മദ്യപിച്ച് ലക്കുകെട്ട എഎസ്ഐ വാഹനം ഓടിച്ചുണ്ടാക്കിയ അപകടത്തില് 3 പേര്ക്ക് ഗുരുതര പരുക്ക്
എഎസ്ഐ മദ്യപിച്ച് വാഹനമോടിച്ചുണ്ടാക്കിയ അപകടത്തില് മൂന്നുപേര്ക്ക് ഗുരുതരപരുക്ക്. കണ്ണോത്തുംചാലിലെ റസ്റ്ററന്റില് ജോലിചെയ്യുന്ന യുവതിക്കും അതിഥി തൊഴിലാളികള്ക്കുമാണ് ഗുരുതരമായി പരുക്കേറ്റത്. അപകടമുണ്ടാക്കിയ അഴീക്കല് കോസ്റ്റല് സ്റ്റേഷനിലെ എഎസ്ഐ രജിത്തിനെ സസ്പെന്ഡ് ചെയ്തു. കഴിഞ്ഞ 21ന് അര്ധരാത്രിയിലാണ് സംഭവം.
റസ്റ്ററന്റില് ജോലിചെയ്യുന്ന പന്ന്യന്നൂര് സ്വദേശി സ്വാതി, അതിഥി തൊഴിലാളികളായ ഹവാസ് അലി, റോക്കിബുള് എന്നിവരെ എഎസ്ഐ രജിത്ത് ഓടിച്ച കാര് അമിത വേഗത്തില് എത്തി ഇടിച്ചിടുകയായിരുന്നു. സ്വാതിയും രണ്ടു അതിഥി തൊഴിലാളികളും കാലിന് ഉള്പ്പെടെ ഗുരുതരമായി പരുക്കേറ്റ് ചികിത്സയിലാണ്. മദ്യപിച്ച് ലക്കു കെട്ട നിലയിലായിരുന്നു എഎസ്ഐ രജിത്ത് കാര് ഓടിച്ചിരുന്നത്. നാട്ടുകാര് പിടികൂടി പൊലീസില് ഏല്പിക്കുകയായിരുന്നു. രജിത്തിനെതിരെ ടൗണ് പൊലീസ് കേസെടുത്തു. പിന്നാലെ സസ്പെന്ഡ് ചെയ്തു.
https://www.facebook.com/Malayalivartha
