മോഹന്ലാല് അമൃത ആശുപത്രിയില് സുഖം പ്രാപിച്ചു വരുന്നു; മഠത്തിന്റെ കര്ശന നിര്ദ്ദേശത്തെ തുടര്ന്ന് മാധ്യമങ്ങള്ക്ക് വിലക്ക്
നമ്മുടെ പ്രിയനടന് മോഹന്ലാല് എറണാകുളത്തെ അമൃത ആശുപത്രിയില് ചികിത്സയിലാണെന്ന വാര്ത്ത ലോകം അറിഞ്ഞത് മലയാളി വാര്ത്തയിലൂടെയാണ്. ഇതിന്റെ ചുവട് പിടിച്ച് പല മാധ്യമ പ്രവര്ത്തകരും അമൃത ആശുപത്രിയെ സമീപിച്ചെങ്കിലും ആശുപത്രി അധികൃതരോ ഡോക്ടര്മാരോ ഇതു സംബന്ധിച്ച് ഒരു കാര്യവും വിട്ടു പറഞ്ഞിട്ടില്ല. മാത്രമല്ല മാധ്യമങ്ങളെ ആശുപത്രിക്കുള്ളില് കടത്തരുതെന്ന കര്ശന നിര്ദ്ദേശവും അമൃതാനന്ദമയി മഠം നല്കിയിട്ടുണ്ട്. കാരണം വിവാദങ്ങളുണ്ടായാല് അത് സാക്ഷാല് അമ്മയെ കേന്ദ്രീകരിച്ചാവും. പ്രിയ ശിഷ്യയായ ഗെയ്ലിന്റെ വിവാദത്തില് നിന്ന് അമ്മ കര കയറിയത് അടുത്ത നാളുകളിലാണ്. അതിനാല് തന്നെ മറ്റൊരു വിവാദമുണ്ടാക്കാതെ അമ്മഭക്തരായ ഡോക്ടര്മാരും സ്റ്റാഫുകളുള്പ്പെടെ എല്ലാവരും ഒരുപോലെ മൗനം പാലിക്കുകയാണ്.
ഇതിനിടെ രാഷ്ട്രീയ ചായ്വുള്ള മാധ്യമങ്ങള് അമൃതാനന്ദമയിയുമായി ബന്ധപ്പെട്ട വിശേഷങ്ങള് ഒന്നും കണ്ടില്ലെന്നു നടിച്ചു. കാരണം ഗെയ്ല് വിവാദത്തെ തുടര്ന്ന് നല്ലൊരു വോട്ട് ബാങ്ക് കൈവിട്ടു എന്ന് സിപിഎം പോലും രഹസ്യമായി വിലയിരുത്തിയിരുന്നു.
അമൃതാനന്ദമയി ദേവി മോഹന്ലാലിന്റെ ചികിത്സയില് ശക്തമായി ഇടപെട്ടു എന്നു തന്നെയാണ് വിശ്വസനീയമായ വിവരം. കറകളഞ്ഞ അമൃതാനന്ദമയി ആരാധകനായ മോഹന്ലാലിന്റെ ആരോഗ്യത്തില് അമ്മയ്ക്കും അതിയായ ആകാംക്ഷയുണ്ട്. അതിനാലാണ് അമ്മ വിദഗ്ദ്ധ ഡോക്ടര്മാരുമായി സംസാരിച്ചത്. ഡോക്ടര്മാര് നേരത്തെ തീരുമാനിച്ചുറച്ച ഓപ്പറേഷന് മാറ്റിവച്ചത് അമ്മയുടെ ഇടപെടല് കൊണ്ട് മാത്രമാണ്.
എന്തായാലും അമ്മയുടെ ഇടപെടല് മോഹന്ലാലിന് ഗുണം ചെയ്തു. കഴിഞ്ഞ ദിവസമാണ് വലതുകാലിന് സ്വാധീനക്കുറവും കടുത്ത വേദനയും കാരണം അമൃത ആശുപത്രിയില് മോഹന്ലാല് ചികിത്സ തേടിയെത്തിയത്. വിദഗ്ദ്ധ ചികിത്സയ്ക്ക് ശേഷം ഡോക്ടര്മാര് ഓപ്പറേഷന് വിധിച്ചിരുന്നു. എന്നാല് അമ്മയുടെ ഇടപെടല് കാരണമാണ് ഓപ്പറേഷന് മാറ്റിവച്ചത്. ഓപ്പറേഷന് നടന്നിരുന്നെങ്കില് കുറേ നാളുകള്ക്ക് മോഹന്ലാലിന് വിശ്രമം ആവശ്യമായിരുന്നു. മാത്രമല്ല അമ്മയുടെ ഇടപെടല്മൂലം ഈ അസുഖത്തിന് ലോകത്ത് ഇന്ന് നിലവിലുള്ളതില് വച്ച് ഏറ്റവും നല്ല ചികിത്സ മോഹന്ലാലിന് ഡോക്ടര്മാര് നല്കി.
അമ്മയുടെ അനുഗ്രഹവും പ്രാര്ത്ഥനയും ഇടപെടലും എല്ലാം കൊണ്ട് മോഹന്ലാല് ഇപ്പോള് സുഖം പ്രാപിച്ചു വരുന്നു. ഉടന്തന്നെ സിനിമാലോകത്ത് തിരിച്ചെത്താന് കഴിയുമെന്നാണ് പ്രതീക്ഷ.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
