ധാരാളം ചിത്രങ്ങളില് താരങ്ങള് പുകവലിക്കുന്ന രംഗങ്ങളുണ്ടെങ്കിലും അത്തരം രംഗങ്ങള് പോസ്റ്ററില് ഉപയോഗിക്കുന്നത് തെറ്റായ സന്ദേശമാണ് ; ഇളയദളപതിയുടെ സർക്കാറിനെതിരെ ആഞ്ഞടിച്ച് വിമർശകർ
വിവാദമായി തമിഴ് നടന് വിജയുടെ ഏറ്റവും പുതിയ ചിത്രം സര്ക്കാര്. വിജയ് സിഗരറ്റ് വലിക്കുന്ന ചിത്രമുള്ള ഫസ്റ്റ് ലുക്ക് പോസ്റ്റര് കഴിഞ്ഞ ദിവസം പുറത്തുവിട്ടിരുന്നു. ഇതാണ് വിവാദത്തിന് വഴിവെച്ചിരിക്കുന്നത്. പോസ്റ്ററിനെ വിമര്ശിച്ച് നിരവധിപേരാണ് രംഗത്ത് വന്നത്.
മുന് കേന്ദ്രമന്ത്രിയും പി എം കെ നേതാവുമായ അന്പുമണി രാം ദാസ് രംഗത്തുവന്നിരുന്നു. ഇതിന് പിന്നാലെ സോഷ്യല് മീഡിയയിലും താരത്തിനും ചിത്രത്തിനുമെതിരെ പ്രതിഷേധമറിയിച്ച് ധാരാളം ആളുകള് രംഗത്തെത്തി. വിജയിയെ പോലുള്ള താരങ്ങളെ അന്ധമായി അനുകരിക്കുന്ന ലക്ഷക്കണക്കിന് ആരാധകര് ഇതൊക്കെ അനുകരിക്കുമെന്നാണ് വിമര്ശകർ പറയുന്നത്.
വിജയുടെ പിറന്നാള് ദിനത്തോടനുബന്ധിച്ച് ട്വിറ്ററിലൂടെയായിരുന്നു ഫസ്റ്റ് ലുക്ക് പോസ്റ്റര് റിലീസ് ചെയ്തത്. സോള്ട്ട് ആന്ഡ് പെപ്പര് ലുക്കില് കറുത്ത ഷര്ട്ടും കൂളിങ്ങ് ഗ്ലാസ്സും വച്ച ലുക്കിലാണ് വിജയ് ഫസ്റ്റ് ലുക്ക് പോസ്റ്ററിലുള്ളത്. സിനിമയുടെ അണിയറപ്രവര്ത്തകരില് നിന്ന് പോസ്റ്റര് വിവാദത്തില് വിശദീകരണം ആവശ്യപ്പെടുമെന്ന് സ്റ്റേറ്റ് ടുബാക്കോ കണ്ട്രോള് ഓഫീസര് വടിവേലന് അറിയിച്ചു. ധാരാളം ചിത്രങ്ങളില് താരങ്ങള് പുകവലിക്കുന്ന രംഗങ്ങളുണ്ടെങ്കിലും അത്തരം രംഗങ്ങള് പോസ്റ്ററില് വക്കുന്നത് തെറ്റായ സന്ദേശമായിരിക്കും വടിവേലന് ചൂണ്ടിക്കാട്ടി.
https://www.facebook.com/Malayalivartha
