ശക്തമായ കഥാപാത്രങ്ങളിലൂടെ സിനിമാലോകത്ത് തന്റേതായ സ്ഥാനം നേടിയെടുത്ത താരമാണ് നയൻ‌താര. നായക പ്രാധാന്യമുള്ള സിനിമകള്‍ തിരഞ്ഞെടുക്കുന്നതിന് നയന്‍താരയ്ക്ക് ഒരുപാട് ഉപാധികളുണ്ട്. എന്നാൽ നയൻസിന്റെ പുതിയ ചിത്രമായ വിശ്വാസത്തിന് താരം ഡേറ്റ് നൽകിയിരിക്കുന്നത് കഥ കേൾക്കാതെയും പ്രതിഫലത്തെക്കുറിച്ച് ചർച്ച ചെയ്യാതെയുമാണെന്നാണ് റിപ്പോർട്ടുകൾ. ചിത്രത്തിലെ നായകൻ അജിത് ആണ് ഇതിന് കാരണം.

കഥ പോലും കേള്‍ക്കാതെയാണ് നയന്‍താര ഓകെ പറഞ്ഞത്. പ്രതിഫലത്തിന്റെ കാര്യം ചര്‍ച്ച ചെയ്യുകയോ തന്റെ കഥാപാത്രം എന്താണെന്ന് അന്വേഷിക്കുകയോം ചെയ്തില്ല. നായികാ പ്രാധാന്യമുള്ള കഥാപാത്രങ്ങള്‍ മാത്രം തിരഞ്ഞെടുക്കുന്ന നയന്‍ വിശ്വാസത്തിന് ഓകെ പറയുമോ എന്ന സംശയത്തോടെ പോയ അണിയറപ്രവര്‍ത്തകര്‍ ശരിക്കും ഞെട്ടിയത്രെ. അജിത്താണ് നായകന്‍ എന്ന് പറഞ്ഞപ്പോള്‍ കൂടുതലൊന്നും അറിയേണ്ട എന്നായിരുന്നു നയന്‍താരയുടെ പ്രതികരണം. തുടര്‍ന്ന് നയന്‍ തന്റെ ഡേറ്റുകള്‍ അഡ്ജസ്റ്റ് ചെയ്ത് ശിവ സംവിധാനം ചെയ്യുന്ന വിശ്വാസത്തിന് നല്‍കി. അജിത്തിനോടുള്ള വിശ്വാസവും ബഹുമാനവുമാണ് നയന്‍ പ്രകടിപ്പിച്ചതെന്ന് അണിയറപ്രവര്‍ത്തകര്‍ പറയുന്നു.

ബില്ല, ആരംഭം, ഏഗന്‍ എന്നീ ചിത്രങ്ങള്‍ക്ക് ശേഷം നയന്‍താരയും അജിത്തും ഒന്നിച്ചഭിനയിക്കുന്ന നാലാമത്തെ ചിത്രമാണ് വിശ്വാസം.