ഇത് അതിനുള്ള വേദിയല്ല; നിര്മ്മാതാക്കള് തമ്മിലുള്ള പ്രശ്നം വാക്ക് തര്ക്കത്തിലെത്തിയപ്പോള് ക്ഷുഭിതനായി നടന് വിജയ് സേതുപതി...
ജീവ നായകനായ സ്കെച്ച് സിനിമയുടെ ഓഡിയോ ലോഞ്ച് ചടങ്ങിനിടെയാണ് സംഭവം. നാടകീയ സംഭവങ്ങള് അരങ്ങേറുമ്പോള് നടന് ജീവ, നടന് വിശാല്, സുഹാസിനി എന്നിവര് വേദിയിലുണ്ടായിരുന്നു. തമിഴ് സിനിമയുടെ ഓഡിയോ ലോഞ്ചിനിടയില് നിര്മ്മാതാക്കള് തമ്മിലുള്ള പ്രശ്നം വാക്ക് തര്ക്കത്തിലെത്തിയപ്പോള് ക്ഷുഭിതനായി നടന് വിജയ് സേതുപതി. ശേഷം ചടങ്ങില് സംസാരിച്ച വിജയ് സേതുപതി നിര്മ്മാതാക്കളുടെ വിഷയം ചര്ച്ച ചെയ്യേണ്ടതാണെന്നും എന്നാല് അതിനുള്ള വേദി ഇതല്ലെന്നും പ്രതികരിച്ചു.
ഇവിടെ എത്തിയപ്പോള് സിനിമയുടെ ഓഡിയോ ലോഞ്ചിംഗിനാണോ, നിര്മ്മാതാക്കളുടെ സംഘടന മീറ്റിംഗിലാണോ താന് വന്നതെന്ന് സംശയിച്ചെന്നും സേതുപതി പറഞ്ഞു. ‘പൊതുജനങ്ങള്ക്കിടയില് സിനിമക്കാരെക്കുറിച്ച് മോശമായ അഭിപ്രായം ഉണ്ടാകാന് ഇത്തരം സംഭവങ്ങള് ഇടയാക്കും. സിനിമയുമായി ബന്ധപ്പെട്ട ആളുകള് ഓരോരുത്തരും കഷ്ടപ്പെട്ടാണ് സിനിമ വിജയിപ്പിക്കാന് ശ്രമിക്കുന്നത്.
ഇന്ഡസ്ട്രി സക്സസ്ഫുളായ ആളുകളെ മാത്രമെ ബഹുമാനിക്കുകയുള്ളു. നിങ്ങള് എത്ര വലിയ താരമാണെങ്കിലും നാല് പടം തുടരെ പൊട്ടിയാല് നിങ്ങള് ഇന്ഡസ്ട്രിയില്നിന്ന് ഔട്ടാണ്. അതുകൊണ്ട് നമുക്ക് പരസ്പര ബഹുമാനത്തോടെ സംസാരിക്കാം’ വിജയ് സേതുപതി അഭിപ്രായപ്പെട്ടു. അതോടെ പ്രശ്ങ്ങൾ കെട്ടടങ്ങുകകയായിരുന്നു.
https://www.facebook.com/Malayalivartha
