അള്ട്ടിമേറ്റ് സ്റ്റാര് അജിത്തിന് ചിത്രീകരണത്തിനിടെ പരുക്ക്
തമിഴ് സൂപര് താരം അജിത്തിന് ചിത്രീകരണത്തിനിടെ പരുക്കേറ്റു. വിവേഗം എന്ന സിനിമയുടെ ഷൂട്ടിങിനിടെയാണ് അപകടം. സംഘട്ടന രംഗം ചിത്രീകരിക്കുന്നതിനിടെ യാണ് പരിക്ക്. താരത്തിന്റെ തോളിനാണ് പരുക്കേറ്റത്.
വളരെ അപകടം പിടിച്ച സംഘട്ടനരംഗത്തില് ഡ്യൂപ്പിന് ഉപയോഗിക്കണമെന്ന് അണിയറപ്രവര്ത്തകര് നിര്ബന്ധിച്ചെങ്കിലും അജിത്ത് ഇതിന് തയ്യാറായിരുന്നില്ല. അപകടനം നടന്ന ഉടന് താരത്തിന് പ്രാഥമിക ചികിത്സ നല്കി. അപകടവാര്ത്ത പുറത്തായാല് ആരാധകര് അടക്കംവിഷമിക്കുന്നതിനാല് ഒരുകാരണവച്ചാലും മാധ്യമങ്ങള് അറിയരുതെന്ന് അജിത്ത് അണിയറ പ്രവര്ത്തകരോട് പറഞ്ഞിരുന്നു എങ്കിലും അണിയറപ്രവര്ത്തകര് പുറത്തുപറഞ്ഞു.
വിവേഗത്തിന്റെ അവസാനഘട്ട ചിത്രീകരണം യൂറോപ്പില് പുരോഗമിച്ചു കൊണ്ടിരിക്കുകയായിരുന്നു അപകടം. ശിവ സംവിധാനം ചെയ്യുന്ന ചിത്രത്തില് കാജല് അഗര്വാള്, അക്ഷര ഹാസന്, വിവേക് ഒബ്റോയി തുടങ്ങിവരും ഈ ചിത്രത്തില് അഭിനയിക്കുന്നുണ്ട്.
സിനിമയില് മാത്രമല്ല ജീവിതത്തിലും സാഹസിക രംഗങ്ങള് ചെയ്യാന് മടികാണിക്കാത്ത നടനാണ് സൂപ്പര്താരം അജിത്ത്. സിനിമയിലെ പല രംഗങ്ങളും ഡ്യൂപ്പുകളെ അരികില് മാറ്റി നിര്ത്തി അപകടം പിടിച്ച രംഗങ്ങളില് സ്വന്തമായി അഭിനയിക്കുകയാണ് പതിവ്.
https://www.facebook.com/Malayalivartha
