കണ്ണിനു ചുറ്റുമുള്ള 'ഡാര്‍ക് സര്‍ക്കിള്‍സ്' കൊണ്ട് പൊറുതിമുട്ടിയോ? എത്ര ശ്രമിച്ചിട്ടും അത് മാറുന്നില്ല ? വിഷമിക്കണ്ട ഈ പരിഹാര മാർഗമുണ്ടല്ലോ; ഇക്കാര്യങ്ങൾ ചെയ്തു നോക്കൂ; മാറ്റം മുഖത്തറിയൂ
നമ്മുക്ക് എല്ലാവർക്കും ഉണ്ടാകുന്ന ഒരു പ്രശ്‌നമാണ് കണ്ണിനു ചുറ്റും ഉണ്ടാകുന്ന 'ഡാര്‍ക് സര്‍ക്കിള്‍സ്'. കണ്ണിന് ചുറ്റുമായി കറുത്ത നിറം പടരുകയും കണ്ണ് കുഴിയുന്നതുമാണ് 'ഡാര്‍ക് സര്‍ക്കിള്‍സ്' എന്ന് പറയുന്നത്. ഇതുവഴി നമ്മുടെ ആത്മവിശ്വാസത്തെ ഇല്ലാതാക്കാനുള്ള സാഹചര്യം ഉണ്ട്.
പലപ്പോഴും പ്രായം മാറ്റി നിര്‍ത്തിക്കഴിഞ്ഞാല്‍ ജീവിതരീതികളാണ് ഏറ്റവുമധികമായി 'ഡാര്‍ക് സര്‍ക്കിള്‍സി'ലേക്ക് നമ്മെ നയിക്കുന്നതെന്നാണ് കണ്ടെത്തൽ. മാത്രമല്ല ഇതിന് പരിഹാരം കാണുക അത്ര എളുപ്പമല്ലെന്നാണ് അനുഭവസ്ഥര്‍ പറയുന്നത്. എന്നാല്‍ ചില കാര്യങ്ങള്‍ ശ്രദ്ധിക്കുന്നതിലൂടെ വലിയ പരിധി വരെ 'ഡാര്‍ക് സര്‍ക്കിള്‍സ്' മാറ്റാൻ സാധിക്കും. അത്തരത്തിലുള്ള ചില 'ടിപ്സ്' ഇതാ.
അതിനായി ആദ്യം ചെയ്യേണ്ടത് ഉറക്കം ശരിയായ രീതിയില്‍ ക്രമീകരിക്കുക എന്നതാണ്. പ്രധാനമായും ഉറക്കപ്രശ്നങ്ങളാണ് 'ഡാര്‍ക് സര്‍ക്കിള്‍സിന് കാരണമാകുന്നത്. അതിനാൽ തന്നെ കഴിയുന്നതും എട്ട് മണിക്കൂര്‍ ഉറക്കം ഉറപ്പു വരുത്തുക. ഇത് പലപ്പോഴായി അല്ലാതെ ഒരുമിച്ച് തന്നെ കിട്ടുകയും വേണം. കൂടാതെ ചര്‍മ്മം പതിവായി 'മോയിസ്ചറൈസ്' ചെയ്യുക.
ദിവസത്തില്‍ രണ്ട് തവണയെങ്കിലും മുഖം കഴുകി വൃത്തിയാക്കിയതിന് ശേഷം മോയിസ്ചറൈസര്‍ ഉപയോഗിക്കുക. ശരീരത്തില്‍ ആവശ്യത്തിന് ജലാംശം ഇല്ലാതാകുന്നതും 'ഡാര്‍ക് സര്‍ക്കിള്‍സി'ലേക്ക് നയിക്കാവുന്ന കാര്യമാണ്. ദിവസവും ആവശ്യത്തിന് വെള്ളം കുടിക്കുന്നുണ്ടെന്ന് ഉറപ്പുവരുത്തുക. അതുപോലെ ഉപ്പിന്‍റെ ഉപയോഗം കൂടിയാലും 'ഡാര്‍ക് സര്‍ക്കിള്‍സ്' വരാം. ഈ സാഹചര്യത്തിൽ ഉപ്പിന്‍റെ ഉപയോഗം പരിമിതപ്പെടുത്തി നോക്കുക.
ഉപ്പ് അധികമാകുമ്പോള്‍ ശരീരത്തിലെ ജലാംശം നഷ്ടപ്പെടുന്നതിനാലാണ് ഇങ്ങനെ സംഭവിക്കുന്നത്. മദ്യപാനം പതിവാക്കുന്നതും 'ഡാര്‍ക്ക് സര്‍ക്കിള്‍സി'ലേക്ക് നയിക്കുന്ന ഒന്നാണ്. മദ്യപിക്കുന്നത് ചര്‍മ്മത്തെ വളരെ പ്രതികൂലമായി ബാധിക്കാറുണ്ട്. പെട്ടെന്ന് പ്രായമായത് പോലെ തോന്നിക്കാനും ചര്‍മ്മത്തില്‍ ചുളിവുകള്‍ വീണ് ചര്‍മ്മം തൂങ്ങാനുമെല്ലാം മദ്യം കാരണമാകാറുണ്ട്.
മദ്യപാനം പോലെ തന്നെ പുകവലിയും 'ഡാര്‍ക് സര്‍ക്കിള്‍സി'ന് കാരണമായി വരാറുണ്ട്. അതിനാൽ മദ്യപാനവും പുകവലിയും പരിമിതപ്പെടുത്തുകയോ ഉപേക്ഷിക്കുകയോ ചെയ്യുന്നതിലൂടെ ഇത് മാറാൻ സഹായിക്കും. കായികാധ്വാനം കുറവാണെങ്കിലും ചര്‍മ്മത്തെ ദോഷകരമായി തന്നെ ബാധിക്കുന്നതാണ്. വ്യായാമം പതിവാക്കുന്നതിലൂടെ ചര്‍മ്മത്തെ എത്രമാത്രം പരിപോഷിപ്പിക്കുമെന്ന് കണ്ടു തന്നെ അറിയാവുന്നതാണ്. ദിവസവും വെയിലില്‍ ഏറെ നേരം ചെലവിടുന്നതും 'ഡാര്‍ക് സര്‍ക്കിള്‍സ്' ഉണ്ടാകാനിടയാകുന്നതിനാൽ ഏറെ നേരം വെയിലില്‍ നില്‍ക്കാതിരിക്കുക.
https://www.facebook.com/Malayalivartha
