ശരീരത്തിന് സ്വന്തമായി ഉത്പാദിപ്പിക്കാൻ കഴിയുന്ന ഏക വിറ്റാമിനാണ് ഡി. നേരിട്ടുള്ള സൂര്യപ്രകാശത്തോടുള്ള പ്രതികരണമായി ചർമ്മത്തിലൂടെ വിറ്റാമിൻ ഡി ഉത്പാദിപ്പിക്കാനുള്ള അതുല്യമായ കഴിവ് ശരീരത്തിന് ഉണ്ട്. ആവശ്യമുളള വിറ്റാമിൻ ഡിയുടെ 80 ശതമാനവും സൂര്യപ്രകാശത്തിൽ നിന്നും 20 ശതമാനം ഭക്ഷണത്തിൽ നിന്നും ലഭി​ക്കും. അതിനാൽ വിറ്റാമിൻ ഡിയുടെ ദൈനംദിന ഡോസ് വർദ്ധിപ്പിക്കുന്നതിനുള്ള ഒരു മാർഗമാണ് പുറത്തേക്ക് പോകുന്നത്.

രാവിലെ പത്തിനും മൂന്നു മണിയ്‌ക്കുമിടയ്‌ക്കുളള നന്നായി​ വെയിൽ കൊള്ളണം. കുറഞ്ഞത് 20 മിനിറ്റെങ്കിലും സൂര്യതാപം ഏൽക്കണം. മുട്ടയുടെ മഞ്ഞക്കരു, മത്സ്യങ്ങൾ (മത്തി, അയല പോലുള്ള കൊഴുപ്പുള്ളവ), മീൻമുട്ട, മീനെണ്ണ, പാൽ, പാലുത്പന്നങ്ങൾ, വെണ്ണക്കട്ടി, ഓറഞ്ച്, സോയാബീൻ എന്നി​വയി​ൽ ധാരാളം വി​റ്റാമി​ൻ ഡി​ ഉണ്ട്. ശരീരവേദന, മുടികൊഴിച്ചിൽ, ഹൃദയാഘാതം തുടങ്ങി പല അസുഖങ്ങൾക്കും ഇപ്പോൾ കണ്ടെത്തുന്ന പ്രധാന കാരണം വി​റ്റാമി​ൻ ഡിയുടെ കുറവാണ്.

രക്തത്തിലെ വിറ്റാമിന്റെ മതിയായ അളവ് ഉറപ്പാക്കാൻ ചില ഭക്ഷണങ്ങളിൽ നിന്നും സപ്ലിമെന്റുകളിൽ നിന്നും നിങ്ങൾക്ക് വിറ്റാമിൻ ഡി ലഭിക്കും.വിറ്റാമിൻ ഡിക്ക് നിരവധി പ്രധാന പ്രവർത്തനങ്ങൾ ഉണ്ട്. ഒരുപക്ഷേ ഏറ്റവും പ്രധാനപ്പെട്ടത് കാൽസ്യം, ഫോസ്ഫറസ് എന്നിവയുടെ ആഗിരണം നിയന്ത്രിക്കുകയും സാധാരണ രോഗപ്രതിരോധ സംവിധാനത്തിന്റെ പ്രവർത്തനത്തെ സുഗമമാക്കുകയും ചെയ്യുന്നു.

എല്ലുകളുടെയും പല്ലുകളുടെയും സാധാരണ വളർച്ചയ്ക്കും വികാസത്തിനും ആവശ്യത്തിന് വിറ്റാമിൻ ഡി ലഭിക്കുന്നത് പ്രധാനമാണ്, അതുപോലെ ചില രോഗങ്ങൾക്കുള്ള പ്രതിരോധം മെച്ചപ്പെടുത്തുന്നു.