ഹിറ്റ് സംവിധായകന്‍ ശങ്കറും ചിയാൻ വിക്രമും ഒരുമിച്ച സൂപ്പർഹിറ്റ്‌ ചിത്രമാണ് അന്യന്‍. വ്യത്യസ്തമായ മൂന്നു ഭാവങ്ങളുള്ള അന്യന്‍ എന്ന കഥാപാത്രം വിക്രമിന്റെ കരിയറിലെ മികച്ച ഒന്നാണ്. വര്‍ഷങ്ങള്‍ക്ക് ശേഷം ഈ ചിത്രത്തിന്‍റെ ഷൂട്ടിങ്ങിനിടയില്‍ ഉണ്ടായ ഒരു സംഭവം തുറന്നു പറയുകയാണ്‌ ചിത്രത്തിന്‍റെ സ്റ്റണ്ട് കോര്‍ഡിനേറ്റര്‍ സില്‍വ.

പുലിമുരുകന്‍ എന്ന ചിത്രത്തിലൂടെ മലയാളികളുടെ പ്രിയങ്കരനായ പീറ്റര്‍ ഹെയിന്‍ ആയിരുന്നു അന്യന്റെ സ്റ്റണ്ട് മാസ്റ്റര്‍. ഷൂട്ടിങ് സെറ്റിൽ അന്യനിലെ ഒരു പ്രധാന സംഘട്ടനരംഗം ചിത്രീകരിക്കുന്ന സമയം 150തോളം കരാട്ടേ വിദഗ്ധര്‍ ഉള്‍പ്പെട്ട രംഗമായിരുന്നു ഷൂട്ട്‌ ചെയ്യേണ്ടത്. അതില്‍ അന്യന്‍ എഴുന്നേല്‍ക്കുന്ന രംഗത്തില്‍ ഒരു എഴുപത്തോഞ്ചോളം പേര്‍ തെറിച്ച്‌ വീഴുന്ന രംഗമുണ്ട്. ഈ രംഗം ചിത്രീകരിക്കുന്നതിനിടയിലാണ് സെറ്റിനെ ഞെട്ടിച്ചുകൊണ്ട് അപകടമുണ്ടായത്.

അന്യന്‍ എഴുന്നേല്‍ക്കുന്ന രംഗത്തില്‍ ഒരു എഴുപത്തോഞ്ചോളം പേര്‍ തെറിച്ച്‌ വീഴുന്ന രംഗമുണ്ട്. ആ രംഗം ചിത്രീകരിക്കാന്‍ അവരുടെ മേല്‍ കയര്‍ കെട്ടി മുകളിലേക്ക് വലിക്കണമായിരുന്നു. അങ്ങനെ തെറിച്ചു വീഴുന്ന രംഗം ചിത്രീകരിക്കുമ്ബോള്‍ ഒരാളെ വലിക്കാന്‍ തന്നെ നാല് പേരെങ്കിലും വേണമായിരുന്നു. അത്രയും വലിയ സന്നാഹം ഒരുക്കുന്നതിന് പീറ്റര്‍ ഹെയിന്‍ മറ്റൊരു ആശയം പങ്കുവച്ചു. അത് ഈ രംഗം ചിത്രീകരിക്കുന്ന സ്റ്റേഡിയത്തിന് പുറത്ത് ഒരു ലോറി വച്ച്‌ എല്ലാ കയറുകളും മേല്‍ക്കൂരയ്ക്ക് താഴെ എകീകരിച്ച്‌ അതില്‍ ഘടിപ്പിച്ച്‌ വലിയ്ക്കാമെന്ന്. അങ്ങനെ എല്ലാ സജ്ജീകരണങ്ങളും ഒരുക്കി.

എന്നാൽ സംവിധായകന്‍ ആക്ഷന്‍ പറയുന്നതിന് മുന്‍പേ ഡ്രൈവർ ലോറിയെടുത്തു.
അതേസമയം ആര്‍ട്ടിസ്റ്റുകള്‍ രംഗത്തിന് തയ്യാറായിരുന്നില്ല. അവര്‍ ഉയര്‍ന്ന് പൊങ്ങി മേല്‍ക്കൂരയില്‍ ഇടിച്ച്‌ തെറിച്ച്‌ വീണു. പിന്നീട് അവിടെ ഒരു ചോരപ്പുഴ ആയിരുന്നു. ഭൂരിഭാഗം ആര്‍ട്ടിസ്റ്റുകള്‍ക്കും ഗുരുതരമായി പരിക്കേറ്റു. അവരുടെ കൈയ്യില്‍ നിന്നും കാലില്‍ നിന്നും ചോര ഒഴുകി. പലരുടെയും ബോധം നശിച്ചു. ഒടുവിൽ എല്ലാവരെയും ആശുപത്രിയിലാക്കി. എല്ലാവരും രക്ഷപ്പെട്ടു.

ശങ്കർ സാര്‍ അന്ന് കുട്ടികളെപ്പോലെ പൊട്ടിക്കരഞ്ഞു. ആ മാനസികാഘാതത്തില്‍ നിന്ന് കരകയറാന്‍ അദ്ദേഹം ദിവസങ്ങളെടുത്തു എന്നും സിൽവ ഒരു ഓണ്‍ ലൈന്‍ മാധ്യമത്തിന് നല്‍കിയ അഭിമുഖത്തില്‍ പറഞ്ഞു.