ഓസ്ട്രിയയിലെ വിയന്നയിലുള്ള പ്രശസ്ത വേശ്യാലയമാണ് കോണ്‍ടാക്തോഫ്. അവിടുത്തെ സെക്‌സ് ഡോളാണ് ഫാനി. പെണ്ണിന്റെ രൂപവും സ്വാഭാവികതയുമുള്ള കളിപ്പാട്ടം. അഞ്ചടി ഒരിഞ്ച് ഉയരമുള്ള, വലിയ സ്തനങ്ങളുള്ള പാവ. ഫാനി വന്നതോടെ, വേശ്യാലയത്തിലെ പെണ്ണുങ്ങള്‍ക്ക് ആവശ്യക്കാര്‍ കുറഞ്ഞു. മണിക്കൂറിന് 80 യൂറോയെന്ന നിരക്ക് ഈടാക്കിയിട്ടും ഫാനിയെ തേടിവരുന്നവരുടെ എണ്ണം ദിവസവും കൂടിവന്നു. ഇതോടെയാണ് രണ്ടാമതൊരു സെക്‌സ് പാവയെക്കൂടി വാങ്ങാന്‍ അധികൃതര്‍ തീരുമാനിച്ചത്.

ഇപ്പോള്‍ ഓസ്ട്രിയയിലെ മറ്റ് വേശ്യാലയങ്ങളിലും ഇത്തരം പാവകളെ ആളുകള്‍ തിരക്കിയെത്താന്‍ തുടങ്ങിയിട്ടുണ്ട്. ജപ്പാനില്‍നിന്നാണ് മനുഷ്യരൂപത്തിലുള്ള പാവയെ ഇറക്കുമതി ചെയ്യുന്നത്. 7,000 യൂറോവരെ അവിടെ പാവയ്ക്ക് വിലയുണ്ടെന്ന് കോണ്‍ടാക്തോഫ് ഉള്‍പ്പെടെ രണ്ട് വേശ്യാലയങ്ങള്‍ നടത്തുന്ന പീറ്റര്‍ ലാസ്‌കാരിസ് പറയുന്നു. വേശ്യാലയങ്ങളിലെ പുതിയ ട്രെന്‍ഡായി പാവകള്‍ മാറുകയാണെന്നാണ് പീറ്ററിന്റെ പക്ഷം.

ഇത്തരം പാവകള്‍ക്കൊപ്പം ലൈംഗികബന്ധത്തിലേര്‍പ്പെടാന്‍ തത്പരരായി എത്തുന്നവരുടെ എണ്ണം കൂടിവരികയാണെന്നാണ് ഈ രംഗത്തുള്ളവര്‍ പറയുന്നത്.

പാവയ്‌ക്കൊപ്പമാകുമ്പോള്‍ എന്തും ചെയ്യാമെന്നതാണ് ഇതിനെ തേടിവരുന്നവരുടെ എണ്ണം കൂടാന്‍ കാരണമെന്ന് മനഃശാസ്ത്രജ്ഞനായ ഗെര്‍റ്റി സെംഗര്‍ പറയുന്നു. സാധാരണസ്ത്രീകളെ തേടിവരുന്നതിനെക്കാള്‍ കൂടുതല്‍ പേര്‍ ഫാനിയെ തേടിവരുന്നതറിഞ്ഞപ്പോള്‍ തുടക്കത്തില്‍ താന്‍ ഞെട്ടിപ്പോയെന്ന് സെംഗര്‍ പറയുന്നു.