'നാനി വളരെ മോശക്കാരനാണ് അയാള് ബലം പ്രയോഗിച്ച് ഞാനുമായി ലൈംഗിക ബന്ധത്തില് ഏര്പ്പെട്ടു; നാനി തന്നെ മയക്കുമരുന്ന് നല്കി പീഡിപ്പിച്ചു; എന്റെ ആദ്യത്തെ ലക്ഷ്യം അയാളാണ്; രാഘവ ലോറന്സും മുരുഗദോസും നല്ല മനുഷ്യരാണ്; അവര് എന്തൊക്കെ പറഞ്ഞാലും നാനിയെപ്പോലെ പിശാചുക്കളല്ല വീണ്ടും ശ്രീ റെഡ്ഡി രംഹത്ത്
'എന്റെ അമ്മ ഒരിക്കല് പറഞ്ഞതാണ് സിനിമയിലേക്ക് പോകരുതെന്ന്. അന്ന് ഞാന് അനുസരിച്ചില്ല. അതിന്റെ ഫലമാണ് ഞാന് ഇപ്പോള് അനുഭവിക്കുന്നത്. ഞാന് സിനിമയിലേക്ക് വരാന് ആഗ്രഹിച്ചത് തൃഷയെ കണ്ടിട്ടാണ്. ഒരിക്കല് ഞാനും എന്റെ മുന്കാമുകനും ഒരുമിച്ച് ഒരു പബ്ബില് പോയപ്പോള്. അവിടെ തൃഷയും റാണയും മദ്യമൊക്കെ കഴിച്ച് ആസ്വദിക്കുന്നുണ്ടായിരുന്നു. എന്റെ കാമുകന് ഉടന് തൃഷയെ പ്രശംസിക്കാന് തുടങ്ങി. അവര് സുന്ദരിയാണെന്ന് പറഞ്ഞു. അന്നാണ് എനിക്ക് ഒരു നടി ആകണമെന്ന് തോന്നലുണ്ടായത്.
ജോലി രാജിവച്ചാണ് സിനിമാ നടിയാകാന് ഇറങ്ങി പുറപ്പെടുന്നത്. ഓഡിഷന് കഴിഞ്ഞ് സിനിമയുടെ സെറ്റിലെത്തിയപ്പോഴാണ് ഓരോരുത്തര് ലൈംഗിക സേവനങ്ങള് ചോദിച്ച് വരാന് തുടങ്ങിയത്. ആദ്യം വന്നത് ഒരു സംവിധായകനായിരുന്നു. എനിക്ക് സമയം വേണമെന്ന് ഞാന് അയാളോട് പറഞ്ഞു. കാരണം എനിക്ക് ഒന്നും ഉള്ക്കൊള്ളാന് പറ്റുന്നുണ്ടായിരുന്നില്ല. ഞാന് എന്റെ കാമുകന്റെ കൂടെ മാത്രമേ പോകാറുള്ളൂ. രണ്ട് ദിവസം കഴിഞ്ഞ് ഞാന് മറുപടിയൊന്നും പറഞ്ഞില്ല. പിന്നീട് അഭിനയിക്കുമ്പോള് എന്നെ എത്രമാത്രം ഉപദ്രവിക്കാമോ അത്രയും ആ സംവിധായകന് ഉപദ്രവിച്ചു.
നിര്മാതാക്കളും സംവിധായകരും നടന്മാരും എന്നെ ഒരു വില്പ്പന ചരക്കായി മാത്രം കണ്ടു. അവര് മദ്യപിക്കുമ്പോള് കൂടെ ഇരുന്ന് ഞാന് സന്തോഷിപ്പിക്കണമായിരുന്നു. സിനിമയില് അവസരം തരാം എന്ന് പറഞ്ഞാണ് ഇതൊക്കെ ചെയ്യിച്ചത്. കാസ്റ്റിംങ് കൗച്ച് യാഥാര്ത്ഥ്യമാണ്. ഓഡിഷന് വരുന്ന പെണ്കുട്ടികളുടെ ഫോണ് നമ്പര് ശേഖരിച്ചാണ് പലരും വലയില് വീഴ്ത്തുന്നത്. '
'നാനി വളരെ മോശക്കാരനാണ്. അയാള് ബലം പ്രയോഗിച്ച് ഞാനുമായി ലൈംഗിക ബന്ധത്തില് ഏര്പ്പെട്ടു. അയാളുടെ കൂട്ടുകാരും അവിടെ ഉണ്ടായിരുന്നു. എന്നെ മയക്കുമരുന്ന് നല്കിയാണ് പീഡിപ്പിച്ചത്. എന്റെ ആദ്യത്തെ ലക്ഷ്യം അയാളാണ്. രാഘവ ലോറന്സും മുരുഗദോസും നല്ല മനുഷ്യരാണ്. അവര് എന്തൊക്കെ പറഞ്ഞാലും നാനിയെപ്പോലെ പിശാചുക്കളല്ല.
റാണാദഗ്ഗുബാട്ടിയുടെ അനിയന് അഭിറാം ദഗ്ഗുബാട്ടി മറ്റൊരു പിശാചാണ്. രാമനായിഡു സ്റ്റുഡിയോയില് വച്ചാണ് അവന് എന്നെ പീഡിപ്പിച്ചത്. അഭിറാം എന്നെ പ്രേമിച്ചു വഞ്ചിച്ചു. എല്ലാം കഴിഞ്ഞപ്പോള് ഞാന് അവന്റെ നിലവാരത്തിലുള്ള ആളല്ല എന്ന് പറഞ്ഞു. അവന്റെ വീട്ടില് മരുമകളായി വരാന് എനിക്ക് യോഗ്യതയില്ലെന്നും പെണ്ണുങ്ങള് എന്ന് പറഞ്ഞാല് അവന് ഉപയോഗിച്ച് വലിച്ചെറിയാനുള്ള ഒരു സാധനം മാത്രാമണെന്നും പറഞ്ഞു. '
വിശാലിനോട് തനിക്ക് വൈരാഗ്യമില്ലെന്നും നാനിയെ പിന്തുണച്ചത് കൊണ്ടു മാത്രമാണ് അന്ന് ചീത്തവിളിച്ചതെന്നും ശ്രീ റെഡ്ഡി പറഞ്ഞു. തന്നെ ചൂഷണം ചെയ്തവരുടെ പേരുകള് ഒറ്റയടിക്ക് പുറത്ത് വിടാത്തത് ജനങ്ങളില് തെറ്റിദ്ധാരണ ഉണ്ടാക്കാതിരിക്കാനാണ്. എല്ലാവര്ക്കും കൃത്യമായ ശ്രദ്ധ ലഭിക്കണം. ഓരോരുത്തരുടെ പേരായി വെളിപ്പെടുത്തുന്നത് അതുകൊണ്ടാണ്. തെലുഗു സിനിമയില് സ്ത്രീകളുടെ പ്രശ്നങ്ങള് പരിഹരിക്കുന്നതിന് വേണ്ടി കമ്മിറ്റി ഉണ്ടാക്കാത്തത് പേടിച്ചിട്ടാണെന്നും ശ്രീ റെഡ്ഡി കൂട്ടിച്ചേര്ത്തു.
https://www.facebook.com/Malayalivartha
