രമേശിന്റെ ചാവേറായി മുരളി; കൊണ്ടിട്ടും പഠിച്ചില്ല!
കാര്‍ത്തികേയന്റെ മന്ത്രിസ്ഥാനത്തിന്‌ തടയിടാന്‍ കെ.മുരളീധരനെ ഇറക്കി രമേശ് ചെന്നിത്തലയുടെ കളി. മന്ത്രിയാകാനും സ്‌പീക്കറാകാനും താനില്ലെന്ന്‌ പറഞ്ഞ മുരളീധരനെ പൊടുന്നനെ ഡല്‍ഹിയിലേയ്‌ക്ക്‌ അയച്ച്‌ മന്ത്രിസ്ഥനത്തിന്‌ ആവശ്യം ഉന്നയിച്ചത്‌ രമേശ് ചെന്നിത്തലയാണ്‌. കാര്‍ത്തികേയനെ പോലെ തിരുവനന്തപുരത്തെ നിയമസംഭാഗമായ തനിക്കും മന്ത്രസ്ഥാനത്തിന്‌ അര്‍ഹതയുണ്ടെന്നാണ്‌ മുരളി സോണിയയെ ധരിപ്പിച്ചത്‌.കോഴിക്കോടുണ്ടായിരുന്ന മുരളിയെ ഡല്‍ഹിയിലേക്ക്‌ പറഞ്ഞയച്ചത്‌ രമേശ് ചെന്നിത്തലയാണ്‌.
സ്‌പീക്കര്‍ സ്ഥാനത്ത്‌ നിന്നും ആരോടും ചോദിക്കാതെ രാജി പ്രഖ്യാപിച്ച ജി.കാര്‍ത്തികേയന്‍ തന്നിഷ്‌ടപ്രകാരമാണ്‌ പ്രവര്‍ത്തിച്ചതെന്ന്‌ കെ.മുരളീധരന്‍ ഹൈക്കമാന്റിനെ ധരിപ്പിച്ചു. കാര്‍ത്തികേയന്റെ പ്രവര്‍ത്തിയില്‍ ഹൈക്കമാന്റിനും അതൃപ്‌തിയുണ്ടെന്നാണ്‌ റിപ്പോര്‍ട്ടുകള്‍.
ഇതുസംബന്ധിച്ച്‌ ഉമ്മന്‍ചാണ്ടി നല്‍കിയ വിശദീകരണം ഹൈക്കമാന്റ്‌ മുഖവിലയ്‌ക്കെടുത്തിട്ടില്ലെന്നാണ്‌ മുരളിയുമായി ബന്ധമുള്ള അടുത്ത വൃത്തങ്ങള്‍ പറയുന്നത്‌. മന്ത്രിസഭാ പുനസംഘടനയില്‍ മുരളിയേയും പരിഗണിക്കണമെന്നു പറയുമ്പോഴും കാര്‍ത്തികേയനും മുരളിയും ഒഴുവാകും. മുരളിയുടെ സ്വഭാവം ഹൈക്കമാന്റിന്‌ നന്നായി അിറയാം. അതുകൊണ്ടുതന്നെ മുരളിയെ അംഗീകരിക്കാന്‍ യാതൊരു സാധ്യതയുമില്ല. ഉമ്മന്‍ചാണ്ടിയുടെ കാബിനറ്റില്‍ മുരളി മന്ത്രിയായാല്‍ ഉമ്മന്‍ചാണ്ടിക്ക്‌ ഭരിക്കാന്‍ യാതൊരു സുഖവും കിട്ടില്ലെന്ന്‌ ഹൈക്കമാന്റിനറിയാം.
പുനസംഘടനയെ അട്ടിമറിക്കുകയാണ്‌ രമേശിന്റെ ലക്ഷ്യം. പുനസംഘടന വേണ്ടിവന്നാല്‍ തന്നെ ഗ്രൂപ്പില്‍ നിന്നും ഒരാള്‍ ഒഴിവാകേണ്ടിവരുമെന്ന്‌ രമേശിന്‌ അിറയാം. അങ്ങനെ സംഭവിച്ചാല്‍ തനിക്കൊപ്പം നില്‍ക്കുന്നവര്‍ തന്നോട്‌ പിണങ്ങും. സി.ആര്‍.ബാലകൃഷ്‌ണന്‍, എ.പി.അനില്‍ കുമാര്‍ എന്നിവരില്‍ ഒരാളേയാണ്‌ ഒഴുവാക്കേണ്ടത്‌. സി.ആര്‍.ബാലകൃഷ്‌ണന്‍ രോഗാതുരനായി ആശുപത്രിയിലാണ്‌. അനില്‍കുമാര്‍ സോളാര്‍ കേസില്‍ കുറ്റാരോപിതനാണ്‌. അനിലിനെ മാറ്റുകയാണെങ്കില്‍ അത് സോളാര്‍ കേസിന്റെ പേരിലാണെന്ന്‌ വ്യഖ്യാനമുണ്ടാകും. അങ്ങനെ വന്നാല്‍ താന്‍ ഒഴിവാകുക മാത്രമാണ്‌ പോംവഴിയെന്ന്‌ രമേശ് വിശ്വസിക്കുന്നു. വി.എസ്.ശിവകുമാറിനെ തൊടാനാവില്ല. അദ്ദേഹത്തിന്‌ എന്‍.എസ്.എസിന്റെ ശക്തമായ പിന്തുണയുണ്ട്‌. അതുകൊണ്ടുതന്നെ പുനസംഘടന തകര്‍ക്കുകയാണ്‌ രമേശിന്റെ ലക്ഷ്യം.
മുരളി വീണ്ടും ദേശീയനേതൃത്വത്തിന്‌ മുന്നല്‍ അനഭിമതനാവുകയാണ്‌. രമേശാണ്‌ മുരളിയെ ഇത്തവണ കുടുക്കിയത്‌. രമേശിന്റെ അഭ്യര്‍ത്ഥന കേട്ടയുടനെ തന്നെ ഇതില്‍ വീഴരുതെന്ന്‌ അഭ്യുതയകാംക്ഷികള്‍ മുരളിയെ ഉപദേശിച്ചെങ്കിലും പഴയതുപോലെ മുരളി വിവാദങ്ങളില്‍ കുടുങ്ങി. തനിക്ക്‌ അര്‍ഹമായ സ്ഥാനം നല്‍കിയിട്ടില്ലെന്ന പരാതി മുരളിക്കുണ്ട്‌. തനിക്കൊപ്പം നിന്ന പ്രവര്‍ത്തകരേയും ദേശീയനേതൃത്വം അവഗണിച്ചതായി മുരളി വിശ്വസിക്കുന്നു. ഇപ്പോള്‍ സ്ഥാനമൊന്നും കിട്ടിയില്ലെങ്കിലും ആവശ്യങ്ങള്‍ ഉന്നയിച്ചു കൊണ്ടിരിക്കുകയെന്നതാണ്‌ മുരളിയുടെ നയം. ഭാവിയിലെങ്കിലും അവ അംഗീകരിക്കുമെന്നു തന്നെയാണ്‌ മുരളിയുടെ പ്രതീക്ഷ. ഡല്‍ഹിയിലെത്തിയ മുരളീധരന്‍ എ.കെ. ആന്റണിയെ കണ്ടിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
