .

സിനിമയിലെ വനിതാ കൂട്ടായ്മ ഡബ്ല്യുസിസി ഉയര്‍ത്തുന്ന നിലപാടുകളെ പിന്തുണയ്ക്കുന്നു.ചര്‍ച്ച ചെയ്തതിന് ശേഷം വേണമായിരുന്നു ദിലീപിനെ താരസംഘടനയിലേക്ക് തിരിച്ചെടുക്കേണ്ടിയിരുന്നത് എന്നും കമൽ പറഞ്ഞു . ദിലീപ് വിഷയത്തിൽ ആക്രമിക്കപ്പെട്ട നടിക്ക് പിന്തുണയുമായി തമിഴ് നടൻ കാർത്തി നേരത്തെ രംഗത്ത് വന്നിരുന്നു .