ഹയര്സെക്കന്ററിയില് സ്ഥിരം നിയമനത്തിന് പച്ചക്കൊടി
വന്കോഴ വാങ്ങി അധ്യാപകരെ നിയമിക്കാന് എയ്ഡഡ് സ്കൂള് മാനേജര്മാര്ക്ക് സര്ക്കാറിന്റെ പച്ചക്കൊടി. എന്.എസ്.എസ്, എസ്.എന്.ഡി.പി തുടങ്ങിയ സമുദായ സംഘടനകള്ക്ക് അനുവദിച്ച ഹയര്സെക്കന്ററി ബാച്ചുകളില് പുതിയ അധ്യാപകരെ നിയമിക്കാന് മുഖ്യമന്ത്രി നേരിട്ടാണ് നിര്ദേശം നല്കിയത്. ക്രൈസ്തവ മാനേജ്മെന്റിന് കീഴിലുള്ള സ്കൂളുകളിലും സ്ഥിരം നിയമനം നടത്താന് മുഖ്യമന്ത്രി നിര്ദേശം നല്കിക്കഴിഞ്ഞു. അതേസമയം കോര്പ്പറേറ്റ് മാനേജ്മെന്റുകള് ഇപ്പോള് അനുഭവിക്കുന്ന അധ്യാപക- വിദ്യാര്ത്ഥി അനുപാത വ്യത്യാസം മുഖ്യമന്ത്രി നേരിട്ട് പരിഹരിച്ചു. എന്.എസ്.എസ് ജനറല് സെക്രട്ടറി ജി.സുകുമാരന് നായരുടെ അപേക്ഷ കണക്കിലെടുത്താണ് പ്രശ്നങ്ങള് മുഖ്യമന്ത്രി നേരിട്ട് പരിഹരിച്ചത്.
699 ബാച്ചുകളാണ് സര്ക്കാര് അനുവദിച്ചിരിക്കുന്നത്. ഇതില് മൂവായിരത്തോളം അധ്യാപകരുടെ ഒഴിവുണ്ട്. അയ്യായിരം അധ്യാപകരുടെ ഒഴിവുകള് വരെ ഹയര്സെക്കന്ററി വിഭാഗത്തില് നികത്താവുന്നതാണ്. പുതുതായി ആരംഭിക്കുന്ന ഹയര്സെക്കന്ററി സ്കൂളുകളില് സ്ഥിരം നിയമനം പാടില്ലെന്നും താല്കാലിക നിയമനം നടത്തണമെന്നുമാണ് സര്ക്കാര് നിര്ദേശിച്ചിരിക്കുന്നത്. ധനവകുപ്പിന്റെ കണ്ണില് മണ്ണിടാനുള്ള തന്ത്രം മാത്രമാണ് ഇത്. സ്ഥിരം നിയമനത്തിന്റെ കാര്യം രണ്ടു വര്ഷങ്ങള്ക്കുശേഷം തീരുമാനിക്കാമെന്നാണ് സര്ക്കാര് മാനേജ്മെന്റുകള്ക്ക് നല്കിയിരിക്കുന്ന ഉറപ്പ്. രണ്ട് വര്ഷം ഒരുകൊല്ലമായി കുറയും. കാരണം ഉമ്മന് ചാണ്ടി സര്ക്കാരിന് ബാക്കിയുള്ളത് 18 മാസമാണ്. ഇന്നത്തെ സാഹചര്യത്തില് ഉമ്മന്ചാണ്ടി തിരിച്ചുവരാന് സാധ്യതയുണ്ടെങ്കിലും അത് ഉറപ്പിക്കാനാവില്ല.
സര്ക്കാര് ഏതുവന്നാലും മാനേജ്മെന്റുകള്ക്ക് ഒന്നും സംഭവിക്കുകയില്ല. എല്.ഡി.എഫിലും,യു.ഡി.എഫിലും മാനേജ്മെന്റുകള് സമ്മര്ദ്ദശക്തതികളാണ്. അവര് സമ്മര്ദ്ദശക്തികളായി തുടരുന്നിടത്തോളം കാലം യാതൊന്നും ചെയ്യാനാവില്ല. അതുകൊണ്ടുതന്നെ 40 ലക്ഷം കോഴ വാങ്ങി മാനേജ്മെന്റുകള് ഗസ്റ്റ് അധ്യാപകരെ നിയമിച്ചാലും പിന്നീട് വരുന്ന സര്ക്കാരിന് അവരെ സ്ഥിരപ്പെടുത്തേണ്ടി വരും.
ഇതിനകം കോഴ വാങ്ങാന് മാനേജ്മെന്റുകള് ആരംഭിച്ചു കഴിഞ്ഞു. ഏതാണ്ട് 800 കോടിയോളം രൂപയുടെ കോഴയാണ് കണക്കാക്കപ്പെടുന്നത്. ഗസ്റ്റ് അധ്യാപകരായി കയറി സ്ഥിരപ്പെടാന് മാനേജ്മെന്റുകള്ക്ക് വീണ്ടും കോഴ നല്കേണ്ടിവരുമെന്നാണ് മറ്റൊരു വാസ്തവം. കുട്ടികളുടെ കണെക്കെടുത്ത ശേഷം അധ്യാപകരുടെ കാര്യം ആലോചിക്കാമെന്നാണ് സര്ക്കാര് ഭാഷ്യം. ഒരു കാരണവശാലും ഹയര്സെക്കന്ററി സ്കൂളില് കുട്ടികളുടെ എണ്ണം ഒരിക്കലും കുറയുകയില്ല. സി ബി എസ് സിയില് സ്കൂള് തലം പഠിക്കുന്നവര് പോലും ഹയര്സെക്കന്ററിയില് സി ബി എസ് സി പഠിക്കാന് താത്പര്യം കാണിക്കുന്നില്ല. അങ്ങനെ വരുംമ്പോള് ലക്ഷക്കണക്കിന് കുട്ടികള് ഹയര്സെക്കന്ററിയില് ഓരോവര്ഷവുമെത്തും. എയ്ഡഡ് സ്കൂളില് മികച്ച അധ്യായന നിലവാരം ഉള്ളതിനാല് കുട്ടികളില് ഏറിയ പങ്കും എയ്ഡഡില് പോകാനാകും താത്പര്യം കാണിക്കുന്നത്. അതുകൊണ്ടുതന്നെ ഒരിക്കലും എയ്ഡഡ് ഹയര്സെക്കന്ററിയില് കുട്ടികള് കുറയുകയില്ല.
ഇങ്ങനെ വരുമ്പോള് കുട്ടികള് ഇല്ലാത്തതു കാരണം ഒന്നു മുതല് പത്തു വരെയുള്ള സര്ക്കാര് സ്കൂളുകള് പൂട്ടേണ്ടി വരുന്നതു പോലെ ഹയര്സെക്കന്ററിയിലും സ്കൂള് പൂട്ടേണ്ടി വരും. നഷ്ടം സംഭവിക്കുന്നത് സര്ക്കാരിനു മാത്രമായിരിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
