നിഷ്കളങ്കരെ അധിക്ഷേപിക്കുന്നത് ഫാഷനായി മാറിയിരിക്കുകയാണ്; മീ ടൂ ആരോപണങ്ങള് നിഷേധിച്ച് വൈരമുത്തു
മീ ടൂ ആരോപണങ്ങള് നിഷേധിച്ച് കവിയും ഗാനരചയിതാവുമായ വൈരമുത്തു പ്രതികരിച്ചു. മീ ടൂ വിവാദത്തില് തനിക്ക് നേരെ ഉണ്ടായ ആരോപണവുമായി ബന്ധപ്പെട്ട് പൊലീസില് പരാതി നല്കിയാല് ആരോപണം അസത്യമെന്നു കോടതിയില് തെളിയുമെന്ന് അദ്ദേഹം പറഞ്ഞു. അതിനാല് ആരോപണം ഉന്നയിച്ചവര് തന്നെ നിയമത്തിന്റെ വഴി സ്വീകരിക്കണമെന്നും വൈരമുത്തു നിര്ദ്ദേശിച്ചു.
ആരോപണങ്ങള് അടിസ്ഥാന രഹിതമാണെന്നും എല്ലാം കാലം തെളിയിക്കുമെന്നും അദ്ദേഹം നേരത്തേ ട്വിറ്ററില് വെളിപ്പെടുത്തിയിരുന്നു. നിഷ്കളങ്കരെ അധിക്ഷേപിക്കുന്നത് ഫാഷനായി മാറിയിരിക്കുകയാണ്. പല സംഭവങ്ങളിലായി എന്നെയിപ്പോള് നാണം കെടുത്തുകയാണ്. ഇതും അതില് ഒന്നു മാത്രമാണ്. സത്യമല്ലാത്ത ഒരു കാര്യത്തിനും ചെവി കൊടുക്കാറില്ലെന്നും വൈരമുത്തു ട്വിറ്ററില് കുറിച്ചു.
വ്യക്തിത്വം പുറത്തുപറയാന് ആഗ്രഹിക്കാത്ത ഒരു യുവതിയാണ് വൈരമുത്തുവിനെതിരെ ആദ്യം ആരോപണം ഉന്നയിച്ചു രംഗത്തെത്തിയത്. തമിഴ്നാട് കോടമ്ബാക്കത്തുള്ള അദ്ദേഹത്തിന്റെ വീട്ടില്വച്ച് കടന്നുപിടിച്ചു ചുംബിച്ചുവെന്നായിരുന്നു യുവതിയുടെ പരാതി.
https://www.facebook.com/Malayalivartha