മോഹന്ലാല് അമൃത ആശുപത്രിയില്... അമ്മ പാഞ്ഞെത്തി, ഓപ്പറേഷന് മാറ്റിവച്ചു
ആരാധകരെ ഒരല്പം ആശങ്കയിലാക്കി നമ്മുടെ ലാലേട്ടന് അമൃതാ ആശുപത്രിയില് ചികിത്സയില്. ഇന്നലെയാണ് വലതുകാലിന് സ്വാധീനക്കുറവും കടുത്ത വേദനയും കാരണം എറണാകുളത്തെ പ്രശസ്തമായ അമൃത ആശുപത്രിയില് മോഹന്ലാല് ചികിത്സ തേടിയെത്തിയത്. മോഹന്ലാല് ആശുപത്രിയിലെത്തുന്ന വിവരം അറിഞ്ഞ അമൃതയിലെ ഡോക്ടര്മാര് സര്വ സന്നാഹങ്ങളും ഒരുക്കി കാത്തിരുന്നു.
അമൃതയിലെത്തിയ മോഹന്ലാലിനെ വിദഗ്ദ്ധ സംഘം നന്നായി പരിശോധിക്കുകയും നിരവധി ടെസ്റ്റുകള് നടത്തുകയും ചെയ്തു. ഡോക്ടര്മാര് മോഹന്ലാലിന്റെ അസുഖത്തിന്റെ തീവ്രത മനസിലാക്കി. സ്പോണ്ടിലിറ്റിസ് കടുത്തതാണ് പ്രശ്നം.
എല്ലുകള്ക്കിടയിലുള്ള കശേരുക്കള്ക്ക് തേയ്മാനം സംഭവിക്കുന്നതു മൂലമുണ്ടാകുന്ന അസുഖമാണ് സ്പോണ്ടിലിറ്റിസ്. ഇത് പ്രധാനമായും കഴുത്തുമുതല് നട്ടെല്ലിന്റെ താഴ്ഭാഗം വരെയുള്ള കശേരുക്കളെയാണ് കൂടുതലും ബാധിക്കുക. എല്ലുകളുടെ ഞെരുക്കം കാരണം ഈ കശേരുക്കള്ക്ക് ക്ഷതം സംഭവിക്കുകയും തേയ്മാനമുണ്ടാകുകയും ചെയ്യും. ഇത് കഠിനമായ വേദനയില് കലാശിക്കുന്നു. ആരംഭത്തിലേ വേണ്ട വിധം ചികിത്സിക്കാത്തതാണ് പലപ്പോഴും രോഗം കൂടാന് കാരണം.
ദീര്ഘകാലമായി മോഹന്ലാല് സ്പോണ്ടിലിറ്റിസ് ചികിത്സയിലാണ്. ഇടയ്ക്കൊക്ക മോഹന്ലാലിന് കാലിന് വേദനയുണ്ടായിരുന്നു. എന്നാല് നിരന്തരമായ ഷൂട്ടിംഗും മറ്റ് തിരക്കും കാരണം ഇതൊന്നും ലാല് ശ്രദ്ധിച്ചതേയില്ല. ഇതിനിടെ ഫിസിയോ തെറാപ്പിയും കര്ക്കിടക ചികിത്സയും ചെയ്തിരുന്നു. ഒന്നും ഫലം കാണാതെ വന്നപ്പോഴാണ് അമൃതയില് ചികിത്സ തേടിയത്.
രോഗത്തിന്റെ തീവ്രത മനസിലാക്കി ഡോക്ടര്മാര് ഉടന്തന്നെ മോഹന്ലാലിന് അടിയന്തിര ഓപ്പറേഷന് വിധിച്ചു. മോഹന് ലാലിന്റെ ബന്ധുക്കളും സുഹൃത്തുക്കളും അതിനായുള്ള സര്വ സന്നാഹങ്ങളും ഒരുക്കുകയും ചെയ്തു.
കടുത്ത അമൃതാ ഭക്തനായ മോഹന്ലാലിന്റെ അസുഖവിവരമറിഞ്ഞ് അമൃത ആശുപത്രിയിലേക്ക് പല ഉന്നതര്ക്ക് പുറമേ സാക്ഷാല് അമൃതാനന്ദമയി ദേവിയും പാഞ്ഞെത്തി. അമ്മ മോഹന്ലാലിനെ നേരില് കാണുകയും ഒരു മകനെപ്പോലെ ആശ്വസിപ്പിക്കുകയും ചെയ്തു. അമ്മ വന്നതറിഞ്ഞ് അമൃത ആശുപത്രിയിലെ വിവിഐപി ഡോക്ടര്മാര് എല്ലാവരും ഒത്തു കൂടി. മോഹന്ലാലിന് ലോകത്തില് കിട്ടാവുന്നതില് വച്ചേറ്റവും നല്ല ചികിത്സ ലഭ്യമാക്കാന് അമ്മ ഡോക്ടര്മാര്ക്ക് നിര്ദ്ദേശം നല്കി. അമ്മയുടെ സാന്നിധ്യത്തില് വിദഗ്ദ്ധ ഡോക്ടര്മാര് മോഹന്ലാലിന്റെ അസുഖത്തിന്റെ വ്യാപ്തി പരിശോധിച്ചു. തുടര്ന്ന് നടന്ന ചര്ച്ചകളില് ഓപ്പറേഷന് ഉടന് വേണ്ടെന്ന നിലപാടില് ഡോക്ടര്മാരെത്തി.
പ്രിയ വായനക്കാരെ
ഈ റിപ്പോര്ട്ടില് ഒരിടത്തു പോലും അമ്മയെ മോശമായി ചിത്രീകരിച്ചിട്ടില്ല. വിശ്വസനീയ കേന്ദ്രത്തില് നിന്നും കിട്ടിയ വിവരത്തിന്റെ അടിസ്ഥാനത്തില് അര്ഹിക്കുന്ന ബഹുമാനത്തോടെ തന്നെയാണ് ഈ റിപ്പോര്ട്ട് തയ്യാറാക്കിയിരിക്കുന്നത്. ലോകോത്തര നടനായ മോഹന്ലാലിന്റെ ചികിത്സയില് അമ്മ ഇടപെട്ടതില് ഒരു തെറ്റും കാണുന്നുമില്ല.
എഡിറ്റര്
മലയാളിവാര്ത്ത
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
