നിരതെറ്റിയ പല്ലുകള് സുന്ദരമാക്കാം
നിരതെറ്റിയ പല്ലുകള് കേരളീയരില് ഇന്ന് സര്വ്വസാധാരണമായി കണ്ടുവരുന്ന ഒരു അവസ്ഥയാണ്. അഴകാര്ന്ന പല്ലുകള് സൌന്ദര്യത്തിന്റെ ഒരു പ്രധാന അളവുകോല് തന്നെയാണ് എന്നതിൽ തർക്കമില്ല .
പല്ലിന്റെ സൌന്ദര്യത്തെ കാര്യമായി ബാധിക്കുന്ന ഒരു പ്രശ്നമാണ് പല്ല് പൊങ്ങി വരുന്നത് .പല്ല് പൊങ്ങുന്നതിനുള്ള കാരണങ്ങള് പലതാണ് .വിരല് കടിക്കുക ,ചുണ്ട് കടിക്കുക ,നാക്ക് കടിക്കുക, എന്നിവയ്ക്ക് പുറമേ ഉറക്കത്തില് വായ തുറന്ന് ഉറങ്ങുന്നതും പല്ല് പൊങ്ങുന്നതിനുള്ള സാധ്യത കൂട്ടും.
ചെറിയ പ്രായത്തില് ഏതാണ്ടെല്ലാ കുട്ടികളുടെയും പല്ലുകള് നിരയൊത്തവയായിരിക്കും. എന്നാല് പാല്പല്ലുകള് പൊഴിഞ്ഞ് സ്ഥിരദന്തങ്ങള് വരുമ്പോള് അവ നിരതെറ്റിയതായും തള്ളിവരുന്നതായും കാണുന്നത് സാധാരണയാണ്. കുഞ്ഞുങ്ങള്ക്ക് ഏതാണ്ട് പത്ത് വയസാകുമ്പോള് മുതല് നല്ലൊരുപങ്ക് മാതാപിതാക്കളും മക്കളുടെ ദന്തസൗന്ദര്യത്തെക്കുറിച്ച് വേവലാതിപ്പെടാന് തുടങ്ങാറുണ്ട്
പല്ല് പൊങ്ങിയാല് പരിഹാരമായി നമ്മള് സാധാരണയായി ചെയുന്ന ചികിത്സയാണ് പല്ലില് കമ്പി ഇടുക എന്നത് .. അതോടെ ഏത് പ്രായത്തിലാണ് പല്ലുകള് കമ്പിയിട്ട് ശരിയാക്കാന് പറ്റുക എന്നതിനെക്കുറിച്ച് അച്ഛനമ്മമാര് അന്വേഷിക്കാന് തുടങ്ങുകയായി .എന്നാല് പല്ലില് കമ്പി ഇടുമ്പോള് യഥാര്ത്ഥ ഗുണം കിട്ടാനായി നമ്മള് ശ്രദ്ധിക്കേണ്ടതും അറിഞ്ഞിരിക്കേണ്ടതും ആയ ചില കാര്യങ്ങള് ഉണ്ട്. അവ എന്തൊക്കെ എന്ന് നോക്കാം .
പല്ലിൽ കമ്പിയിടുന്ന ചികിൽസ ഇന്ന് വളരെ സാധാരണമാണ്. പല്ലിന്റെ കമ്പിയിടൽ ചികിൽസ രണ്ടു തരത്തിൽ ഉണ്ട്.
1. എടുത്തു മാറ്റുന്ന തരത്തിലുള്ള കമ്പിയിടൽ
2. ഉറപ്പിച്ചു വയ്ക്കുന്ന തരത്തിലുള്ള ചികിൽസ
ഈ ചികിൽസാരീതികൾ പല തരത്തിൽ ചെയ്യാവുന്നതാണ്. പല്ലിൽ കമ്പിയിടുവാൻ തീരുമാനിക്കുമ്പോൾ ഏതു തരത്തിലുള്ള ചികിൽസയാണ് ചെയ്യേണ്ടതെന്ന് ദന്തഡോക്ടറോട് ആലോചിച്ചു തീരുമാനിക്കണം കമ്പിയിടാൻ വരുന്നവരിൽ കൂടുതലും ഭയപ്പെടുന്നത് പല്ല് എടുത്തിട്ടുള്ള ചികിത്സയെയാണ്. പല്ലെടുക്കുന്നത് എന്തിനാണ് എന്നാണ് ആദ്യം മനസിലാക്കേണ്ടത്. സാധാരണ രീതിയിൽ പല്ലിന് കമ്പി ഇടേണ്ടതായി വരുന്ന സാഹചര്യങ്ങൾ –
1. പല്ലു പൊങ്ങുമ്പോൾ,2. പല്ലുകൾക്ക് ഇടയിൽ വിടവ് ഉണ്ടാകുമ്പോൾ ,3. പല്ലുകൾ തിരിഞ്ഞിരിക്കുമ്പോൾ ,4. പല്ലുകൾ മോണയിൽ നിന്നു പുറത്തേക്ക് വരാതെ നിൽക്കുമ്പോൾ ,5. പല്ലു നിരതെറ്റി തിങ്ങിഞെരുങ്ങി നിൽക്കുമ്പോൾ
ഈ കാരണത്താൽ പല്ലിൽ കമ്പിയിടാൻ തീരുമാനിക്കുന്ന ആൾക്ക് പല്ലിനെ നിരയിൽ എത്തിക്കുവാനും താക്കുവാനും സ്ഥലം ആവശ്യമാണ്. ഇങ്ങനെയുള്ള അവസരങ്ങളിലാണ് അണപ്പല്ലുകളുടെ തൊട്ടു മുന്പുള്ള ചെറിയ അണപ്പല്ലുകൾ എടുത്ത് കളഞ്ഞ് താഴുവാനുള്ള സ്ഥലം ഉണ്ടാക്കുവാൻ ഡോക്ടർ നിർദ്ദേശിക്കുന്നത്.
