കാവ്യാമാധവനുമായി ചാറ്റ്‌ ചെയ്യണോ?
സൈബര്‍ ക്രൈമിന്റെ ഇന്ത്യയിലെ ഏറ്റവും വലിയ ഇര താനാണെന്ന്‌ കാവ്യാമാധവന്‍. തന്റെ പേരില്‍ വ്യാജ ഫെയ്‌സ്‌ ബുക്ക്‌ വരെയുണ്ടാക്കി പണം തട്ടുന്നവരുണ്ട്‌. തനിക്കെതിരെ വ്യാജവാര്‍ത്തകള്‍ പ്രചരിപ്പിക്കുന്നവരും ധാരാളം. എന്നാല്‍ ആരും ഒരു നടപടിയും സ്വീകരിക്കുന്നില്ലെന്ന്‌ കാവ്യാമാധവന്‍ പരിതപിക്കുന്നു.
സൈബര്‍ ക്രൈം ഒരിക്കലും പിടിക്കപ്പെടാത്ത കുറ്റമാണെന്നാണ്‌ കാവ്യയുടെ കണ്ടെത്തല്‍. ഇല്ലെങ്കില്‍ തനിക്കെതിരെ വാര്‍ത്തകള്‍ പ്രചരിപ്പിക്കുന്നവരെ എന്നേ പിടികൂടിയേനെ. ഒരു സെലിബ്രിറ്റിയുടെ പേരില്‍ ഫെയ്‌സ്‌ബുക്ക്‌ ഉണ്ടാക്കിയിട്ടും നടപടിയെടുക്കാന്‍ കഴിയാത്തത്‌ അത്ഭുതപ്പെടുത്തുന്നു. തനിക്കെതിരെ വ്യാജവാര്‍ത്തകള്‍ പ്രചരിപ്പിക്കുന്നവരെ കുറിച്ച്‌ പോലീസിന്‌ വിവരം നല്‍കിയിട്ടും ഫലമില്ല. കാവ്യയുമായി ചാറ്റ്‌ ചെയ്യുന്നവനോട്‌ ഒരു വാക്കു കൂടി കാവ്യ കൂട്ടി ചേര്‍ക്കുന്നു. ഞാന്‍ ആരോടും ചാറ്റ്‌ ചെയ്യാറില്ല. എനിക്ക്‌ ഇത്തരം അത്യാധുനിക സംവിധാനങ്ങളില്‍ ഒരു വിശ്വാസവുമില്ല. സോഷ്യല്‍ മീഡിയയില്‍ അക്കൗണ്ടില്ലാത്ത ഞാന്‍ എങ്ങനെയാണ്‌ ചാറ്റ്‌ ചെയ്യുക? എന്റെ പേരില്‍ ചാറ്റ്‌ ചെയ്യുന്നവരോട്‌ എനിക്കും ഒന്ന്‌ ചാറ്റ്‌ ചെയ്യണമെന്നുണ്ട്‌ . പാവം മലയാളികള്‍ ഇതിനുവേണ്ടി കളയുന്നത്‌ എത്രയധികം രൂപയാണ്‌.
സ്‌ത്രീകള്‍ സൈബര്‍ ലോകത്ത്‌ വല്ലാതെ പീഡിപ്പിക്കപ്പെടുകയാണെന്നും കാവ്യാമാധവന്‍ കൂട്ടിച്ചേര്‍ത്തു. സ്‌ത്രീകളെയല്ലേ പീഡിപ്പിക്കാന്‍ കഴിയൂ? അവര്‍ അശക്തരും അശരണരുമാണ്‌. ആര്‍ക്കും അവരെ സഹായിക്കാനുമാവില്ല. സൈബര്‍ ക്രൈമില്‍ സ്‌ത്രീകളുടെ മാനം പോകുന്നു എന്നതില്‍ കവിഞ്ഞ്‌ ഇവിടെ യാതൊന്നും സംഭവിക്കുന്നില്ല. പോലീസും സര്‍ക്കാരുമൊക്കെ ഇക്കാര്യത്തില്‍ നിസഹായരാണെന്നും കാവ്യ പറയുന്നു.
സൈബര്‍ക്രൈമിന്റെ ആഴം മനസിലാക്കാത്തതാണ്‌ ഇത്തരം കുറ്റകൃത്യങ്ങള്‍ പെരുകാനുള്ള കാരണം. ഒരാളെ കൊന്നാല്‍ എത്രവര്‍ഷം ശിക്ഷ കിട്ടുമെന്ന്‌ അറിയാം. എന്നാല്‍ സൈബര്‍ ക്രൈം ചെയ്‌താല്‍ എന്താണ്‌ ശിക്ഷയെന്ന്‌ പോലും ആര്‍ക്കുമറിയില്ല.. ഇതാണ്‌ വര്‍ത്തമാനകാല കേരളത്തിന്റെ അവസ്ഥ. അങ്ങനെ വരുമ്പോള്‍ ആരും പിടിക്കപ്പെട്ടില്ല എന്ന ഉറപ്പില്‍ കുറ്റകൃത്യങ്ങള്‍ പെരുകികൊണ്ടേയിരിക്കും.
കാവ്യ ചുരുക്കുന്നു. ഇനി കാവ്യാമാധവനുമായി ചാറ്റ്‌ ചെയ്യാമെന്നു പറയുമ്പോള്‍ നിങ്ങളൊരിക്കലും തയ്യാറാകരുത്‌. ഞാന്‍ ആരോടും ചാറ്റ്‌ ചെയ്യാറില്ല.
സോഷ്യല്‍ മീഡിയയിലെ സുഹൃത്തുക്കള്‍ ഇക്കാര്യം മനസില്‍ വയ്‌ക്കുക.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
