കുഞ്ഞുങ്ങൾക്ക് ആഹരം നൽകുന്നതിൽ ഭയം ഉള്ളവരാണോ നിങ്ങൾ?? കുഞ്ഞുങ്ങള്‍ക്ക് റാഗി അഥവാ പുല്ല് നല്‍കേണ്ടത് ഇങ്ങനെ......
കുഞ്ഞുങ്ങള്‍ക്ക് മുലപ്പാല്‍ ശേഷം കൊടുത്തു തുടങ്ങുന്ന ഭക്ഷണങ്ങളില്‍ പ്രധാനമാണ് റാഗി അഥവാ പഞ്ഞപ്പുല്ല്. മുലപ്പാല്‍ ശേഷം കുട്ടിയ്ക്ക് കൊടുത്തു തുടങ്ങുന്ന ഭക്ഷണങ്ങളില്‍ പ്രധാനം. റാഗി ആരോഗ്യകരമാണ്, മുതിര്‍ന്നവര്‍ക്കും കുട്ടികള്‍ക്കും. ഫിംഗര്‍ മില്ലറ്റ് എന്നാണ് ഇത് അറിയപ്പെടുന്നത്. ഇതില്‍ പ്രധാനമായും കാര്‍ബോഹൈഡ്രേറ്റ് ആണ് അടങ്ങിയിരിയ്ക്കുന്നത്.
റാഗി പാല്‍ ആയിട്ടല്ല, അതേ രൂപത്തില്‍ തന്നെ കുറുക്കിയാണ് നല്‍കേണ്ടത്. ഇതിന്റെ തവിടിലാണ് പ്രധാനമായും പോഷകങ്ങള്‍ വരുന്നത്. ഇതിന്റെ മാത്രമല്ല, ഏതു ധാന്യമെങ്കിലും. ഇതിനാല്‍ തവിടോടു കൂടി ധാന്യങ്ങള്‍ കഴിയ്ക്കാന്‍ ശ്രമിയ്ക്കുക. പലരും തവിടും ഉമിയും ഒന്നാണെന്ന് കരുതുന്നതാണ് ഇത്തരം ചിന്തയ്ക്കു കാരണം. ബ്രാന്‍ ആണ് തവിട്. വൈറ്റമിന്‍ ബി1 പോലുള്ളവ ഇതില്‍ ഏറെയുണ്ട്.
കുഞ്ഞുങ്ങൾ അല്‍പം വളര്‍ന്നാല്‍ ഇ്ഡ്ഢലി, ദോശ എന്നിവയെല്ലാം തയ്യാറാക്കുമ്പോള്‍ വേണമെങ്കില്‍ മാവില്‍ അല്‍പം റാഗിപ്പൊടി ചേര്‍ത്ത് നല്‍കാം. കാരണം റാഗി ഏറെ നല്ലതാണ്. കര്‍ണാടക പോലുള്ള സ്ഥലങ്ങളില്‍ റാഗി ഉണ്ട പ്രധാനപ്പെട്ട ഭക്ഷണമാണ്. റാഗി ശര്‍ക്കരയും ചേര്‍ത്ത് തയ്യാറാക്കുന്ന വിഭവമാണിത്. ഇതും അല്‍പം വളര്‍ന്നാല്‍ കുഞ്ഞുങ്ങള്‍ക്കും കുട്ടികള്‍ക്കും നല്‍കാം. കുട്ടികള്‍ക്ക് മാത്രമല്ല, മുതിര്‍ന്നവര്‍ക്കും കഴിയ്ക്കാവുന്ന പ്രധാനപ്പെട്ട ഭക്ഷണമാണ് ഇത്. അധികം വിലയില്ലാത്ത, ഏറെ ആരോഗ്യ ഗുണങ്ങള്‍ അടങ്ങിയ ഒന്നാണിത്.
റാഗിപ്പൊടി കുറുക്കിയാണ് നല്‍കേണ്ടത്. ഇതില്‍ പാല്‍ ചേര്‍ക്കേണ്ട ആവശ്യം തന്നെയില്ല. ഇത് വെള്ളത്തില്‍ കുറുക്കിയാല്‍ മതി. ഇതു പോലെ ആവശ്യമെങ്കില്‍ മാത്രം അല്‍പം പാല്‍ രുചിയ്ക്കു വേണ്ടി നല്‍കാം. തുടക്കത്തില്‍ ശര്‍ക്കരയോ കരുപ്പെട്ടിയോ ഉപ്പോ ചേര്‍ത്ത് നല്‍കാം. ഇതില്‍ വെണ്ണ ചേര്‍ത്ത് നല്‍കുന്നത് നല്ലതാണ്. കുഞ്ഞിന്റെ പ്രായം ഏറി വരുന്നതിന് അനുസരിച്ച് ഇതില്‍ തൈരോ വീട്ടിലുണ്ടാക്കുന്ന രസമോ എല്ലാം ചേര്‍ത്ത് നല്‍കാം. ഇത് കുഞ്ഞുങ്ങള്‍ക്ക് സ്വാദു വ്യത്യാസത്തോടെ കഴിയ്ക്കാന്‍ സഹായിക്കും.
https://www.facebook.com/Malayalivartha
