ആറ് മണി കഴിഞ്ഞാല് അഭിനയം വരില്ലെന്ന് ചില നടിമാര്, രാവിലെ നേരത്തേ എത്താന് പറഞ്ഞാല് ഇവരെല്ലാം റെഡി
നല്ലനടിമാരാണെങ്കിലും പലവിധമാണ് സംവിധായകര്ക്കും നിര്മാതാക്കള്ക്കും തലവേദന സൃഷ്ടിക്കുന്നത്. പലരും നല്ല പ്രതിഫലം വാങ്ങുകയും സമയത്തിന് ലൊക്കേഷനില് വരാതിരിക്കുകയും ചെയ്യുന്നു എന്നത് പണ്ടേയുള്ള പരാതിയാണ്. പുതിയ നടിമാര് അങ്ങനെയല്ല സമയത്തിന് വരും. എന്നാല് വൈകുന്നേരം ആറ് മണി കഴിഞ്ഞാല് അഭിനിക്കില്ല. അതിന് ശേഷം മൂഡ് പോകുമെന്നാണ് ഇവര് പറയുന്ന വാദം. പലപ്പോഴും അഞ്ച് മണി മുതല് ഏഴ് മണി വരെ പ്രത്യേക ലൈറ്റുള്ളതിനാല് ആ സമയത്ത് വേഗത്തിലാണ് ചിത്രീകരണം നടക്കുക. അതിനിടെ മൂഡില്ലെന്ന കാരണം പറഞ്ഞ് ഷൂട്ടിംഗ് ഉപേക്ഷിച്ചാല് നിര്മാതാവിന് ഭീമമായ നഷ്ടമാണ് സംഭവിക്കുക.
ഓവിയ, ലക്ഷ്മിമേനോന്, സോണിയ അഗര്വാള് എന്നിവരോട് ആറ് മണിക്ക് ശേഷം ചിത്രീകരണമുണ്ടെന്ന് പറഞ്ഞാല് മുഖംകറുക്കും. ഇത് മനസിലാക്കിയ സംവിധായകരില് പലരും ഇവരെ നിര്ബന്ധിച്ച് അഭിനയിപ്പിക്കാറില്ല. ഇവരോടൊക്കെ രാവിലെ ഏഴ് മണിക്ക് സെറ്റിലെത്തണമെന്ന് ആവശ്യപ്പെട്ടാല് കൃത്യസമയത്ത് എത്തും. അതിനാലാണ് പല സംവിധായകരും വാശിപിടിക്കാത്തത്. പുതുമുഖനടിമാരില് പലരും കരാറില് ഒപ്പിടുമ്പോള് തന്നെ വൈകുന്നേരം ആറ് മണിക്ക് ശേഷം ചിത്രീകരണത്തില് പങ്കെടുക്കാന് ബുദ്ധിമുട്ടാണെന്ന് അറിയിക്കും. ഇത് അംഗീകരിച്ചാല് മാത്രമേ അഭിനയിക്കൂ എന്ന വാശിയിലാണ് ഇവരടക്കമുള്ള ചില പുതുമുഖ നടിമാര്.
നടന്മാരുടെ കാര്യം പറയുകയേ വേണ്ട. തിരക്ക് കൂടുതലുള്ള നടന്മാര് അവരുടെ താല്പര്യങ്ങള്ക്കനുസരിച്ച് കാര്യങ്ങള് നടത്താന് ശ്രമിക്കും. നടന് വടിവേലു അഞ്ച് മണിക്ക് ശേഷം അഭിനയിക്കാറില്ല. ദിവസം ലക്ഷങ്ങളാണ് പ്രതിഫലം വാങ്ങുന്നത്. അത് വൈകുന്നേരം കിട്ടിയിരിക്കണം. അല്ലെങ്കില് പ്രശ്നമാണ്. അതേസമയം നായക നടന്മാര് അങ്ങനെയല്ല. സംവിധായകന് പറയുന്ന സമയത്ത് എത്തും. രാത്രി വൈകിയും അഭിനയിക്കാന് തയ്യാറാണ്. എല്ലാ ഇന്ഡസ്ട്രിയിലും പക്കാ പ്രൊഫഷണലായ ആര്ട്ടിസ്റ്റുകള് തീരെ കുറവാണ്. ആമീര്ഖാനൊക്കെ സംവിധായകന് പറയുന്ന സമയത്തിന് ഒരു മണിക്കൂര് മുന്നേ എത്തും. മലയാളത്തില് മമ്മൂട്ടിയും മോഹന്ലാലും അങ്ങനെയാണ്.
https://www.facebook.com/Malayalivartha
