താരാരാധന അതിരു വിടുന്നു; അല്ലു അർജുന്റെ കട്ടൗട്ടിൽ യുവാക്കൾ വിരൽ മുറിച്ച് രക്താഭിഷേകം നടത്തി
ബിഗ്സ്ക്രീനില് കാണുന്ന സിനിമാതാരങ്ങളോടുള്ള ആരാധന പലപ്പോഴും അതിരു കടക്കുന്നത് പതിവാണ്. ഇഷ്ട്ട താരത്തോടുള്ള ആദരവ് പ്രകടിപ്പികാനായി വിചിത്രമായ പല കാര്യങ്ങളും ആരാധകര് ചെയ്യാറുണ്ട്. താരങ്ങളുടെ കട്ടൗട്ടില് പാലഭിഷേകം ആരാധകരുടെ ഒരു പതിവ് രീതിയാണ്.
എന്നാല് ഇപ്പോഴിതാ ചെന്നൈയിലെ ഒരു തീയേറ്ററില് വിചിത്രവും ഭീതിജനകവുമായ ഒരു സംഭവമാണ് വെള്ളിയാഴ്ച്ച നടന്നിരിക്കുന്നത്. അല്ലു അര്ജ്ജുന് നായകനായ തെലുഗു ചിത്രം നാ പേരു സൂര്യ എന്ന സിനിമയുടെ റിലീസിനോടനുബന്ധിച്ചാണ് സംഭവം. അല്ലു അര്ജുന്റെ ആരാധകരായ ഒരു കൂട്ടം യുവാക്കള് വിരല് മുറിച്ച് കട്ടൗട്ടില് ചോര ഒഴുക്കിയാണ് സിനിമയുടെ റിലീസ് ആഘോഷിച്ചത്. രക്താഭിഷേകത്തിനു ശേഷം ‘ജയ് ബണ്ണി.. ജയ് ജയ് ബണ്ണി’ എന്ന മുദ്രാവാക്യം വിളിച്ച് യുവാക്കള് തിയേറ്ററിന് മുന്നില് ആര്പ്പുവിളിച്ചു
റിലീസ് ദിനത്തോടനുബന്ധിച്ച് പാല് അഭിഷേകം ചെണ്ടമേളം തുടങ്ങിയ പരിപാടികള് സംഘടിപ്പിക്കുന്നത് തമിഴ്നാട്ടില് സാധാരണ കാഴ്ചയാണെങ്കിലും ഇത് ആദ്യ കാഴ്ചയാണ്. ഫാന്സ് അസോസിയേഷന് മുഖേന യുവാക്കളെ ഇതില് നിന്ന് പിന്തിരിപ്പിക്കാന് താരങ്ങള് മുന് കൈ എടുക്കാത്തതും വളരെ ദൗര്ഭാഗ്യകരമാണ്. പാല് അഭിഷേകത്തിനായി കട്ടൗട്ടില് കയറിയ ഒരു യുവാവ് വീണ് മരിച്ച സംഭവം മുമ്പ് കേരളത്തില് സംഭവിച്ചിരുന്നു
https://www.facebook.com/Malayalivartha