സ്ത്രീയ്ക്കും പുരുഷനും ആരോഗ്യകരമായ ശരീരം അനുഗ്രഹം തന്നെയാണ്. പുറമേ ആരോഗ്യമുളളവരാണെന്ന് തോന്നുമെങ്കിലും പലരിലും ആരോഗ്യപ്രശ്‌നങ്ങള്‍ ഒളിഞ്ഞിരിപ്പുണ്ടാകും. ആരോഗ്യകരമായ പുരുഷശരീരത്തിന്റെ ചില ലക്ഷണങ്ങളെക്കുറിച്ചറിയാം.

* ജോലി ചെയ്യുന്നതിനിടെ 20 പുഷ് അപ് അടുപ്പിച്ച് ചെയ്യാന്‍ സാധിക്കുന്നുവെങ്കില്‍ നിങ്ങള്‍ ആരോഗ്യമുളള പുരുഷനാണ്.

* ദിവസവും ഒരേ സമയത്തു തന്നെ അലാറമില്ലാതെ നിങ്ങള്‍ക്കുണരാന്‍ സാധിയ്ക്കുന്നുണ്ടോ, ആരോഗ്യമുള്ള പുരുഷനാണ് നിങ്ങളെന്നര്‍ത്ഥം.

* ഉറക്കക്കുറവ് ഇത്തരം പ്രശ്‌നങ്ങളുണ്ടാക്കും. എന്നാല്‍ വേണ്ട രീതിയില്‍ ഉറങ്ങിയിട്ടും വല്ലാതെ ക്ഷീണവും മറ്റും തോന്നുകയാണെങ്കില്‍ ഇത് പലപ്പോഴും പല രോഗങ്ങളുടേയും ലക്ഷണവുമാകാം.

* പിങ്ക് നിറത്തിലെ നാവ് നിങ്ങള്‍ ആവശ്യത്തിന് അയേണ്‍, ഫോളിക് ആസിഡ്, വൈറ്റമിന്‍ ബി 12 എന്നിവ കഴിയ്ക്കുന്നുവെന്നതിന്റെ തെളിവാണ്. എന്നാല്‍ മഞ്ഞ നിറത്തിലെ നാവ് ഫംഗസ് ബാധ, അനീമിയ എന്നതിന്റെ തെളിവു കൂടിയാണ്.

* മൂത്രത്തിന്റെ നിറം വളരെ പ്രധാനം. മഞ്ഞനിറത്തിലെ മൂത്രമെങ്കില്‍ ആരോഗ്യപ്രശ്‌നങ്ങളുണ്ടാകാം. അല്ലെങ്കില്‍ വേണ്ട പോലെ വെള്ളം കുടിയ്ക്കാത്തതു കൊണ്ടാകാം. മൂത്രത്തില്‍ രക്തമോ മറ്റോ ഉണ്ടെങ്കിലും ഡോക്ടറെ കാണുക.

* നഖം പിങ്ക് നിറത്തിലാവണം. ഇത് മിനുസമുള്ളതും ഉറപ്പുള്ളതുമാകണം. നഖത്തില്‍ വെള്ള പാടുണ്ടെങ്കില്‍ ഇത് പ്രമേഹലക്ഷണമാകാം. മഞ്ഞ നിറമെങ്കില്‍ ശ്വാസകോശസംബന്ധമായ അസുഖമാകാം.

* വിശ്രമിയ്ക്കുന്ന സമയത്ത് നിങ്ങളുടെ ഹൃദയമിടിപ്പ് മിനിറ്റില്‍ 70 ബീറ്റ്‌സാണോയെന്നു പരിശോധിയ്ക്കുക. ഇത് 70 അല്ലെങ്കില്‍ അതില്‍ അല്‍പം കുറവുമാകാം. എന്നാല്‍ 70ല്‍ കൂടുതലെങ്കില്‍ ഹൃദയാരോഗ്യം മെച്ചപ്പെടുവാനുണ്ടെന്നു ചുരുക്കം.

* ദിവസവും ഒരേ സമയത്തു തന്നെ നിങ്ങള്‍ക്ക് ശോധനയുണ്ടെങ്കില്‍ ഇതും ആരോഗ്യത്തിന്റെ ലക്ഷണം തന്നെയാണ്. മലബന്ധം പലപ്പോഴും പല അസുഖങ്ങളുടേയും ലക്ഷണവുമാകാം.