സിനിമാ റിലീസ് ദിനത്തോടനുബന്ധിച്ച് പാല് അഭിഷേകം, ചെണ്ടമേളം തുടങ്ങിയവ സംഘടിപ്പിക്കുന്നത് തമിഴ്നാട്ടില് സാധാരണ കാഴ്ചയാണെങ്കിലും ഇത് ഇത്തിരി കടന്നുപോയി.....
സിനിമാതാരങ്ങളോടും സ്പോട്സ് താരങ്ങളോടുമൊക്കെയുള്ള ആരാധന പലപ്പോഴും കാടുകയറുന്നത് നമ്മളൊക്കെ കണ്ടിട്ടുണ്ട്. പലപ്പോഴും സ്വന്തം വീട്ടുകാരോടുപോലും കാണിക്കാത്തത്ര സ്നേഹം സിനിമാതാരങ്ങളോട് കാണിക്കുന്ന വ്യക്തികളുമുണ്ട്.എന്തിന് .. സിനിമാതാരങ്ങളുടെ പേരിൽ തമിഴ്നാട്ടിൽ അമ്പലം വരെ ഉണ്ടല്ലോ? ആരാധന തലക്കുപിടിച്ച് തമ്മില് തള്ളുന്നതും സ്വന്തം ജീവന് പോലും കളയുന്നവരും ഉണ്ട്. അത്തരത്തിൽ ഒരു സംഭവമാണ് തമിഴ്നാട്ടിലെ ഒരു തിയേറ്ററില് നടന്നത്.
മണിരത്നം സംവിധാനം ചെയ്ത ചെക്ക ചിവന്ത വാനം എന്ന സിനിമ തിയേറ്ററുകളിലെത്തിയപ്പോഴാണ് സംഭവം. സിമ്പുവിനോടുള്ള ആരാധന തലയ്ക്കു പിടിച്ച ഒരാള് ശരീരത്തില് കമ്പി കുത്തിക്കയറ്റി ജെ.സി.ബിയില് തൂങ്ങികിടന്നാണ് കട്ടൗട്ടില് പാലഭിഷേകം നടത്തിയത് ..
അല്ലു അര്ജ്ജുന് നായകനായ തെലുഗു ചിത്രം നാ പേരു സൂര്യ എന്ന സിനിമയുടെ റിലീസിനോടനുബന്ധിച്ച് ആരാധകരായ ഒരു കൂട്ടം യുവാക്കള് വിരല് മുറിച്ച് കട്ടൗട്ടില് ചോര ഒഴുക്കിയത് വലിയ വിവാദങ്ങൾ ഉണ്ടാക്കിയിരുന്നു. പാല് അഭിഷേകത്തിനായി കട്ടൗട്ടില് കയറിയ ഒരു യുവാവ് വീണ് മരിച്ച സംഭവം മുൻപ് കേരളത്തിലും ഉണ്ടായിട്ടുണ്ട്.
താരാരാധനയും ഫാൻസ് അസ്സോസിയേഷനുകളുമെല്ലാം ഒരു പരിധി വരെ നല്ലതുതന്നെ..എന്നാൽ സ്വന്തം ജീവൻ പോലും മറന്നുകൊണ്ടുള്ള ഇത്തരം പ്രവൃത്തികൾതടയാൻ താരങ്ങൾ തന്നെ മുന്നോട്ടുവരണം.
https://www.facebook.com/Malayalivartha