പാവങ്ങളുടെ കീശയില് കൈയിട്ട ബോര്ഡിന്റെ ശമ്പളം റഗുലേറ്ററി കമ്മീഷന് വെട്ടിയൊതുക്കി; എങ്ങനെ സഹിക്കും തമ്പ്രാക്കള്
പാവപ്പെട്ടവരുടെ കറന്റ്ചാര്ജ് കുത്തനെ കൂട്ടി കരണത്തടിച്ച സംസ്ഥാന വൈദ്യുതിബോര്ഡ് തങ്ങളുടെ ശമ്പളചെലവ് വെട്ടിക്കുറച്ച റഗുലേറ്ററി കമ്മീഷനെതിരെ നിയമനടപടയിലേക്കു നീങ്ങുന്നു. 2014-15 സാമ്പത്തിക വര്ഷം വൈദ്യുതി ബോര്ഡിലെ ജീവനക്കാര്ക്ക് 2042 കോടി രൂപയാണ് ശമ്പളത്തിനായി രേഖപ്പെടുത്തിയത്. ഇതിനുളള അനുമതിക്കായി റഗുലേറ്ററി കമ്മീഷന് മുമ്പാകെ സമര്പ്പിച്ചപ്പോള് 771 കോടി വെട്ടിക്കുറച്ച് ചുരിക്കി 1271 കോടി രൂപ മാത്രം ശമ്പള ചിലവിലേയ്ക്ക് അനുവദിച്ചു. ഇത് അനുവദിക്കാനാവില്ലെന്നാണ് ബോര്ഡിന്റെ നിലപാട്. 771 കോടി വെട്ടികുറച്ചാല് ജീവനകാര്ക്ക് സര്ക്കാര് അനുവദിച്ച ഡി.എ പോലും നല്കാനാവില്ലെന്ന് ബോര്ഡ് പറയുന്നു. തൊഴിലാളി സംഘടനകളൊക്കെ കമ്മീഷന്റെ സടപടിക്കെതിരെ രംഗത്തെത്തിയിരിക്കുകയാണ്.
കേരളിയരുടെ കറന്റ് ചാര്ജ് വര്ധിപ്പിച്ചതില് വൈദ്യുതി ബോര്ഡിന് യാതൊരു പരാതിയും ഇല്ല. വര്ധനവ് വെട്ടിക്കുറച്ചതില് മാത്രമാണ് ബോര്ഡിന് പരാതി. ബോര്ഡിന്റെ ചുമതലയുളള മന്ത്രിക്കും ഇക്കാര്യത്തില് യാതൊരു അഭിപ്രായവ്യത്യാസവുമില്ല. എന്നാല് ശമ്പളം വെട്ടിക്കുറച്ചതിനെതിരെ ജീവനക്കാര്ക്കൊപ്പം മന്ത്രിയും രംഗത്തെത്തിക്കഴിഞ്ഞു. ശമ്പളം കമ്മീഷന് വെട്ടിക്കുറച്ചാല് കടം വാങ്ങിച്ചെങ്കിലും ശമ്പളവും ഡി എയും നല്കുമെന്നാണ് ബോര്ഡിന്റെ നിലപാട്. സംസ്ഥാനത്ത് ഏറ്റവുമധികം വരുമാനമുളള പൊതുമേഖലാ സ്ഥാപനമാണ് വൈദ്യുതബോര്ഡ്. ആദ്യം റഗുലേറ്ററി കമ്മീഷന് മുമ്പാകെ പുനപരിശേധന ഹര്ജി നല്കാനാണ് ബോര്ഡിന്റെ തീരുമാനം.
വൈദ്യുതി വാങ്ങല്, അറ്റകുറ്റപണി എന്നിവയില് ബോര്ഡ് കമ്മീഷന് മുമ്പാകെ നല്കിയ കണക്കുകളിലും കമ്മീഷന് കുറവു വരുത്തിയിട്ടുണ്ട്. വൈദ്യുതി വാങ്ങലിലും അറ്റകുറ്റ പണിയിലുമെല്ലാം ഉദ്യോഗസ്ഥന്മാര്ക്ക് മികച്ച തോതില് കിമ്പളം കിട്ടുന്നതാണ്. അറ്റകുറ്റപണിയിലാണ് കോടികള് എഴിതിതളളുന്നത്. നടത്തിയ അറ്റകുറ്റപണിയുടെ ഫോട്ടോയെടുത്ത് സൂക്ഷിക്കാത്തത് കാരണം ഇതിനൊന്നും തെളിവുമില്ല.
ക്ഷമാമബത്ത നല്കാതിരുന്നാല് ബോര്ഡിന്റെ കടം വര്ധിക്കുമെന്നാണ് ബോര്ഡ് അധികൃതര് കണക്കുകൂട്ടുന്നത്. ശമ്പളം കൃത്യമായി നല്കാതിരുന്നാല് ജീവനക്കാര് നിസഹരിക്കും. അങ്ങനെ വരുമ്പോള് വൈദ്യുതി വിതരണം പ്രതിസന്ധിയിലാകും. ഇത്തരത്തില് ബോര്ഡിനെ ബുദ്ധിമുട്ടിക്കണോ എന്നാണ് ബോര്ഡ് അധികൃതര് ചോദിക്കുന്നത്. യൂണിയനുകള് സംയുക്തമായി നില്ക്കുമെന്നതിനാല് ബോര്ഡിന്റെ പ്രവര്ത്തനം നിര്ത്തിവയ്ക്കേണ്ടിവരുമെന്നും പുനപരിശോധന ഹര്ജിയില് വൈദ്യുതി ബോര്ഡ് ആവശ്യപ്പെട്ടു.
ബോര്ഡിന്റെ പ്രവര്ത്തനത്തിലുളള ചിലവ് നിയന്ത്രിക്കണമെന്നാണ് റഗുലേറ്ററി കമ്മീഷന്റെ നിലപാട്. ചിലവ് നിയന്ത്രിക്കാതിരുന്നാല് അത് പാവപ്പെട്ട ഉപഭോക്താവിന്റെ തലയില് കെട്ടിവയ്ക്കേണ്ടിവരുമെന്നും റഗുലേറ്ററി കമ്മീഷന് അധികൃതര് ബോര്ഡിന് മുന്നറിയിപ്പു നല്കിയിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
