വിജയ് ചിത്രം സര്ക്കാരിന്റെ വിതരണാവകാശം റെക്കോര്ഡ് തുകയ്ക്ക് സ്വന്തമാക്കാനൊരുങ്ങി ഗ്ലോബല് യുണൈറ്റഡ് മീഡിയ
ദിപാവലി റിലീസായി പുറത്തുവരാനിരിക്കുന്ന വിജയ് ചിത്രമാണ് 'സർക്കാർ' .സർക്കാരിന്റെ ഫസ്റ്റ് ലുക്ക് പോസ്റ്ററിന് ആരാധകരുടെ വൻ സ്വീകാര്യതയാണ് ലഭിച്ചത് .തുപ്പാക്കി, കത്തി എന്നീ ചിത്രങ്ങള്ക്ക് ശേഷം എആര് മുരുകദോസ് വിജയ് ചിത്രം ഒരുക്കുന്നതായി വാര്ത്തകള് പുറത്ത് വന്നതിന് ശേഷം ഏറെ പ്രതീക്ഷയോടെയാണ് ആരാധകര് കാത്തിരിക്കുന്നത്.
കേരളത്തില് വന് ആരാധക വൃന്ദമുള്ള വിജയ്യുടെ സര്ക്കാര് കേരളത്തില് പ്രദര്ശനത്തിനെത്തിക്കാനുള്ള മത്സരത്തില് മുന്നില് നില്ക്കുന്നത് ഗ്ലോബല് യുണൈറ്റഡ് മീഡിയയാണ്. വന് തുകയാണ് ചിത്രത്തിന്റെ കേരളത്തിലെ വിതരണാവകാശത്തിനായി ഇവര് ക്വോട്ട് ചെയ്തിരിക്കുന്നത്. എന്നാല് അത് എത്രയാണെന്ന് വെളിപ്പെടുത്തിയിട്ടില്ല. കേരളത്തിലെ വമ്ബന് വിതരണ കമ്ബനികളൊന്നും ഇവര്ക്ക് വെല്ലുവിളിയാകില്ല എന്നാണ് കരുതുന്നത്. കേരളത്തിലും വന് കളക്ഷന് നേടിയ മെര്സല് കേരളത്തില് പ്രദര്ശനത്തിനെത്തിച്ചതും യുണൈറ്റഡ് ഗ്ലോബല് മീഡിയയാണ്. മെര്സല് നേടിയ വന് വിജയം തന്നെയാകാം റെക്കോര്ഡ് തുക നല്കി സര്ക്കാര് വിതരണത്തിനെടുക്കാന് ഇവര്ക്കുള്ള പ്രേരണ. ബാഹുബലി പരമ്ബര കേരളത്തില് വിതരണം ചെയ്തതും ഗ്ലോബല് യുണൈറ്റഡ് മീഡിയയാണ്.
https://www.facebook.com/Malayalivartha
