കണ്ണിന് നല്ലതല്ല എല്‍ഇഡി ബള്‍ബുകള്‍ എന്ന് പഠനം
കണ്ണിന്റെ ആരോഗ്യത്തിന് എല്‍ഇഡി ബള്‍ബുകളിലെ ലൈറ്റിലുള്ള നീലഘടകം നന്നല്ലെന്നു ഫ്രഞ്ച് ഏജന്‍സി ഫോര്‍ ഫുഡ്, എന്‍വയണ്‍മെന്റല്‍ ആന്‍ഡ് ഒക്യുപേഷനല്‍ ഹെല്‍ത്ത് ആന്‍ഡ് സേഫ്ടിയുടെ റിപ്പോര്‍ട്ട്.
നിലവില്‍ ഉപയോഗത്തിലുള്ള എല്‍ഇഡി ലൈറ്റുകളിലെ ഈ നീലഘടകം അപകടകരമായ തോതിലാണെന്നും കൂടിയ അളവിലോ , കാലയളവിലോ ഇതിനിരയാകുന്ന റെറ്റിനയിലെ കോശങ്ങള്‍ക്ക് തകരാറു സംഭവിക്കുമെന്നും റിപ്പോര്‍ട്ടില്‍ പറയുന്നു.
സാങ്കേതിക ലോകത്ത് ഇപ്പോള്‍ എല്‍ഇഡി വിപ്ലവമാണ്. ഇതിനിടെയാണ് പുതിയ റിപ്പോര്‍ട്ട് വന്നിരിക്കുന്നത്. ഇന്ന് ആഭ്യന്തരാവശ്യങ്ങള്‍ക്കും വ്യാവസായിക വാണിജ്യാവശ്യങ്ങള്‍ക്കും എല്‍ഇഡി ടെക്‌നോളജിയെയാണ് സമീപിക്കുന്നത്.
എല്‍ഇഡിയിലെ നീലപ്രകാശത്തിന് ഹ്രസ്വകാല പ്രകാശനം സൃഷ്ടിക്കുന്ന പ്രശ്‌നങ്ങള്‍, 50 വയസ്സിനു മുകളിലുള്ളവരില്‍ കാണപ്പെടുന്ന കാഴ്ചാവൈകല്യങ്ങള്‍ പോലെ, കണ്ണിലെ കലകള്‍ക്ക് കാരണമാകുന്നുണ്ട്.
ഇന്ന് മിക്ക വീടുകളിലും എല്‍ഇഡി ബള്‍ബുകളാണ് കൂടുതലായി ഉപയോഗിക്കുന്നത്. നിലവിലെ ബള്‍ബുകളേക്കാള്‍ വളരെ കുറച്ച് വൈദ്യുതി മാത്രമാണ് എല്‍ഇഡി ബള്‍ബുകള്‍ക്ക് വേണ്ടിവരുന്നത്.
2020-ല്‍ 48 ശതമാനവും എല്‍ഇഡി ബള്‍ബിലേക്ക് മാറുമെന്നാണ് റിപ്പോര്‍ട്ടുകള്‍ പറയുന്നത്.
https://www.facebook.com/Malayalivartha
