തമിഴിലെ ഏറ്റവും സെക്‌സിയായ പുരുഷതാരം ഈ മലയാളി നടന്‍ ; തുറന്നുപറഞ്ഞ് നടി ചന്ദ്രിക രവി
തമിഴിലെ ഏറ്റവും സെക്‌സിയായ നടന്‍ മലയാളി താരമെന്ന് നടി ചന്ദ്രിക രവി. അടുത്തിടെ നല്‍കിയ ഒരു അഭിമുഖത്തിലാണ് ചന്ദ്രിക രവി സെക്‌സിയസ്റ്റ് നടനെ വെളിപ്പെടുത്തിയത്. ഈ താരം മറ്റാരുമല്ല. മലയാളികളുടെ സ്വന്തം ദുല്‍ഖര്‍ സല്‍മാനാണ് ചന്ദ്രിക രവിയുടെ മനംകവര്‍ന്ന ആ സെക്‌സിയസ്റ്റ് താരം. ദുല്‍ഖര്‍ മലയാള താരമാണെന്നും രണ്ട് തമിഴ് ചിത്രങ്ങളില്‍ മാത്രമേ അഭിനയിച്ചിട്ടുള്ളൂ എന്നും അവതാരക ഓര്‍മ്മിപ്പിച്ചുവെങ്കിലും ചന്ദ്രിക നിലപാടില്‍ ഉറച്ചുനിന്നു.
തമിഴിലെ ഒരു നടന്റെ പേര് പറഞ്ഞാല്‍ മറ്റ് താരങ്ങളുടെ ആരാധകര്‍ പിണങ്ങും. അതിനാല്‍ ദുല്‍ഖറില്‍ തന്നെ ഉറച്ചു നില്‍ക്കുകയാണെന്ന് ചന്ദ്രിക കൂട്ടിച്ചേര്‍ത്തു. ഓസ്‌ട്രേലിയയില്‍ ജനിച്ച ചന്ദ്രിക രവി പാതി മലയാളിയാണ്. കുട്ടിക്കാലം മുതല്‍ക്കെ നൃത്തരംഗത്തും അഭിനയത്തിലും താല്‍പ്പര്യം പ്രകടിപ്പിച്ച ചന്ദ്രിക സെയ് എന്ന ചിത്രത്തിലൂടെയാണ് അഭിനയരംഗത്ത് വരുന്നത്. മര്‍ഡോക് യൂണിവേഴ്‌സിറ്റി, ന്യുയോര്‍ക്ക് ഫിലിം അക്കാദമി എന്നിവടങ്ങളില്‍ നിന്ന് അഭിനയത്തില്‍ ഡിപ്ലോമ കരസ്ഥമാക്കിയിട്ടുണ്ട്.
രാജ് ബാബു സംവിധാനം ചെയ്ത സെയ് ഈ വര്‍ഷം പുറത്തിറങ്ങും. സന്തോഷ് പി. ജയകുമാര്‍ സംവിധാനം ചെയ്യുന്ന ഇരുട്ട് അറയില്‍ മുരട്ട് കുത്ത് ആണ് മറ്റൊരു ചിത്രം. മിസ് വേള്‍ഡ് ഓസ്‌ട്രേലിയ, മിസ് ഇന്ത്യ ഓസ്‌ട്രേലിയ, മിസ് മാക്‌സിം ഇന്ത്യ തുടങ്ങിയ മത്സരങ്ങളില്‍ സമ്മാനങ്ങള്‍ നേടിയിട്ടുണ്ട്.
വീഡിയോ കാണൂ
https://www.facebook.com/Malayalivartha
