എസ്.എഫ് ഐ പഠിപ്പ് മുടക്കി സമരം നടത്തരുതെന്ന് ഇ.പി ജയരാജന്‍ പറഞ്ഞത് പാര്‍ട്ടിയുടെ നിയന്ത്രണത്തിലുള്ള സ്‌കൂളുകളിലെ അധ്യായനം സുഗമമാക്കാന്‍. കണ്ണൂരില്‍ സി.പി.എം നിയന്ത്രണത്തില്‍ കുറേ എയ്ഡഡ് സ്‌കൂളുകളുണ്ട്. അവയുടെ നടത്തിപ്പും മറ്റ് കാര്യങ്ങളും നോക്കി നടത്തുന്നത് ഇ.പി ജയരാജനാണ്. എസ്.എഫ്.ഐയുടെ പഠിപ്പ് മുടക്കം കാരണം ഈ സ്‌കൂളുകളിലെല്ലാം കുട്ടികള്‍ കുറയുകയാണ്. പലരും അണ്‍ എയ്ഡഡ് സ്‌കൂളുകളിലും മറ്റ് എയ്ഡഡ്, സര്‍ക്കാര്‍ സ്‌കൂളുകളിലും കുട്ടികളെ മാറ്റുന്നു. ഇത് മുന്നില്‍ കണ്ടാണ് ജയരാജന്‍ എസ്.എഫ്.ഐക്കെതിരെ രൂക്ഷമായി രംഗത്തെത്തിയത്.

എന്നാല്‍ ജയരാജനുമായി അകന്ന് കഴിയുന്ന കണ്ണൂര്‍ ജില്ലാ സെക്രട്ടറി പി.ജയരാജന്‍ ഇതിനെതിരെ ശക്തമായി രംഗത്തെത്തി. എന്നാല്‍ താമസിക്കാതെ പി.ജയരാജനും തീരുമാനം മാറ്റേണ്ടിവരുമെന്നാണ് അറിയുന്നത്. സംസ്ഥാന നേതൃത്വത്തെ ഇ.പി ജയരാജന്‍ കാര്യങ്ങള്‍ ധരിപ്പിച്ചിട്ടുണ്ട്. പാര്‍ട്ടി നിയന്ത്രണത്തിലുള്ള സ്‌കൂളുകളിലെ നിയമനം തുടങ്ങിയ ധാരാളം കാര്യങ്ങളുണ്ട്. അവ നേടിയെടുക്കണമെങ്കില്‍ സ്‌കൂളുകളുടെ പ്രവര്‍ത്തനം മെച്ചപ്പെടുത്തണം. കാന്റീനിലെ വെള്ളത്തില്‍ പാറ്റയുണ്ടെന്ന് പറഞ്ഞ് സമരം നടത്തരുതെന്ന് ഇ.പി ആഞ്ഞടിച്ചത് അതിനാണ്. 

സംസ്ഥാനത്തുടനീളം എസ്.എഫ്.ഐയുടെ ശക്തി ശോഷിച്ചിട്ടുമുണ്ട്. ലക്ഷ്യബോധമില്ലാതെയാണ് നേതാക്കള്‍ കാര്യങ്ങള്‍ ചെയ്യുന്നത്. വിദ്യാര്‍ത്ഥികളുടെ നിറുന്ന പ്രശ്‌നങ്ങള്‍ കൈകാര്യം ചെയ്യേണ്ടതിനു പകരം ഉപരിപ്ലവമായ കാര്യങ്ങളാണ് അവര്‍ മുന്നോട്ട് വയ്ക്കുന്നത്. സമരങ്ങള്‍ അക്രമാസക്തമാക്കുന്നതിനും പെണ്‍കുട്ടികളെ ഉള്‍പ്പെടെ ഭീഷണിപ്പെടുത്തി സമരങ്ങള്‍ക്കിറക്കുന്നതും പതിവാണ്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha