ചെറിയ കാര്യങ്ങള്‍ ചെയ്യുമ്പോഴോ കൂടുതല്‍ നേരം വിശ്രമിക്കുമ്പോളോ ദിവസം മുഴുവന്‍ ക്ഷീണം അനുഭവപ്പെടുന്നുവെങ്കില്‍ അത് പല ആരോഗ്യ പ്രശ്‌നങ്ങളുടെയും ലക്ഷണമാണ്. വിവിധ അവയവങ്ങള്‍, കോശങ്ങള്‍ , രക്തം, രക്തകോശങ്ങള്‍ തുടങ്ങിയവ കൂടിചേര്‍ന്നതാണ് ശരീരം എന്ന് നമുക്കറിയാം. രക്തം രക്തചംക്രമണ വ്യവസ്ഥയുടെ ഭാഗമായ ഒരു ദ്രാവകമാണ്. ഇത് ധമനികളിലൂടെയും ഞരമ്പിലൂടെയും ഒഴുകുന്നു. എല്ലാ അവയവങ്ങളും പ്രവര്‍ത്തിക്കാനായി ഓക്‌സിജന്‍ എത്തിക്കുകയും ചെയ്യുന്നു. ശരീരത്തില്‍ കാര്‍ബണ്‍ ഡൈ ഓക്‌സൈഡ് നീക്കം ചെയ്യാനുള്ള ഉത്തരവാദിത്തവും രക്തത്തിനാണ്.അതിനാല്‍ ജീവനുള്ള ഒന്നിനെ സംബന്ധിച്ച് രക്തം അതിപ്രധാനമാണ്.ചുവന്ന രക്താണുക്കള്‍, വെളുത്ത രക്താണുക്കള്‍, പ്ലേറ്റ്‌ലെറ്റുകള്‍ എന്നിവയാലാണ് രക്തം ഉണ്ടാക്കിയിരിക്കുന്നത്.

ചുവന്ന രക്താണുക്കളില്‍ ഹീമോഗ്ലോബിന്‍ എന്ന ഒരു പ്രോട്ടീന്‍ അടങ്ങിയിരിക്കുന്നു.അതാണ് ശരീരത്തില്‍ നിന്നും കാര്‍ബണ്‍ഡൈ ഓക്‌സൈഡ് വഹിക്കുന്നത്.രോഗാണുക്കളില്‍നിന്നും രക്ഷപെടാന്‍ ശരീരത്തിന് പ്രതിരോധശേഷി നല്‍കുന്നവയാണ് വെളുത്ത രക്താണുക്കള്‍ . രക്തസ്രാവം ഉണ്ടാകാതെ രക്തം കട്ടപിടിക്കാന്‍ പ്‌ളേറ്റ്‌ലറ്റുകള്‍ സഹായിക്കുന്നു.നിങ്ങളുടെ ശരീരത്തില്‍ ചുവന്ന രക്താണുക്കള്‍ കുറഞ്ഞാല്‍ ഹീമോഗ്ലോബിന്റെ അളവ് കുറയും.തുടര്‍ന്ന് വിളര്‍ച്ച ഉണ്ടാകും. ക്ഷീണം, തലകറക്കം, ശ്വാസം മുട്ടല്‍, ത്വക്കിന് നിറവ്യത്യാസം , ബലഹീനത, തലവേദന, അമിതമായ ആര്‍ത്തവരക്തസ്രാവം തുടങ്ങിയവയാണ് സാധാരണ വിളര്‍ച്ചകളുടെ ലക്ഷണം. ശരിയായ സമയത്ത് ചികിത്സയില്ലെങ്കില്‍, വിളര്‍ച്ച ഗുരുതരമായ ആരോഗ്യപ്രശ്‌നങ്ങളിലേയ്ക്ക് നയിച്ചേക്കാം. അതുകൊണ്ട് പ്രകൃതിദത്തമായി വിളര്‍ച്ചയെ ചികിത്സിക്കാന്‍ സഹായിക്കുന്ന വീട്ടിലെ മരുന്ന് ചുവടെ ചേര്‍ക്കുന്നു.

മാതളം ,എള്ള് എന്നിവയില്‍ ധാരാളം അയണും പ്രോട്ടീനും അടങ്ങിയിരിക്കുന്നു.ഇവ ചുവന്ന രക്തകോശങ്ങളെ കൂട്ടി ഹീമോഗ്ലോബിന്‍ അളവ് വര്‍ദ്ധിപ്പിക്കാന്‍ സഹായിക്കും. 1. മാതളജ്യൂസില്‍ പറഞ്ഞ അളവില്‍ എള്ള് പൊടിച്ചത് ചേര്‍ക്കുക 2. ഇത് നന്നായി ഇളക്കി ഉപയോഗിക്കാം 3. കുറഞ്ഞത് രണ്ടു മാസം ദിവസവും പ്രഭാത ഭക്ഷണത്തിനു ശേഷം കുടിക്കുക.കൂടാതെ ചീര,ബീറ്റ്‌റൂട്ട്,മാംസം തുടങ്ങി ഇരുമ്പ് അടങ്ങിയ ഭക്ഷണങ്ങള്‍ ധാരാളം കഴിക്കുകയും വേണം. അലൂമിനിയം , സ്റ്റീല്‍ പാത്രങ്ങള്‍ക്ക് പകരം ഇരുമ്പ് പാത്രങ്ങളില്‍ ഭക്ഷണം പാകം ചെയ്യുന്നതും വിളര്‍ച്ച കുറയ്ക്കും.നിങ്ങളുടെ ഹീമോഗ്ലോബിന്‍ അളവ് വളരെ കുറവാണെങ്കില്‍ ഉടന്‍ തന്നെ വൈദ്യസഹായം തേടേണ്ടതാണ്.