മൂന്നാര് വിധിക്കെതിരെ അപ്പീല് പോകാനിടയില്ല; അച്യുതാനന്ദന്റെ ഭ്രാന്തോര്ത്ത് സി പി എമ്മുകാര് തലതല്ലി ചിരിക്കുന്നു
മൂന്നാറില് വി എസ് അച്യുതാനന്ദന് സര്ക്കാര് പൊളിച്ച ക്ലഡ്റയന് റിസോര്ട്ടിന് 10 ലക്ഷം രൂപ നഷ്ടപരിഹാരം നല്കാനുള്ള ഹൈക്കോടതി വിധിക്കെതിരെ സര്ക്കാര് അപ്പീല് പോകാന് സാധ്യതയില്ല. അപ്പീല് പോയിട്ട് കാര്യമില്ലെന്ന നിയമോപദേശമാണ് മുഖ്യമന്ത്രിക്ക് ലഭിച്ചിരിക്കുന്നത്.
നഷ്ടപരിഹാരം നല്കിയ ശേഷം അച്യുതാനന്ദനെ പ്രതിക്കൂട്ടിലാക്കാനായിരിക്കും ഉമ്മന്ചാണ്ടി സര്ക്കാര് ശ്രമിക്കുക. അതിനിടെ സര്ക്കാര് ഒത്തുകളിച്ചതു കാരണമാണ് കോടതിയില് കേസ് തോറ്റതെന്ന ആരോപണവും ശക്തമാണ്. സര്ക്കാര് പിടിച്ചെടുത്ത ഭൂമി തിരിച്ചു കൊടുക്കണമെന്ന ഉത്തരവും സര്ക്കാര് ചോദ്യം ചെയ്യാനിടയില്ല. മൂന്നാര് അബാദ്, മൂന്നാര് വുഡ്സ് തുടങ്ങിയ റിസോട്ടുകളുടെ ഭൂമിയാണ് തിരിച്ചു കൊടുക്കാന് ഹൈക്കോടതി നിര്ദ്ദേശിച്ചിരിക്കുന്നത്.
മൂന്നാര് ഭൂമിയില് കൈയ്യേറ്റങ്ങള് ഒഴിപ്പിക്കാന് ആവശ്യമായ നിയമനടപടികള് സര്ക്കാര് സ്വീകരിച്ചില്ലെന്നാണ് ഹൈക്കോടതിയുടെ ആക്ഷേപം. സര്ക്കാര്, ഭൂമി പിടിച്ചെടുക്കാന് അനാവശ്യ ധൃതി കാണിച്ചതായും ഹൈക്കോടതി കുറ്റപ്പെടുത്തി. യഥാര്ത്ഥത്തില് അച്യുതാനന്ദന് തന്റെ ഇമേജ് വര്ധിപ്പിക്കുന്നതിന് വേണ്ടി നടത്തിയ നാടകമായിരുന്നു മൂന്നാര് കൈയ്യേറ്റം ഒഴിപ്പിക്കല്. വി എസിന്റെ നടപടിക്കെതിരെ പാര്ട്ടി തലത്തില് തന്നെ അപസ്വരങ്ങള് ഉണ്ടായെങ്കിലും വി എസ് അതൊന്നും ഗൗനിച്ചില്ലെന്ന് മാത്രമല്ല, ഒഴിപ്പിക്കല് നടപടി നിര്ബാധം തുടരുകയും ചെയ്തു. രാജുനാരയണസ്വാമി, കെ സുരേഷ്കുമാര്, ഋഷിരാജ്സിംഗ് എന്നീ ഉദ്യോഗസ്ഥരെ ഉപയോഗിച്ചാണ് അച്യുതാനന്ദന് മൂന്നാര് ഓപ്പറേഷന് നടത്തിയത്.
മൂന്നാര് ഒഴിപ്പിക്കലിന് കോടതിയില് മറുപടി പറയേണ്ടി വരുമെന്ന് അക്കാലത്ത് തന്നെ മുഖ്യമന്ത്രിക്ക് നിയമോപദേശം ലഭിച്ചിരുന്നെങ്കിലും പിഞ്ചുകുഞ്ഞുങ്ങള് പിടിവാശി കാണിക്കുന്നതു പോലെയാണ് വി എസ് പ്രവര്ത്തിച്ചത്. വി എസിന്റെ പിടിവാശിക്കു മുന്നില് സഹമന്ത്രിമാര്ക്ക് പോലും മറുപടി ഉണ്ടായിരുന്നില്ല. അന്നത്തെ സഹമന്ത്രിയും മറ്റും കര്ക്കശ നിലപാടുകളില് അയവു വരുത്തണമെന്ന് വി എസിനെ ഉപദേശിച്ചിരുന്നു.
മൂന്നാര് ദൗത്യം ബലൂണ് പോലെ പൊട്ടിത്തകരുന്നതു കണ്ട് കൈയ്യടിക്കുന്നവരില് പ്രധാനി പിണറായി വിജയനാണ്. അച്യുതാനന്ദന്റെ പിടിവാശിക്കു മുമ്പില് അന്ന് പിണറായിക്കു പോലും കീഴടങ്ങേണ്ടി വന്നിരുന്നു. സി പി എം സംസ്ഥാന കമ്മിറ്റിയില് ഇക്കാര്യം ചര്ച്ചക്ക് വന്നെങ്കിലും അച്യുതാനന്ദന്റെ പിടിവാശിക്കു മുമ്പില് സംസ്ഥാന കമ്മിറ്റി നിഷ്പ്രഭമായി.
മൂന്നാറില് പൊളിച്ച റിസോട്ടുകളില് ചിലത് സി പി എമ്മിന്റെ സംസ്ഥാന നേതാക്കള്ക്ക് വേണ്ടപ്പെട്ടവരുടേതായിരുന്നു. അവരില് പലരും പാര്ട്ടിക്ക് വന്തോതില് ഫണ്ട് നല്കുന്ന വന് തോക്കുകളായിരുന്നു. എന്നാല് അവരെയൊന്നും രക്ഷിക്കാന് അന്ന് സി പി എമ്മിന് കഴിഞ്ഞില്ല. ഇന്ന് ദൗത്യം തകരുമ്പോള് അച്യുതാനന്ദന്റെ ഭ്രാന്തിനെക്കുറിച്ചോര്ത്ത് അവര് തലതല്ലി ചിരിക്കും. ഉമ്മന്ചാണ്ടിയാകട്ടെ മൂന്നാര് ദൗത്യം വഴി സര്ക്കാരിനുണ്ടാകുന്ന എല്ലാ നാശനഷ്ടങ്ങളും വി എസിന്റെ തലയില് ചാരും. കൂടുതല് നഷ്ട പരിഹാര വിധികള് വരാനിരിക്കുന്നതേയുള്ളു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
