ഇക്കാര്യങ്ങള് ശ്രദ്ധിച്ചാല് സ്റ്റാമിന വര്ദ്ധിപ്പിക്കാം
നല്ല ബലവും ആരോഗ്യവും കരുത്തുമുള്ള ശരീരം ആഗ്രഹിക്കാത്തവര് ആരുമുണ്ടാകില്ല. സ്റ്റാമിന വര്ദ്ധിപ്പിക്കുന്നതിനായി ജിമ്മിലും കഠിനവ്യായാമം ചെയ്യുന്നവരും ചില്ലറയല്ല. എന്നാല് ഇനി ഇത്തരക്കാര്ക്ക് വീട്ടില് തന്നെ ചില കാര്യങ്ങള് ശ്രദ്ധിച്ചാല് സ്റ്റാമിന വര്ദ്ധിപ്പിക്കാം. അതിനായി ചില കാര്യങ്ങള് ശ്രദ്ധിച്ചാല് മതി. എന്തൊക്കെയാണ് സ്റ്റാമിനക്കായി കഷ്ടപ്പെടുന്നവര് ശ്രദ്ധിക്കേണ്ട കാര്യങ്ങള് എന്ന് നോക്കിയാല് മതി.
കാര്ബോഹൈഡ്രേറ്റ് ഭക്ഷണങ്ങള് ഒരിക്കലും ശരീരത്തിന് അനാരോഗ്യം ഉണ്ടാക്കുന്ന ഒന്നല്ല. മസിലുകളുടെ കരുത്ത് വര്ദ്ധിപ്പിക്കാന് ഇത്തരത്തിലുള്ള ഭക്ഷണങ്ങളും കഴിയ്ക്കുക. വ്യായാമം ചെയ്യുന്നത് നല്ലതാണ്. എന്നാല് അവനവന്റെ ശരീര പ്രകൃതി അനുസരിച്ച് വ്യായാമം ചെയ്യാന് ശ്രദ്ധിക്കുക. ഇത് ശാരീരിക ക്ഷമത വര്ദ്ധിപ്പിക്കും. ഇതിലൂടെ സ്റ്റാമിന വീണ്ടെടുക്കാം. ദു:ശ്ശീലങ്ങള് കുറയ്ക്കുന്നത് നല്ലതാണ്. മദ്യപാനം, പുകവലി തുടങ്ങിയവ കായികക്ഷണമത കുറയ്ക്കുകയാണ് ചെയ്യുന്നത്.
എന്തെങ്കിലും വ്യായാമമോ കായിക വിനോദങ്ങളോ ചെയ്യുമ്പോള് ഇടയ്ക്കിടെയുള്ള വിശ്രമം ഒഴിവാക്കുക. അമിതമായി ആയാസം തോന്നുന്നുണ്ടെങ്കില് സെക്കന്റുകള് മാത്രം വിശ്രമിക്കുക. ഭക്ഷണം കഴിയ്ക്കുന്നത് പലതവണയായി കുറഞ്ഞ അളവില് കഴിയ്ക്കുന്നതാണ് നല്ലത്. കൃത്യമായ ഇടവേളകളില് ഭക്ഷണം കഴിയ്ക്കാന് ശ്രദ്ധിക്കുക. ഭക്ഷണത്തില് വ്യത്യസ്തത നല്ലതാണ്.
എന്നാല് ആരോഗ്യമുള്ള ഭക്ഷണമായിരിക്കണം കഴിയ്ക്കേണ്ടത്. കൊഴുപ്പ് കുറഞ്ഞ ഇറച്ചിയും ഭക്ഷണങ്ങളും ശീലമാക്കുക. ഇത് ശരീരത്തിന്റെ സ്റ്റാമിന വര്ദ്ധിപ്പിക്കുന്നു. മാത്രമല്ല മാനസികമായും കരുത്ത് വര്ദ്ധിപ്പിക്കുന്നു. നിര്ജ്ജലീകരണം പലപ്പോഴും മരണത്തിന് വരെ കാരണമാകുന്നു. അതുകൊണ്ട് തന്നെ ശാരീരിക ക്ഷണത വര്ദ്ധിപ്പിക്കാന് ആഗ്രഹിക്കുന്നവര്ക്ക് വെള്ളം ധാരാളം കുടിയ്ക്കേണ്ടത് അത്യാവശ്യമാണ്. വ്യായാമം ചെയ്യുന്നതാണെങ്കിലും എല്ലാ ദിവസവും ഒരു പോലെ തുടങ്ങുക. ആദ്യം ഏത് വ്യായാമമാണോ ചെയ്യുന്നത് അത് തുടരുക.
https://www.facebook.com/Malayalivartha
