റോജ സിനിമയിലൂടെ ഇന്ത്യന്‍ സിനിമാപ്രേമികള്‍ മുഴുവന്‍ കൈയിലെടുത്ത നടനാണ് അരവിന്ദ് സാമി. ഏതൊക്കെ പുതുമുഖ നടന്‍മാര്‍ വന്നാലും യുവാക്കള്‍ക്കിടയിലും സിനിമാ ആരാധകര്‍ക്കിടയിലും തന്റേതായ സ്ഥാനം എന്നും അരവിന്ദ് സാമി കരസ്ഥമാക്കിയിട്ടുമുണ്ട്.
അരവിന്ദ് സാമി ഇപ്പോള്‍ ലക്ഷ്മണ്‍ സംവിധാന ചെയ്യുന്ന ഭോഗന്‍ എന്ന ചിത്രത്തില്‍ അഭിനയിച്ചു കൊണ്ടിരിക്കുകയാണ്. കൊണ്ടിരിക്കുകയാണ്. ജയം രവി നായകനായെത്തുന്ന ചിത്രത്തിന്റെ നിര്‍മ്മാണം പ്രഭുദേവയാണ്.
എന്നാല്‍ അരവിന്ദ് സാമിയുടെ അടുത്ത പ്രോജക്ട് ഹോളീവുഡിലാണെന്നുള്ളതാണ് ഏറ്റവും പുതിയ വാര്‍ത്ത. നിരവധി ഓസ്‌കര്‍ അവാര്‍ഡുകള്‍ നേടിയവരുടെ കൂടെ അടുത്ത സിനിമ ചെയ്യാനുള്ള തിരക്കിലാണ് അരവിന്ദ് സാമി എന്നാണ് അടുത്ത വൃത്തങ്ങള്‍ പറയുന്നത്.
മാഡ് മാക്‌സ് എന്ന പ്രശസ്ത സിനിമാ ചെയ്ത അണിയറപ്രവര്‍ത്തകര്‍ അടുത്ത സിനിമയിലേക്ക് അഭിനയിക്കുന്നതിന് അരവിന്ദ് സമീപിച്ചു എന്നാണ് ഏറ്റവും പുതിയ വാര്‍ത്ത. ഏതായാലും രജനീകാന്തിനും നാസറിനും ധനുഷിനും ശേഷം അരവിന്ദ് സാമിയും തമിഴ് സിനിമയില്‍ നിന്നും ഹോളീവുഡിലേക്കു പോകുമ്പോള്‍ ആരാധകര്‍ ഏറെ പ്രതീക്ഷയോടെയാണ് ചിത്രത്തിനായി കാത്തിരിക്കുന്നത്.