ഹൈദരാബാദിലെത്തുന്ന ഇവാന്കയ്ക്ക് നൽകാൻ നടി സാമന്ത ഒരുക്കിയിരിക്കുന്ന സമ്മാനം എന്താണെന്നോ ?
ഹൈദരാബാദിലെ അന്താരാഷ്ട്ര സംരംഭകത്വ ഉച്ചകോടിക്കെത്തിയ ഇവാന്കയ്ക്ക് നല്കാന് ഒരു കിടിലന് സര്പ്രൈസ് ഒരുക്കി കാത്തിരിക്കുകയാണ് നടിയും തെലുങ്കാന ഹാന്ഡിക്രാഫ്റ്റിന്റെ അംബാസഡറുമായ സാമന്ത. തെലുങ്കാനയിലെ സീദിപ്പേട്ടില് നിര്മിക്കുന്ന അതിമനോഹരമായ ഗൊല്ലഭാമ സാരിയാണ് ഇവാന്കയ്ക്ക് നല്കാനായി സമാന്ത അക്കിനേനി ഒരുക്കിയിരിക്കുന്നത്.
സീദിപ്പേട്ടിലെ ഗൊല്ലഭാമ സാരി വളരെ പ്രശസ്തമാണ്. മോട്ടിഫുകളും കല്ലുകളും പിടിപ്പിച്ച കോട്ടണ് സാരിയാണ് ഗൊല്ലഭാമ. മാറിക്കൊണ്ടിരിക്കുന്ന ട്രെന്ഡുകളെക്കുറിച്ചും സമ്മാനമായി നല്കാന് പോകുന്ന സാരി എങ്ങനെയായിരിക്കണമെന്നതിനെക്കുറിച്ചും സമാന്ത നെയ്ത്തുകാരെ നേരിട്ട് കണ്ട് സംസാരിച്ച് നിര്ദേശം നല്കിയിട്ടുണ്ട്.
ഇവാന്ക ഒരു ഫാഷന് ഡിസൈനര് കൂടിയാണെന്നുള്ളതാണ് മറ്റൊരു രസകരമായ വസ്തുത. തെലുങ്കാന സര്ക്കാരിന്റെ പ്രതിനിധിയായി സമാന്ത നല്കുന്ന സാരി ഇവാന്കയ്ക്ക് ഇഷ്ടപെടുകയാണെങ്കില് സംസ്ഥാനത്തെ കൈത്തറി നെയ്ത്തുകാര്ക്ക് ലഭിക്കുന്നക്കുന്ന വലിയ അംഗീകാരമായിരിക്കുമത്. പ്രശസ്ത ഫാഷന് ഡിസൈനറായ നീതു ലുള്ള ഇവാന്കയ്ക്കായി ഒരു സാരിഗൗണും തയ്യാറാക്കിയിട്ടുണ്ട്. വൃന്ദാവന് ഗാര്ഡനില് നിന്നും പ്രചോദനമുള്ക്കൊണ്ട് സിത്താറുകളുടെയും മറ്റും മോട്ടിഫുകളാണ് സാരിഗൗണ് അലങ്കരിക്കുന്നത്.
തെലുങ്കാന ഹാന്ഡിക്രാഫ്റ്റിന്റെ ബ്രാന്ഡ് അംബാസഡര് കൂടിയായ സമാന്ത കൈത്തറി വസ്ത്രത്തെ പ്രോത്സാഹിപ്പിക്കാന് മുന്നിട്ടിറങ്ങിയ വ്യക്തിയാണ്. സ്ഥലം എം.എല്.എയും ജലസേചന മന്ത്രിയുമായ ടി ഹരീഷ് റാവു പ്രദേശത്തെ കൈത്തറി നെയ്ത്തുകാരെ പ്രോത്സാഹിപ്പിക്കുന്നതിനായി നടത്തിയ പ്രവര്ത്തനങ്ങള് മാധ്യമശ്രദ്ധ നേടിയിരുന്നു.
https://www.facebook.com/Malayalivartha
