തന്റെ മൊത്തം അഭിനയ ജീവിതത്തിൽ 200 ലധികം ചിത്രങ്ങൾ അഭിനയിച്ചിട്ടുള്ള രമ്യ കൃഷ്ണ അഭിനയമികവുകൊണ്ട് ആരാധകരെ ആകർഷിച്ച താരമാണ്. രമ്യ 19 വയസ്സു മുതൽ വ്യത്യസ്ത കഥാപാത്രങ്ങളെ അവതരിപ്പിച്ചിട്ടുണ്ട്. തമിഴിലും ഹിന്ദിയിലും ആദ്യകാലത്ത് ഗ്ലാമർ വേഷങ്ങളിൽ അഭിനയിച്ച പിന്നീട് രമ്യ അമ്മ വേഷങ്ങളിലും, ദൈവ വേഷങ്ങളിലും അഭിനയിച്ചു. തമിഴിൽ അഭിനയിച്ച പടയപ്പ എന്ന ചിത്രം വളരെയധികം ശ്രദ്ധ നേടി.

ബാഹുബലി എന്ന ചലച്ചിത്രമാണ് രമ്യ കൃഷ്ണന്റെ അവസാനമായി പുറത്തിറങ്ങിയ ചിത്രം. ഒരു കഥാപാത്രത്തോട് അഭിനേതാവിന് എത്രത്തോളം നീതിപുലർത്താമോ അതിലുമധികം ഗംഭീരമായാണ് രമ്യാകൃഷ്ണൻ എന്ന നടി ബാഹുബലിയിലെ ശിവഗാമി ദേവിയെ അവതരിപ്പിച്ചത്. ബാഹുബലിയിയിലെ ശിവകാമിയായി പ്രേക്ഷകരെ കോരി തരിപ്പിച്ച ശേഷം രമ്യാ കൃഷ്ണന്‍ മറ്റൊരു ശക്തമായ വേഷം ചെയ്യാനൊരുങ്ങുകയാണ്.

തമിഴ്നാട് മുന്‍മുഖ്യമന്ത്രി ജയലളിതയുടെ ജീവിതം സിനിമയാകുമ്പോൾ ജയലളിതയായി വേഷം ഇടുന്നത് രമ്യാ കൃഷ്ണ എന്നാണ് പുതിയ റിപ്പോര്‍ട്ട്. ഒരു നാടടക്കം സ്വന്തമാക്കി നാടിന്റെ അമ്മയായി ജീവിതത്തിലും, മികച്ച വേഷങ്ങളിലൂടെ അഭ്രപാളിയിലും വിജയം നേടിയ ജയലളിയയുടെ കഥയാണ് സിനിമയാകുന്നത്.

ചിത്രത്തിനായി രമ്യാ കൃഷ്ണന്‍ ഒരുങ്ങിത്തുടങ്ങിയെന്നാണ് റിപ്പോര്‍ട്ട്. തമിഴ് മക്കളുടെ ജീവിതത്തില്‍ അമ്മയുടെ സ്ഥാനം അത്രയ്ക്ക് മുകളിലാണ്. അതുകൊണ്ടു തന്നെ ചിത്രത്തിനായി ഏറെ തയ്യാറെടുപ്പുകള്‍ രമ്യക്ക് നടത്തേണ്ടി വരും. ബാഹുബലിയില്‍ ശക്തമായ കഥാപാത്രത്തെ ഏറെ ശ്രദ്ധയോടെ കൈകാര്യം ചെയ്ത രമ്യക്ക് ഈ വേഷത്തിലും തിളങ്ങാന്‍ കഴിയുമെന്നാണ് അറിയറപ്രവര്‍ത്തകരുടെ വിശ്വാസം.