പുത്തന് പാര; ടി.കെ. നായരും വരുന്നു, മത്സരിക്കാന്
മുന്പ്രധാനമന്ത്രി മന്മോഹന്സിംഗിന്റെ ഉപദേഷ്ടാവും മുതിര്ന്ന ഐ.എ.എസ് ഉദ്ദ്യോഗസ്ഥനുമായിരുന്ന ടി.കെ.നായര് വരുന്നു. കേരളനിയമസഭാ തെരഞ്ഞെടുപ്പില് തിരുവനന്തപുരത്തെ ഏതെങ്കിലും നിയമസഭാമണ്ഡലത്തില് നിന്നും ജനവിധി തേടുമെന്ന് സൂചന. ഡല്ഹിയിലെ താമസം അവസാനിപ്പിച്ച് ടി.കെ.നായര് തിരുവനന്തപുരത്തേക്ക് മടങ്ങുന്നു. എന്.എസ്.എസുമായി അടുത്ത ബന്ധം പുലര്ത്തുന്ന വ്യക്തിയാണ് ടി.കെ. നായര് തിരുവനന്തപുരത്തുളള ഭാര്യവീട്ടില് താമസിക്കാനെത്തുന്ന നായര്ക്ക് ഡല്ഹിയിലെ സുഹൃത്തുക്കള് സ്നേഹവിരുന്ന് നല്കി. സോണിയയും രാഹുലുമായി അടുത്തബന്ധം പുലര്ത്തുന്ന ടി.കെ.നായരെ കേരളത്തിലേക്ക് ക്ഷണിച്ചത് ഉമ്മന്ചാണ്ടിയാണ്. തിരുവനന്തപുരത്ത് സജീവമാകണമെന്നും അദ്ദേഹത്തിന്റെ ഉപദേശനിര്ദേശങ്ങള് സര്ക്കാരിന് അനുകൂലമാകുമെന്നും ഉമ്മന്ചാണ്ടി അറിയിച്ചു.
ടി.കെ.നായര്ക്ക് സംസ്ഥാനത്ത് ഒരു വലിയ പദവി നല്കുന്നതിനെ കുറിച്ചും ആലോചനയുണ്ട്. ആറന്മുള വാസ്തുവിദ്യാ ഗുരുകുലം, കെ.എസ്.കെ.സി.സി തുടങ്ങിയ സര്ക്കാര് സംരംഭങ്ങളെ നായര് ഡല്ഹിയിലിരുന്ന് നയിച്ചിട്ടുണ്ട്. ആസൂത്രണ ബോര്ഡ് ഉപാധ്യക്ഷ പദവി പോലെ ഒന്നാണ് സര്ക്കാര് നായര്ക്ക് നല്കാന് ആലോചിക്കുന്നത്. ടി.കെ.നായര് ഭരണതലത്തിലെത്തുന്നത് ഉമ്മന്ചാണ്ടിക്ക് അനുഗ്രഹമാകുമെന്ന് ആന്റണി ഉള്പ്പടെയുളളവര് വിശ്വസിക്കുന്നു. ശബരിമല മാസ്റ്റര് പ്ലാന് തയ്യാറാക്കുന്നതില് നായര് നിര്ണായകമായ പങ്ക് വഹിച്ചുട്ടുണ്ട്. അതേസമയം വിവാദമായ ആറന്മുളവിമാനത്താവള പദ്ധതിയും ടി.കെ.നായര്ക്ക് നിര്ണായക സ്വാധീനമുണ്ട്. ആറന്മുളവിമാനത്താവളം, കണ്ണൂര് വിമാനത്താവള പദ്ധതികളുടെ ചുമതല നായര്ക്ക് നല്കിയാലെന്തെന്നും സര്ക്കാര് തലത്തില് ആലോചനകള് മുറുകുന്നു.
ഭരണരംഗത്ത് നൈപുണ്യം പ്രകടിപ്പിച്ചിട്ടുളള വ്യക്തിയാണ് ടി.കെ.നായര്. ഏറ്റെടുത്ത പദ്ധതികള് ഭംഗിയായി നടപ്പിലാക്കാന് അദ്ദേഹത്തിന് കഴിയും. ഇന്ത്യയ്ക്കകത്തും പുറ ത്തുമുളള വിപുലമായ സ്വാധീനങ്ങള് ടി.കെ.നായര്ക്ക് ഗുണം ചെയ്യും. പതിനെട്ടുമാസങ്ങള്ക്കു ശേഷം നിയമസഭയിലെത്തിയാല് അത് കോണ്ഗ്രസിന് ഗുണം ചെയ്യുമെന്നും വിശ്വസിക്കപ്പെടുന്നു. കേരളത്തിന്റെ സാഹചര്യത്തില് വലിയ വ്യത്യാസമൊന്നും ഉണ്ടായില്ലെങ്കില് ഉമ്മന്ചാണ്ടിതന്നെ വീണ്ടും അധികാരത്തിലെത്തും. എങ്കില് ടി.കെ.നായര് മന്ത്രിയാകും.
അതിനിടെ ടി.കെ.നായരുടെ മോഹങ്ങള് ചെറുക്കാന് കോണ്ഗ്രസുകാര് തടസംവരുമോ എന്നറിയില്ല. നായര് മത്സരിക്കുകയാണെങ്കില് തിരുവനന്തപുരം നിയമസഭാമണ്ഡലത്തിലായിരിക്കും മത്സരിക്കുക. തിരുവനന്തപുരം ഇപ്പോള് ശിവകുമാറിന്റെ മണ്ഡലമാണ്. എങ്കില് ശിവകുമാറിന് നേമത്തേക്ക് മാറേണ്ടിവരും. കരണം ശിവകുമാറും എന്.എസ്.എസിന്റെ പ്രതിനിധിയാണ്.
വക്കംപുരഷോത്തമനും വയലാര്രവിയും കേരളത്തിലേയ്ക്ക് മടങ്ങിയെത്തിയ സ്ഥിതിക്ക് അവരും സീറ്റിനായ് ചരടുവലി നടത്തും. കെ.ശങ്കരനാരായണന് ഗവര്ണര് സ്ഥാനത്ത് നിന്നും മടങ്ങിയെത്തിയാല് അദ്ദേഹത്തിനും സുരക്ഷാത്താവളം ഒരുക്കേണ്ടി വരും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