എക്സറേ പരിശോധന,മോഡൽ പഠനം, ക്ലിനിക്കൽ പരിശോധന,ഇവ പരിഗണിച്ചാണ് ചികിത്സ തീരുമാനിക്കുന്നത്. ചികിത്സ കഴിയുമ്പോൾ പല്ലെടുത്തു കളഞ്ഞ സ്ഥലം പൂർണ്ണമായും അടഞ്ഞിരിക്കും.
പല്ലിന്റെ കമ്പിയിടുന്നതിനും മുമ്പ് വായ്ക്കുള്ളിൽ പൂർണ്ണമായ ഒരു പരിശോധന ആവശ്യമാണ്.
പല്ലുകൾ ക്ലീൻ ചെയ്ത് പോടുകൾ അടക്കുന്നത് മോണരോഗം ഉണ്ടാകുവാൻ ഉള്ള സാധ്യത ഇല്ലാതെ ആകുന്നു.എല്ലിനുള്ളിൽ കുടുങ്ങി പുറത്തുവരുവാതിരിക്കുന്ന പല്ലുകൾ പരിശോധിച്ച് ആവശ്യമെങ്കിൽ എടുത്തുമാറ്റണം.നിലവിൽ അണപ്പല്ലുകൾ ഏതെങ്കിലും എടുത്തുകളഞ്ഞിട്ടുണ്ടെങ്കിൽ ഈ സ്ഥലം സംരക്ഷിക്കുവാൻ പ്രത്യേക രൂപകൽപന ചെയ്ത രീതിയിലുള്ള ചികിത്സ ആവശ്യമാണ്.
പല്ലുകൾ പുറത്തുവരുമ്പോൾ മുതൽ ഉള്ള പരിശോധനയും ചികിത്സകളും പല്ലിൽ കമ്പിയിടുന്നതിന്റെ സങ്കീർണ്ണത കുറയ്ക്കുന്നു.
സാധാരണയായി 14 വയസിന് ശേഷം കുട്ടികളുടെ പല്ലുകള് നിരതെറ്റി നില്ക്കുന്നതായോ പൊങ്ങിനില്ക്കുന്നതായോ കാണുന്നുവെങ്കിലേ ദന്തക്രമീകരണ ചികിത്സ നടത്തേണ്ടതുള്ളൂ.
എന്നാല് ചില കുട്ടികളുടെ കാര്യത്തില് സ്ഥിതി ഇതായിരിക്കില്ല. സ്ഥിരദന്തങ്ങള് വളര്ന്നുവരുന്ന 12-13 പ്രായത്തില് പല്ലുകളുടെ വളര്ച്ചയിലുണ്ടാകുന്ന ചില അപാകതകള് കൊണ്ടോ താടിയെല്ലുകളുടെ വളര്ച്ചയിലുണ്ടാകുന്ന ഏറ്റക്കുറച്ചിലുകള് കൊണ്ടോ താടിയെല്ലുകളിലും സ്ഥിര ദന്തങ്ങളിലും ചില വൈകല്യങ്ങളുണ്ടാകാറുണ്ട്. ഇവ യഥാസമയം കണ്ടെത്തുകയും ചികിത്സിക്കുകയും വേണം. അതായത് അത്തരം പ്രശ്നങ്ങള് ചികിത്സിക്കാന് 13-14 വയസുവരെ കാത്തിരിക്കരുത് എന്നര്ത്ഥം.
ഏത് പ്രശ്നങ്ങള് എപ്പോഴാണ് പരിഹരിക്കേണ്ടത് എന്നറിയാനും എങ്ങനെയാണ് ഏറ്റവും ലളിതമായ ചികിത്സാ രീതികളിലൂടെയും പരിഹരിക്കാനാവുക എന്നും തിരിച്ചറിയാന് യഥാസമയം പരിചയസമ്പന്നരായ ദന്ത വിദഗ്ധരുടെ ഉപദേശം തേടണം
https://www.facebook.com/Malayalivartha