നിര്‍മാതാവായ വരുണ്‍മണിയുമായുള്ള പ്രണയം വിവാഹനിശ്ചയം വരെ എത്തിയെങ്കിലും പിന്നീടത് ഇരുവരും ഉപേക്ഷിച്ചു. എന്നാല്‍ അതിനും മുമ്പ് തൃഷയ്‌ക്കൊരു പ്രണയമുണ്ടായിരുന്നു. ചെന്നൈയിലെ സ്‌കൂള്‍ ജീവിതകാലം മുതല്‍ റാണയുമായി തൃഷ പ്രണയത്തിലായിരുന്നു. തെലുങ്കിലെ വന്‍ സിനിമാ പാര്യമ്പര്യമുള്ള കുടുംബമാണ് നടന്‍ റാണയുടേത്. തൃഷയെ പോലെ ഒരു മധ്യവര്‍ത്തി കുടുംബത്തില്‍ പിറന്ന പെണ്‍കുട്ടിയെ പേരും പ്രശസ്തിയും സമ്പത്തുമുള്ള കുടുംബത്തിലേക്ക് സ്വീകരിക്കാന്‍ റാണയുടെ വീട്ടുകാര്‍ തയ്യാറായില്ല. അതോടെ ഇരുവരും വേര്‍പിരിഞ്ഞു. പക്ഷെ, ഇരുവരും ശത്രുത കാട്ടിയില്ല. എങ്കിലും തീര്‍ത്തും അകന്നിരുന്നു. 

അതിന് ശേഷമാണ് തൃഷ വരുണ്‍മണിയുമായി പ്രണയത്തിലായത്. ഈകാലത്ത് ശ്രേയാശരണുമായും കാജല്‍ അഗര്‍വാളുമായും ഡേറ്റിംഗിലായിരുന്നു റാണ. പക്ഷെ, റാണയെ കുറിച്ച് തൃഷയോ, തൃഷയെ കുറിച്ച് റാണയോ മാധ്യമങ്ങളിലൂടെയോ, അല്ലാതെയോ കുറ്റപ്പെടുത്തലുകള്‍ നടത്തിയില്ല. തന്നെ കുറിച്ച് ധാരാളം ഗോസിപ്പുകള്‍ പ്രചരിച്ചിട്ടുണ്ട്, തൃഷ നീണ്ടകാല സുഹൃത്തും സഹപ്രവര്‍ത്തകയുമാണ്. തൃഷയുമായുള്ള അടുപ്പം അത്തരത്തിലേ വിലയിരുത്താവൂ. ഇപ്പോള്‍ ശ്രദ്ധ മുഴുവന്‍ അഭിനയത്തിലാണ്. വിവാഹത്തെ കുറിച്ച് തീരുമാനം എടുത്തിട്ടില്ലെന്നും റാണ പറഞ്ഞു. 

അടുത്തിടെ ഒരു തെലുങ്ക് സിനിമയുടെ ആഘോഷ വേളയില്‍ റാണയും തൃഷയും ജോഡികളായി വേദിയിലെത്തി. കമിതാക്കളെ പോലെയയാണ് ഇരുവരും ചടങ്ങില്‍ പെരുമാറിയതെന്ന് ദൃക്‌സാക്ഷികള്‍ പറയുന്നു. ശ്രേയാശരണും കാജല്‍ അഗര്‍വാളും കൈവെടിഞ്ഞതോടെ റാണ ഒറ്റയ്ക്ക് കഴിയുകയാണ്. വരുണ്‍ മണിയുമായുള്ള വിവാഹം മുടങ്ങിയ തൃഷയും മറ്റാരുമായും അടുപ്പം കാണിക്കാതെ അഭിനയവുമായി മുന്നോട്ട് പോവുകയാണ്. ഇതിനിടെ രണ്ടു പേരെയും ഒരു വേദിയില്‍ കണ്ടുമുട്ടിയത്. ചലച്ചിത്ര ലോകത്ത് വലിയ ചര്‍ച്ചയായിട്ടുണ്ട്.