ജന്മദിനത്തില് 'കാതല്' സന്ധ്യ അമ്മയായി; കുഞ്ഞിന്റെ ചിത്രം പുറത്തുവിട്ടു
ഇരട്ടസന്തോഷത്തിന്റെ നെറുകയില്. 'കാതല്' സിനിമയിലൂടെ സിനിമാരംഗത്തേക്ക് എത്തിയ സന്ധ്യ സൈക്കിള്, ട്രാഫിക്, വേട്ട എന്നീ സിനിമകളിലൂടെ മലയാളികള്ക്ക് പ്രിയങ്കരിയായി മാറിയ താരമാണ്. സെപ്തംബര് 27നായിരുന്നു
താരത്തിന്റെ പിറന്നാള്. അതേ ദിവസം കുഞ്ഞിന് ജന്മം നല്കിയിരിക്കുകയാണ് താരം. കഴിഞ്ഞ വര്ഷം ഡിസംബറിലായിരുന്നു കാതല് സന്ധ്യയുടെ വിവാഹം. ചെന്നൈയില് ഐടി ബിസിനസ് സ്ഥാപന ഉടമയായ വെങ്കട്ട് ചന്ദ്രശേഖരനാണ് ഭര്ത്താവ്. സന്ധ്യയുടെ അടുത്ത സുഹൃത്തും തമിഴ് നടിയുമായ സുജ വരുണിയാണ് ഇക്കാര്യം ഫെയ്സ്ബുക്കിലൂടെ അറിയിച്ചത്. കുഞ്ഞുമൊത്തുള്ള സന്ധ്യയുടെ ചിത്രവും സുജ പങ്കുവെച്ചു.
ചെന്നൈ പ്രളയത്തിന്റെ ബഹളത്തിലായിരുന്നു സന്ധ്യയും ഐടി ബിസിനസ് സ്ഥാപന ഉടമയുമായ വെങ്കിട് ചന്ദ്രശേഖറും തമ്മിലുള്ള വിവാഹം നടന്നത്. ആര്ഭാടമായി നടത്താനുദ്ദേശിച്ച കല്യാണം പ്രളയത്തെ തുടര്ന്ന് വേണ്ടെന്ന് വച്ചു. ക്ഷണക്കത്തും വിവാഹ വസ്ത്രങ്ങളും ആഭരണങ്ങളും തയാറാക്കി കാത്തിരിക്കുന്നതിനിടെ ചെന്നൈയില് പ്രളയമായി.
വടപളനിയിലെ ആറാംനിലയിലെ ഫഌറ്റില് കാതല് സന്ധ്യയുടെ കുടുംബം കുടുങ്ങിപ്പോയി. വെള്ളപ്പൊക്കത്തില് ഒറ്റപ്പെട്ട അശോക് നഗറിലെ വെങ്കട്ട് ചന്ദ്രശേഖരന്റെ കുടുംബവുമായി ബന്ധപ്പെടാന് കഴിയാതായി.
വിവാഹാവശ്യത്തിനുള്ള സാധനങ്ങളുമായി കാറില് കയറിയപ്പോള് എന്ജിനൊപ്പം വെള്ളം. ഒടുവില് പണം കൊടുത്ത് കാര് അര കിലോമീറ്ററോളം തള്ളി നീക്കി വെള്ളമില്ലാത്ത സ്ഥലത്തെത്തി സ്റ്റാര്ട്ടാക്കി. ബസ് വാടകയ്ക്ക് വിളിച്ച് ഇരു കുടുംബങ്ങളും അര്ധരാത്രിയോടെ പുറപ്പെട്ടു. അങ്ങനെ ഗുരുവായൂരെത്തിയായിരുന്നു ഇവരുടെ വിവാഹം.
വിവാഹത്തിന്റെ ആഘോഷത്തിനു മാറ്റിവച്ച തുക ചെന്നൈയില് ദുരിതമനുഭവിക്കുന്നവരെ സഹായിക്കാന് ഉപയോഗിക്കുകയായിരുന്നു
https://www.facebook.com/Malayalivartha
