മാസ്സ് ടീസര്‍ കൊണ്ടും പോസ്റ്ററുകളും കൊണ്ട് നിവിന്‍ പോളി നായകനാകുന്ന തമിഴ് ചിത്രം റിച്ചി ആരാധകര്‍ക്ക് ആവേശമാണ്.ആ ആവേശത്തിന് ശക്തി പകര്‍ന്ന് ഇതാ ഇപ്പോള്‍ റിച്ചിയുടെ ട്രെയ്‌ലറും.കിടിലന്‍ മാസ്സ്, രംഗങ്ങളും തകര്‍പ്പന്‍ ഡയലോഗുകളുമാണ് റിച്ചിയെ വേറിട്ടതാക്കുന്നത്. 'റിച്ചി' ഡിസംബര്‍ 8ന് തിയേറ്ററുകളിലെത്തും.

റിച്ചിയുടെ ചിത്രത്തിലെ പുതിയ ഗാനം എത്തി.നിവിന്റെ ആദ്യ മുഴുനീള തമിഴ് ചിത്രമാണിത്. സെന്‍സറിംഗ് പൂര്‍ത്തിയാക്കിയ ചിത്രത്തിന് എ സര്‍ട്ടിഫിക്കറ്റാണ് ലഭിച്ചിരിക്കുന്നത്.തായയെ തേടി എന്ന ഗാനത്തിന്റെ ലിറിക്കല്‍ വീഡിയോയാണ് എത്തിയിരിക്കുന്നത്.വേല്‍മുരുഗന്റെ വരികള്‍ക്ക് അജനീഷ് ലോക്‌നാഥാണ് സംഗീതം ഒരുക്കിയിരിക്കുന്നത്.

വിജയ് യേശുദാസ്, സി ആര്‍ ബോബി, ശങ്കര്‍ മഹാദേവന്‍, വാണി ഹരികൃഷ്ണ എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്.തീരദേശ ജീവിതത്തിന്റെ പശ്ചാത്തലത്തില്‍ ഒരുങ്ങുന്ന റിച്ചി സൂപ്പര്‍ഹിറ്റ് കന്നട ചിത്രം ഉളിഡവരു കണ്ടാതെയുടെ റീമേക്കാണ്. യെസ് സിനിമ കമ്പനിയുടെ ബാനറില്‍ വിനോദ് ഷൊര്‍ണൂര്‍, ആനന്ദ് പയ്യന്നൂര്‍ എന്നിവര്‍ ചേര്‍ന്നാണ് നിര്‍മ്മാണം.

മലയാളത്തിലും തമിഴിലുമായി പുറത്തിറങ്ങിയ നേരത്തിലൂടെയാണ് നിവിന്‍ പോളി തമിഴിലെത്തുന്നത്. മലയാള ചിത്രം പ്രേമം തമിഴ് നാട്ടിലും ഏറെ ശ്രദ്ധിക്കപ്പെട്ട ചിത്രമായിരുന്നു. 200 ദിവസത്തിലധികം ചെന്നൈയിലെ തിയറ്ററില്‍ ചിത്രം പ്രദര്‍ശിപ്പിച്ചത്. 

നിവിന്‍ പോളിയുടെ ഓണച്ചിത്രം ഞണ്ടുകളുടെ നാട്ടില്‍ ഒരിടവേള തമിഴ്‌നാട്ടില്‍ നിന്നും മികച്ച കളക്ഷന്‍ നേടിയിരുന്നു. അതുകൊണ്ടുതന്നെ റിച്ചിയേക്കുറിച്ചും നിവിന്‍ പോളിക്ക് ഏറെ പ്രതീക്ഷകളാണുള്ളത്. റോഷന്‍ ആന്‍ഡ്രൂസ് സംവിധാനം ചെയ്യുന്ന കായംകുളം കൊച്ചുണ്ണി എന്ന ചിത്രത്തിലാണ് നിവിന്‍ പോളി ഇപ്പോള്‍ അഭിനയിച്ചുകൊണ്ടിരിക്കുന്നത്.