ഉമ്മന്ചാണ്ടി ബി.പി. നോക്കണം
ഉമ്മന്ചാണ്ടിക്ക് എന്താണ് പറ്റിയതെന്നോര്ത്ത് കേരളം അത്ഭുതപ്പെടുന്നു. അനുകൂല വിധി വരുമ്പോള് കോടതിയെ ശ്ലാലിക്കുകയും പ്രതികൂല വിധി വരുമ്പോള് കോടതിയെ ശകാരിക്കുകയും ചെയ്യുന്ന ഒരാളല്ല താനെന്ന് ഉമ്മന്ചാണ്ടി എത്രയോ തവണ പറഞ്ഞിരിക്കുന്നു. അതേ ഉമ്മന്ചാണ്ടിയാണ് കഴിഞ്ഞ ദിവസം പത്രസമ്മേളനം നടത്തി ഹൈക്കോടതിയെയും ജഡ്ജിമാരെയും നിഷ്ക്കരുണം തെറി പറഞ്ഞത്. ഹയര്സെക്കന്ഡറി ഡയറക്ടറാണ് കാര്യങ്ങള് തീരുമാനിക്കുന്നതെങ്കില് മന്ത്രിസഭ എന്തിനെന്നും മുഖ്യമന്ത്രി ചോദിച്ചു. ചാനലുകളില് മുഖ്യമന്ത്രി കോടതിയെ തെറിവിളിക്കുമ്പോള് ഏതാനും ദിവസങ്ങള്ക്കു മുമ്പ് പോലും അദ്ദേഹം കോടതികളെ പൂവിട്ടുതൊഴുതു നടത്തിയ പത്ര സമ്മേളനങ്ങള് പ്രേക്ഷകരുടെ ചെവികളില് മുഴങ്ങുന്നു.
പ്ലസ് ടു വിഷയമാണ് മുഖ്യമന്ത്രിയെ പ്രതിസന്ധിയിലാക്കിയത്. പ്ലസ് ടു കേസില് മന്ത്രിസഭാ ഉപസമിതിക്ക് കോടതി നോട്ടീസയയ്ക്കാന് ഉത്തരവായിരുന്നു. മന്ത്രി സഭ ഉപസമിതിക്ക് നോട്ടീസയയ്ക്കാന് കോടതി ആരാണെന്നായിരുന്നു ഉമ്മന്ചാണ്ടിയുടെ ചോദ്യം. ഉമ്മന്ചാണ്ടിയുടെ വായില് നിന്നു തന്നെ ഇതു കേട്ടപ്പോള് അത്ഭുതമായി. സാധാരണ ഇത്തരത്തില് സംസാരിക്കുന്ന ഒരാളല്ല ഉമ്മന്ചാണ്ടി. കോടതിക്ക് നോട്ടീസ് അയയ്ക്കണമെങ്കില് തനിക്ക് അയയ്ക്കാമായിരുന്നു എന്നാണ് മുഖ്യമന്ത്രി പറഞ്ഞത്.
ഹൈക്കോടതിയുടെ ഇടപെടല് തീര്ത്തും സുതാര്യമാണ്. തന്റെ വകുപ്പില് ഒഴിവുണ്ടെന്ന് അറിയിക്കേണ്ടത് വകുപ്പു മേധാവിയെയാണ്. ഹയര്സെക്കന്ഡറിയില് ആവശ്യാനുസരണം സീറ്റുണ്ടെന്ന് ഹയര്സെക്കന്ഡറി ഡയറക്ടര് പറഞ്ഞപ്പോള് അങ്ങനെ പറഞ്ഞാല് പറ്റില്ലെന്നാണ് സര്ക്കാര്. ആന്റണി സ്വാശ്രയ കോളേജ് അനുവദിച്ചതു പോലെ ഉമ്മന്ചാണ്ടി ഉദാരനായി. ചില കാര്യങ്ങളില് ഇത്തരം ഔദാര്യങ്ങള് ഉമ്മന്ചാണ്ടിയുടെ ഭാഗത്തു നിന്നും ഉണ്ടാകാറുണ്ട്. കോടതി ഫയലുകള് കൊണ്ടു വരാന് ആവശ്യപ്പെട്ടപ്പോള് സര്ക്കാര് നിന്നു പരുങ്ങി. കോടതിക്ക് സംശയമായി. കോടതിഭാഷ ഉഗ്രശാസനയായപ്പോള് ഫയലുകള് ഹാജരാക്കി. അപ്പോഴാണറിയുന്നത് ഹയര്സെക്കന്ഡറി ഡയറക്ടര് പറഞ്ഞതൊന്ന്, സര്ക്കാര് ചെയ്തത് മറ്റൊന്ന്. കോടതി ഹയര്സെക്കന്ഡറിക്കാരന് പറഞ്ഞതു കേട്ടു. സര്ക്കാരിനെ വെട്ടി. ഇതിലെന്താണ് തെറ്റെന്ന് ആര്ക്കും മനസിലാവുന്നില്ല.
വി.എസ് അച്യുതാനന്ദന് സര്ക്കാരിന്റെ കാലത്ത് കോടതിവിധികള് പ്രതികൂലമാകുമ്പോള് കോടതിയെ ശകാരിക്കുന്നത് പതിവായിരുന്നു. പത്രസമ്മേളനം നടത്തിയാല് കോടതികളെ അക്കാലത്ത് മുഖ്യമന്ത്രി തെറി പറഞ്ഞിരുന്നത്, അന്ന് കന്റോണ്മെന്റ്ഹൗസുലിരുന്ന് കോടതിയെ മുഖ്യമന്ത്രി തെറി പറയരുതെന്ന് ആവര്ത്തിച്ചിരുന്നയാളാണ് ഉമ്മന്ചാണ്ടി. അപ്പോള് വിഷയം എന്തെന്നല്ല, വിഷയം എങ്ങനെ പറയുന്നു എന്നതാണ് കാര്യം.
ഉമ്മന്ചാണ്ടി രക്താദിസമ്മര്ദ്ദം പരിശോധിക്കുന്നത് നന്നായിരിക്കും. അടുത്തിടെയായി അദ്ദേഹത്തിന്റെ ശരീരഭാഷയില് വല്ലാത്ത പ്രശ്നങ്ങള് അനുഭവപ്പെടുന്നുണ്ട്. ഇല്ലെങ്കില് ഉമ്മന്ചാണ്ടി ആരെയും തെറി പറയില്ല. അസുഖമുണ്ടെങ്കില് നമ്മള് വ്യക്തിയെ കുറ്റം പറയുന്നതില് എന്താണ് കാര്യം.
അറിയുന്നവര്ക്കറിയാം; ഉമ്മന്ചാണ്ടിയുടെ ബി.പി. കൂട്ടുന്നത് ഇന്ദിരാഭവനും കേരളകോണ്ഗ്രസും മുസ്ലീം ലീഗും ചേര്ന്നാണെന്ന്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
