തലക്കനമില്ലാതെ അജിത്ത് മകന്റെ കായികമേള കാണാനെത്തി, സോഷ്യല് മീഡിയയില് അജിത്ത് മകനെയും എടുത്ത് നീങ്ങുന്ന ചിത്രം വൈറലായി
സിനിമകളില് കാണുന്ന മാസൊന്നും തല അജിത്തിന് ജീവിതത്തിലില്ല. വളരെ സിംപിളാണ് അജിത്. ഈ സിംപ്ലിസിറ്റിയാണ് താരത്തോടുളള ആരാധകരുടെ സ്നേഹം ഇരട്ടിപ്പിക്കുന്നത്.
തന്റെ മകന്റെ സ്കൂള് കായിക പരിപാടികള്ക്ക് അജിത് എത്തിയതും ഒരു സാധാരണക്കാരനെപ്പോലെയാണ്. ആരാധക ലക്ഷങ്ങള് സ്നേഹിക്കുന്ന തമിഴിലെ നമ്പര് വണ് നടന്മാരിലൊരാളാണ് സ്കൂളില് ഒരു സാധാരണക്കാരനെപ്പോലെ നിന്നത്. ഇതിന്റെ ചിത്രങ്ങള് സോഷ്യല് മീഡിയയില് വൈറലായിട്ടുണ്ട്.
അജിത്തിന്റെ മകന് അദ്വിക് സ്പോര്ട്സില് പങ്കെടുക്കുന്ന ചിത്രവും പുറത്തുവന്നിട്ടുണ്ട്. മകന്റെ പരിപാടികള് കണ്ട് മറ്റു രക്ഷിതാക്കളുടെ ഇടയില് അജിത് നില്ക്കുന്നതും കാണാം. ഒടുവില് മല്സരങ്ങളില് പങ്കെടുത്ത തളര്ന്ന മകനെ തോളില് എടുത്ത് അജിത് നടന്നു നീങ്ങുന്ന ചിത്രം ആരാധകരുടെ മനം കവര്ന്നിട്ടുണ്ട്.
ചിത്രങ്ങളില് പുതിയ ലുക്കിലാണ് അജിത്തുളളത്. സാള്ട്ട് ആന്റ് പെപ്പറില്നിന്നും മാറി അജിത് മുടി കളര് ചെയ്തിട്ടുണ്ട്. തന്റെ പുതിയ ചിത്രമായ ‘വിസ്വാസം’ ലുക്കാണ് ഇതെന്നാണ് സംസാരം. പുതിയ ലുക്ക് എന്തായാലും ആരാധകരെ ആവേശത്തിലാക്കിയിട്ടുണ്ട്. ലുക്ക് അടിപൊളിയാണെന്നാണ് ആരാധകര് പറയുന്നത്.
https://www.facebook.com/Malayalivartha
