അവസരംലഭിക്കാതെ വീട്ടിലിരിക്കുന്ന നടിമാര്ക്ക് റീ എന്ട്രി നല്കാം എന്ന വ്യാജേനെ സംവിധായകന് കൂടെ കിടക്കാന് ക്ഷണിക്കുന്നെന്ന് പൂനം കൗര്
കാസ്റ്റിംഗ്കൗച്ചാണല്ലോ ഇപ്പോഴത്തെ ട്രെന്ഡ്. പലയിടങ്ങളിലും ഇത്തരം സംഭവങ്ങള് നടക്കുന്നുണ്ടെങ്കിലും ചിലര് പബഌസിറ്റിക്ക് വേണ്ടി ഇത്തരംകഥകള് മെനയറുണ്ട്. ആ സംവിധായകന് കൂടെ കിടക്കാന് വിളിച്ചു, നിര്മാതാവ് വിളിച്ചു എന്നൊക്കെ പറയും. പക്ഷെ, പേര് പറയില്ല. ചിലരെയൊക്കെ ഭയപ്പെടുത്തുകയാണ് ഇവരുടെ ലക്ഷ്യം. വര്ഷങ്ങള്ക്ക് മുമ്പ് നടന്ന പീഡനങ്ങളുടെ പേരില് പ്രശസ്ത സംവിധായകന് കിംകിഡൂക്ക് അടക്കം തടവിലാകുമോ എന്ന ആശങ്കയിലാണ് സിനിമാ ലോകം. ഹോളിവുഡ് നിര്മാതാവ് ഹാര്വി വിന്സ്റ്റെയിന് പെട്ടിരിക്കുകയാണ്. ഇത്തരം സംഭവങ്ങള് നടക്കുമ്പോഴാണ് പൂനംകൗര് പുതിയ വെളിപ്പെടുത്തലുമായി എത്തിയത്.
തന്നെ നായികയാക്കാം പക്ഷെ, കൂടെ കിടക്കണമെന്ന് ആവശ്യപ്പെട്ട് ഒരു സംവിധായകന് തന്നെ നിരന്തരം ശല്യപ്പെടുത്തുകയാണെന്നാണ് പൂനം ആരോപിക്കുന്നത്. ഈ തെലുങ്ക് സംവിധായകന് വര്ഷത്തില് ഒരു പടം കഷ്ടിച്ച് കിട്ടിയാലായെന്നും ഇവര് പറയുന്നു. എങ്കിലും മറ്റുള്ളവരുടെ ജീവിതം പന്താടുന്നത് ഇയാളുടെ സ്വഭാവമാണെന്നും പൂനം ആരോപിക്കുന്നു. അവസരംലഭിക്കാതെ വീട്ടിലിരിക്കുന്ന നടിമാര്ക്ക് റീ എന്ട്രി നല്കാം എന്ന വ്യാജേനെയാണ് സംവിധായകന് അവസരങ്ങള് വാദ്ഗാനം ചെയ്യുന്നത്. അനാവശ്യമായി തന്റെ സ്വകാര്യതയില് ഇടപെടരുതെന്ന് സംവിധായകന് താക്കീത് നല്കിയിട്ടുണ്ടെന്ന് നടി പറഞ്ഞു.
മറ്റ് പലരോടും അന്വേഷിച്ചപ്പോള് ഈ സംവിധായകനെ കുറിച്ച് പറയാന് കൊള്ളാത്ത ഒരുപാട് കാര്യങ്ങള് മനസിലാക്കാനായി. ശല്യം തുടരുകയാണെങ്കില് ഇയാള്ക്കെതിരെ പരസ്യമായി രംഗത്ത് വരുമെന്നും താരം മുന്നറിയിപ്പ് നല്കി. നെഞ്ചിരിക്കും വരെ എന്ന തമിഴ് ചിത്രത്തില് നായികയായിരുന്നു ഹൈദരാബാദുകാരിയായ പൂനം കൗര്. പയണം, ആറ്, വെടി, എന്വഴി തനിവഴി, നായകി തുടങ്ങിയ ചിത്രങ്ങളിലും അഭിനയിച്ചു. തെലുങ്ക് താരം പവന് കല്യാണുമായി പൂനം പ്രണയത്തിലാണെന്ന വാര്ത്തകള് പ്രചരിച്ചിരുന്നു.
https://www.facebook.com/Malayalivartha