മന്ത്രവാദിയായ ഐ.എ.എസുകാരന് ആരാണെന്ന് പറയൂ: സമ്മാനം!
സംസ്ഥാന സര്ക്കാരില് പ്രവര്ത്തിക്കുന്ന ഐ.എ.എസുകാര്ക്ക് മാസം ഒന്നര ലക്ഷമാണ് ശമ്പളം. ഇതുകൂടാതെ കുറഞ്ഞത് രണ്ടുകാറുകളും പോകുന്നിടത്തും വരുന്നിടത്തുമെല്ലാം പരിവാരങ്ങളും കിട്ടും. പല ഐ.എ.എസുകാരും സര്ക്കാര് അതിഥിമന്ദിരങ്ങളില് താമസിക്കുന്നതിനു പകരം നക്ഷത്ര ഹോട്ടലുകളിലാണ് താമസിക്കുന്നത്. പൊതുമേഖലാ സ്ഥാപനങ്ങളുടെ എം.ഡി.മാരാണെങ്കില് പറയുകയും വേണ്ട. കളള ബില്ലുകളുണ്ടാക്കി ലക്ഷക്കണക്കിന് രൂപ ടി.എ. ഡി.എ ഇനത്തിലും സമ്പാദിക്കും.
സംസ്ഥാന സര്ക്കാരില് പ്രവര്ത്തിക്കുന്ന ഒരു ഐ.എ.എസുകാരന്റെ കഥ പറയാം. ബ്ലോക്ക് ഡവലപ്പമെന്റ് ഓഫീസറായിട്ടാണ് അദ്ദേഹം സര്വീസില് പ്രവേശിച്ചത്. ആള് മിടുക്കനാണ്. ഏതാനും കൊല്ലത്തെ ബി.ഡി.ഒ ഉദ്യോഗത്തെ തുടര്ന്ന് ഡപ്യൂട്ടി കളക്ടറായി ഉദ്ദ്യോഗകയറ്റം കിട്ടി. ഡപ്യൂട്ടി കളക്ടറായതോടെ ആളിന് ചെറിയ \'ആത്മീയ ആസക്തി\'യുണ്ടായി. ഇതിനിടയില് അദ്ദേഹം ഒരു പൊതുമേഖല സ്ഥാപനത്തിന്റെ വഞ്ചിയൂരുളള ആസ്ഥാനമന്ദിരത്തില് സെക്രട്ടറിയായി നിയമിതനായി. യൂ.ഡി.എഫ്. സര്ക്കാരിന്റെ ഭരണകാലമായിരുന്നു അത്. ഒരു പാവം പിടിച്ച മന്ത്രിയാണ് വകുപ്പു ഭരിച്ചിരുന്നത്. സ്ഥാപന ഡയറി ഇറക്കി. ഇതില് മന്ത്രിയുടെ ഒരു ചെറിയ ഫോട്ടോ, സെക്രട്ടറി സുസ്മേരവദനനായിരിക്കുന്ന വലിയ ഫോട്ടോ. മന്ത്രി പാവമായതു കാരണം ഒന്നും സംഭവിച്ചില്ല.
ഒരു അവധൂതനെ കണ്ടതാണ് ഉദ്യോഗസ്ഥന്റെ ജീവിതം മാറ്റി മറിച്ചത്. അവധൂതനില് നിന്നും ആവേശം കൊണ്ട ഉദ്യോഗസ്ഥന് ജ്യോത്സ്യം ആരംഭിച്ചു. ജ്യോത്സ്യം പഠിച്ചിട്ടില്ല. കണ്ണടച്ചിരുട്ടാക്കുന്ന മട്ടില് ഒരു തന്ത്രം. കണ്ണടക്കുമ്പോള് ഉദ്യോഗസ്ഥന്റെ മനസില് ഒരു വികാരമുണ്ടാകുമത്രേ. പിന്നെ നിര്ത്താതെ സംസാരിക്കും. കുറേപേരുകള് പറയുമത്രേ. കുറെ നമ്പറുകള് പറയും. മുമ്പില് വന്നിരിക്കുന്നവരെ ശരിക്കും പറ്റിക്കും. നന്നായി ഇംഗ്ലീഷ് സംസാരിക്കും. സുരേഷ്ഗോപിയെ പോലെ ഇംഗ്ലീഷൊക്കെ പറഞ്ഞ് പാവപ്പെട്ടവരെ പറ്റിക്കും. ഒരു സിറ്റിങ്ങിന് 1000, അയ്യായിരം വരെ കൊടുക്കുന്നവരുണ്ട്. ഇതിനിടയില് ഒരു വായിനോക്കി പത്രക്കാരന് ഇതിനെക്കുറിച്ച് ഒരു ലേഖനവും പ്രസിദ്ധീകരിച്ചു. പിന്നെ കാര്യങ്ങള് ബഹുജോറായി. ജ്യോത്സ്യം അറിയാനെത്തുന്നവരുടെ എണ്ണം കൂടി.
ഇടയ്ക്ക് ഉദ്യോഗസ്ഥന് ഒരു വീടുവാങ്ങി അതിന്റെ കടം തീര്ക്കാനാണ് ജ്യോത്സ്യം തുടങ്ങിയതെന്നും ചില വാര്ത്തകളുണ്ട്. ഏതായാലും ആരൊക്കയോ സഹായിച്ച് സ്നേഹിതന് ഐ.എ.എസ്. കിട്ടി. ഒരു ജില്ലയുടെ കളക്ടറായി രണ്ട് ദിവസം സേവനം അനുഷ്ഠിച്ചു. മൂന്നാം ദിവസം മുഖ്യമന്ത്രിയുടെ ജനസമ്പര്ക്കും കണ്ടു സ്നേഹതിന് പനി പിടിച്ചു. പിന്നീട് നീണ്ട അവധി. ഇതുനുശേഷം സീനിയര് മന്ത്രിയുടെ കീഴില് വകുപ്പുതലവനായി. മന്ത്രി വിളിക്കുമ്പോഴെല്ലാം സ്നേഹിതന് മന്ത്രവാദത്തില്. ഇതിനിടയില് ആശാന് വലിയ എഴുത്തുകാരനുമായി. മിടുക്കന്മാര് എഴുതിയ ഇംഗ്ലീഷ് പുസ്തകങ്ങള് അതേപടി മലയാളത്തിലേക്ക്! ഏതായാലൂം മന്ത്രവാദിയെ തനിക്കു വേണ്ടെന്നായി മന്ത്രി. ഇത്രയും \'കഴിപ്പണംകെട്ട\' ഒരു ഉദ്ദ്യോഗസ്ഥനെ കണ്ടിട്ടില്ലെന്ന് സംസ്ഥാന കാബിനറ്റ് പ്രമേയം പാസാക്കി.
മന്ത്രവാദത്തോട് താല്പര്യമില്ലാത്ത ഒരു അഹിന്ദു മന്ത്രിയുടെ കീഴിലാണ് സ്നേഹിതന് ഇപ്പോള് ജോലി. ഭാവി എന്താകുമെന്ന് കണ്ടറിയാം. ഏതായാലും വരുമാനത്തിന് ഒരു കുറവുമില്ല. ജോലിപോയാലും സാരമില്ല. ദൈവം രക്ഷിക്കും! നമ്മുടെ നികുതി പണമാണ് ജ്യോത്സ്യന് ശമ്പളമായി നല്കുന്നതോര്ക്കണം. ഇനി പറയൂ ആരാണ് ഇയാള്?.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
