എല്ലാവരുടേയും ശരീരത്തിന് മറ്റുള്ളവരിൽ നിന്നും വ്യതാസപ്പെട്ട് സ്വന്തമായ ഗന്ധമുണ്ട്. ശരീരത്തിന്റെ ഗന്ധത്തിനു വ്യത്യാസം വരുത്തുന്നതിന് കഴിക്കുന്ന ആഹാരത്തിനുള്ള പങ്ക് വളരെ വലുതാണ്. എന്നാല്‍ ചിലരില്‍ ഇത് ഭക്ഷണവുമായി വളരെയധികം അടുത്ത് നില്‍ക്കുന്നതാണ്. ചില ഭക്ഷണങ്ങള്‍ കഴിക്കുന്നത് പുരുഷന്‍മാരില്‍ ശരീരദുര്‍ഗന്ധം ഉണ്ടാക്കുന്നു. ചില ഭക്ഷണങ്ങള്‍ പുരുഷന്‍മാരില്‍ ശരീര ദുര്‍ഗന്ധത്തോടൊപ്പം തന്നെ ആരോഗ്യപരമായി പല പ്രശ്‌നങ്ങളും ഉണ്ടാക്കുന്നു.

എന്തൊക്കെ ഭക്ഷണങ്ങൾ കഴിച്ചാലാണ് പുരുഷന്മാരിൽ അത് ശരീര ദുര്‍ഗന്ധമുണ്ടാക്കുന്നത് എന്ന് നോക്കാം.

പൊതുവെ എരിവുള്ള ഭക്ഷണങ്ങള്‍ ഇഷ്ടമുള്ളവരാണ് പുരുഷന്മാർ എന്നാൽ അമിതമായി എരിവുള്ള ഭക്ഷണങ്ങള്‍ കഴിക്കുന്നത് ശരീരത്തില്‍ സള്‍ഫര്‍ വര്‍ദ്ധിക്കാന്‍ ഇടയാക്കുകയും അത് തൊലിയുടെ ശ്വസനത്തെ ഇല്ലാതാക്കുകയും ചെയ്യും.കൂടാതെ ഇത് അള്‍സര്‍ പോലുള്ള പ്രശ്‌നങ്ങള്‍ക്കും കാരണമാകും.

വെളുത്തുള്ളി കൂടുതല്‍ ഇട്ട വിഭവങ്ങള്‍, ഉള്ളി കൂടുതല്‍ ചേര്‍ത്ത വിഭവങ്ങള്‍, എരിവും പുളിയും കൂടുതലുള്ള കറികള്‍ എന്നിവ കഴിക്കുന്നതും ശരീരത്തില്‍ ദുര്‍ഗന്ധത്തിന് കാരണമാക്കും.

റെഡ് മീറ്റ് കഴിക്കുന്നത് ശരീരത്തിന്റെ ദഹനപ്രക്രിയയ്ക്ക് സമ്മര്‍ദ്ദം ഉണ്ടാക്കാന്‍ കാരണമാകുന്നു. ഇത് ശരീരത്തില്‍ നിന്നും ദുര്‍ഗന്ധം ഉണ്ടാവാന്‍ കാരണമാകുന്നു. അതിനാൽ ഭക്ഷണത്തിൽ ധാരാളം പച്ചക്കറികള്‍ ഉൾപ്പെടുത്തുക.

ഉലുവ ഭക്ഷണത്തിലെ പ്രധാനപ്പെട്ട ഒരു ഘടകമാണ് എന്നാൽ അതും ഒരു പരുതിയിലപ്പുറം കഴിക്കുന്നത് ശരീര ദുര്‍ഗന്ധത്തിനു കാരണമാകും.

പുറത്തുനിന്ന് വാങ്ങിക്കുന്ന കൃത്രിമ മധുരപലഹാരങ്ങള്‍ അമിതമായി കഴിക്കുന്നതും ശരീര ദുര്‍ഗന്ധം ഉണ്ടാക്കുന്നു.

സ്ത്രീകളേക്കാള്‍ ചോക്ലേറ്റ്,സോഡ, ചായ, കാപ്പി, മദ്യം എന്നിവകൂടുതലായി ഉപയോഗിക്കുന്നത് പുരുഷന്മാരാണ് ഇതും ശരീര ദുർഗന്ധത്തിന് കാരണമാക്കുമെന്നു മാത്രമല്ല ഇത് പല ആരോഗ്യ പ്രശ്നങ്ങൾക്കും കാരണമാകുകയും ചെയ്യും.

അമിതമായി ജങ്ക്ഫുഡ് ഭക്ഷണങ്ങള്‍ കഴിക്കുന്നതുംശരീര ദുര്‍ഗന്ധത്തിന് കാരണമാക്കും. ഇത്തരം ഭക്ഷണം ദഹിക്കാന്‍ കൂടുതല്‍ സമയം എടുക്കുകയും അനാവശ്യ ശ്വസനത്തിന് ഇടയാക്കുകയും ചെയ്യുന്നു. ഇത്തരം ഭക്ഷണങ്ങളില്‍ കൂടിയ അളവില്‍ ഓയിലും, പഞ്ചസാരയും,ഉപ്പും അടങ്ങിയിട്ടുണ്ട്. ഇതും ആരോഗ്യത്തിന് ദോഷം ചെയ്യുന്നു.

ഭക്ഷണത്തില്‍ കാര്‍ബണ്‍ കുറഞ്ഞാല്‍ അത് ശരീര ദുര്‍ഗന്ധത്തിന് കാരണമാകുകയും ചെയ്യുന്നു. ഇത് വിയര്‍പ്പ് കൂടാന്‍ കാരണമാകുന്നു. ഈ അവസരത്തില്‍ രക്തത്തില്‍ കീറ്റോണ്‍ എന്ന കെമിക്കല്‍ ഉണ്ടാകാന്‍ കാരണമാകുകയും ദുര്‍ഗന്ധം ശരീരത്തിനുണ്ടാകുകയും ചെയ്യുന്നു.

പ്രോട്ടീന്‍ ധാരാളം അടങ്ങിയ പാല്‍ ഉല്‍പ്പന്നങ്ങള്‍ ദഹിക്കാന്‍ കൂടുതല്‍ സമയം എടുക്കുന്നു. ഇത് ഹൈഡ്രജന്‍ സള്‍ഫൈഡും മീഥൈയ്‌നും പുറം തള്ളുന്നത് കാരണം ശരീരദുർഗന്ധം ഉണ്ടാകുന്നു.